Rövşən İsax

Rövşən İsax
Rövşən İsax oğlu Məmmədov
Doğum tarixi	14 avqust 1970(1970-08-14) (53 yaş)
Doğum yeri	Kirovabad, Azərbaycan SSR, SSRİ
Vətəndaşlığı	SSRİ  Azərbaycan
Uşaqları	Elmira, Elvira, İsax
Atası	İsax Məmmədov
Fəaliyyəti	aktyor, ssenarist, rejissor
Fəaliyyət illəri	1992-ci ildən
Təhsili	Azərbaycan Dövlət Mədəniyyət və İncəsənət Universiteti
Mükafatları	"Qızıl Buta" və "Qızıl Pəri" mükafatı
IMDb	ID5859722

Rövşən İsax (tam adı: Rövşən İsax oğlu Məmmədov; 14 avqust 1970, Kirovabad) — Azərbaycanlı rejissor, aktyor.

Həyatı

Rövşən İsax 14 avqust 1970-ci ildə Gəncədə anadan olub. M. Əliyev adına Azərbaycan Dövlət İncəsənət İnstitutunun "dram teatrı və kino aktyoru" fakültəsində təhsil alıb (1988–1992). Dövlət Gənclər Teatrında (1993–1994), Dövlət Pantomim Teatrında (1994–1995) aktyor kimi, Azərbaycan Dövlət Mədəniyyət və İncəsənət Universitetində (1993–1998) müəllim kimi çalışıb. Azərbaycan Dövlət Televiziyasında, ANS TV-də, Space TV-də rejissor kimi çalışıb. Türkiyənin Samanyolu Televiziyasının STV Azərbaycan filialında icraçı direktoru olub (1998–2001). Hazırda "Pozitiv Media"nın direktorudur. Tam və qısametrajlı bədii, habelə onlarla reklam filminin müəllifidir.

Ailəlidir. Üç övladı var.

Filmoqrafiya

Rejissor kimi

İl	Ad	Qeydlər
1996	Kiçik leytenant	qısametrajlı bədii film
2001	Azərbaycan Xalq Cümhuriyyəti	qısametrajlı sənədli film
2003	40-cı qapının qıfılı	rejissor
2011	Aktrisa	tammetrajlı bədii film; quruluşçu rejissor, ssenari müəllifi
2012–2013	Pərvanələrin rəqsi	teleserial; quruluşçu rejissor, ssenari müəllifi
2013–2014	Sonuncu fəsil	teleserial; quruluşçu rejissor, ssenari müəllifi
2016–2018	Vicdan haqqı	teleserial; quruluşçu rejissor, ssenari müəllifi
2019–	Yuxu kimi	teleserial

Aktyor kimi

İl	Ad	Rol	Qeydlər
1995	Yarasa	Rəssam	tammetrajlı bədii film
1996	Kiçik leytenant	Sərnişin	qısametrajlı bədii film
2001	Etimad telefonu	Elmi işçi	tammetrajlı bədii film
2011	Aktrisa	Eldar Əfəndiyev	tammetrajlı bədii film
2013	Sonuncu fəsil	Sürücü	teleserial

Mənbə

• "Yuxu kimi" bir ömür — İlqar Fəhmi yazır