Rutger Hauer

Vikipediya, azad ensiklopediya
Jump to navigation Jump to search
Rutger Hauer
nid. Rutger Hauer
Rutger Hauer (2018).jpg
Doğum tarixi 23 yanvar 1944(1944-01-23)[1][2][3][…]
Doğum yeri
Vəfat tarixi 19 iyul 2019(2019-07-19)[4][3][5][…] (75 yaşında)
Vəfat yeri
Vətəndaşlığı
Peşəsi aktyor, kino aktyoru, kinorejissor, televiziya aktyoru, ətraf mühit fəalı
Fəaliyyət illəri 1969–2019
IMDb ID 0000442
rutgerhauer.org
Commons-logo.svg Vikianbarda əlaqəli mediafayllar

Rutger Ulsen Hauer (Nid.: [ˈrɵtxər ˈulsə(n) ˈɦʌuər]; 23 yanvar 1944(1944-01-23)[1][2][3][…], Bryokelen[d]19 iyul 2019(2019-07-19)[4][3][5][…], Betsterzvaq[d], Frislandiya[d][6]) — hollandiyalı aktyor, yazıçı və ekoloq. Həm holland, həm də ingilisdilli seriallarda və filmlərdə rol alıb.

Onun karyerası Hollandiya televiziyasında yayımlanan "Floris" serialındakı rolu ilə 1969-cu ildə başladı və 1973-cü ildə kütləvi uğur əldə edən "Türk şirniyyatı" filmi ilə daha da gücləndi. 1977-ci ildə o, "Narıncı əsgər" filmi ilə dünya miqyaslı ulduza çevrildi və Amerika filmlərində çəkilməyə başladı. "Gecə qırğıları" filmində beynəlxalq terrorçu, Blade Runner filmində öz mövcudluğunu dərk edən android Roy Battini canlandırır. Bu filmlərdə nümayiş etdirdiyi aktyor bacarığı onun "Ostermanın uikendi", "Ledi-şahin", "Bədən və qan", "Yol yoldaşı", "Sobibordan qaçış" (bu rola görə Ən yaxşı ikinci plan aktyoru nominasıyasında Qızıl Qlobus mükafatı), "Kor qəzəb", "Qəhrəmanların qanı" və "İzdivac" filmlərində aparıcı rollar almasına səbəb oldu. 1990-cı illərdə o "Baffi – vampirlərin qatili", "Təhlükəli adamın etirafları", Sin City, Batman başlayır, "Ayin" kimi filmlərdə məşhur köməkçi rollar, habelə "Tüfəngli evsiz" filmində baş rol oynadı.

Hauer ekoloq idi. O, həmçinin Rutger Hauer Dəniz Ulduzları Dərnəyi adlı QİÇS haqda məlumatlılıq təşkilatı qurmuşdu. [7]

Hauer 23 yanvar 1944-cü ildə, Hollandiya İkinci Dünya Müharibəsi dövründə alman işğalı altında olarkən Bryokelendə[8] anadan olmuşdur. [9] 1981-ci ildə verdiyi bir reportajda "Mən müharibənin ortasında anadan olmuşam və bu səbəbdən pasifizmdə dərin köklərim olduğunu düşünürəm. Zorakılıq məni qorxudur." Valideynləri Tyonke və Arend Hauer Amsterdam yaxınlığında bir aktyor məktəbi işlədən aktyor idilər. Üç bacısı vardı, biri böyük və iki kiçik.

Təltifləri[redaktə | əsas redaktə]

Hauer, 2013-cü ildə Hollandiya Aslanı ordeni ilə təltif edilərək cəngavər adı aldı.

Şəxsi həyatı[redaktə | əsas redaktə]

Hauer, 1985-ci ildə ikinci həyat yoldaşı, 1968-ci ildən bəri birlikdə olduğu İneke ten Keyt ilə evləndi. Birinci həyat yoldaşı Haydi Mersdən Ayşa Hauer adlı bir övladı var. Aktrisa olan 1966-cı il təvəllüdlü Ayşa 1987-ci ildə ana oldu və Rutger də 43 yaşında baba oldu.[10]

2007-ci ilin aprel ayında o, Patrik Kvinlanla birlikdə yazdığı "Bütün o anlar: Qəhrəmanlar, cinayətkarlar, replikantlar və ülgücün üzəri ilə qaçanların hekayələri" adlı avtobioqrafiyasında o özünün bir çox film rollarını müzakirə edib.[11] Kitabdan əldə edilən gəlir Rutger Hauer Dəniz Ulduzları Dərnəyinə yönəldilib.[12]

Ölümü[redaktə | əsas redaktə]

Hauer, 19 iyul 2019-cu ildə, Hollandiyanın Beetsterzvaaq kəndindəki evində, təyin olunmamış xəstəlikdən sonra vəfat edib.[13][14]

Diskoqrafiya[redaktə | əsas redaktə]

  • Aryen Entoni Lukassen tərəfindən Lost in the New Real (2012) - ifaçı (sözlər: Voyt Kampf)

İstinadlar[redaktə | əsas redaktə]

  1. 1 2 3 Discogs — 2000.
  2. 1 2 3 filmportal.de — 2005.
  3. 1 2 3 4 5 6 Munzinger-Archiv — 1913.
  4. 1 2 3 Rutger Hauer, ‘Blade Runner’ Co-Star, Dies at 75 — 2019.
  5. 1 2 3 Bibliothèque nationale de France BnF identifikatoru: açıq məlumat platforması — 2011.
  6. 1 2 https://nos.nl/artikel/2294924-acteur-rutger-hauer-75-overleden.html
  7. Rutger Hauer Starfish Association. Accessed 2008-05-30.
  8. Rutger Hauer: Bescheiden wereldster – Privé | Het laatste Privé nieuws leest u op Prive.nl van De Telegraaf [prive]. Telegraaf.nl (30 November 2009). Retrieved on 2012-12-28.
  9. De Boerderij van Rutger Hauer te Beetsterzwaag, 50plusser.nl; accessed 17 January 2018. (nid.)
  10. "Acteur - Ayesha Hauer". Filmgek.nl. 1987-12-14.
  11. Rutger Hauer and Patrick Quinlan. All those moments: stories of heroes, villains, replicants, and Blade Runners, New York, NY: HarperEntertainment, 2007. ISBN 0-06-113389-2.
  12. Todd Leopold. "'Blade Runner' actor on 'strange profession'". CNN.com. İstifadə tarixi: 12 June 2007.
  13. "Official statement by the Rutger Hauer Starfish Association".
  14. "Rutger Hauer, 'Blade Runner' Co-Star, Dies at 75". Variety.

Xarici keçidlər[redaktə | əsas redaktə]