Süleyman Allahverdiyev (əsgər)

Süleyman Allahverdiyev
Şəxsi məlumatlar
Doğum tarixi	22 sentyabr 1996
Doğum yeri	Bərdə, Azərbaycan
Vəfat tarixi	8 oktyabr 2020 (24 yaşında)
Vəfat yeri	Füzuli, Azərbaycan
Vəfat səbəbi	Şəhid olmuşdur
Vətəndaşlığı	Azərbaycan
Milliyyəti	Azərbaycanlı
Atası	Etibar Allahverdiyev
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Rütbəsi	Əsgər
Döyüşlər	İkinci Qarabağ müharibəsi  • Füzulinin azad edilməsi  • Cəbrayılın azad edilməsi
Təltifləri

Süleyman Etibar oğlu Allahverdiyev (azərb. Allahverdiyev Süleyman Etibar oğlu‎) — Azərbaycan Silahlı Qüvvələrinin əsgəri, İkinci Qarabağ müharibəsinin şəhidi.

Həyatı

Süleyman Allahverdiyev 22 sentyabr 1996-cı ildə Bərdə rayonunda anadan olmuşdur. Əslən Ağdam rayonunun Xıdırlı kəndindəndir.

2002 ci ilde Bərdə rayonunda yerləşən Ağdam 67 saylı köçkün məktəbinə daxil olub. 2014-cü ildə orta məktəbi bitirib. Hərbi xidmətə yola düşüb. Aprel döyüşlərində iştirak edib.

Subay idi.

Hərbi xidməti

Azərbaycan Ordusunun əsgəri olan Süleyman Allahverdiyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsi zamanı Füzulinin azadlığı uğrunda gedən döyüşlərdə savaşıb. Oktyabrın 8-də Füzulinin azad edilməsi zamanı şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Süleyman Allahverdiyev ölümündən sonra "Vətən uğrunda" medalı ilə təltif edildi.

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Süleyman Allahverdiyev ölümündən sonra "Cəbrayılın azad olunmasına görə" medalı ilə təltif edildi.

Azərbaycanın Füzulinin rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Süleyman Allahverdiyev ölümündən sonra "Füzulinin azad olunmasına görə" medalı ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Süleyman Allahverdiyev ölümündən sonra "Cəsur döyüşçü" medalı ilə təltif edildi.

Təltifləri

• (15.12.2020) — "Vətən uğrunda" medalı (ölümündən sonra)
• (24.12.2020) — "Cəbrayılın azad olunmasına görə" medalı (ölümündən sonra)
• (25.12.2020) — "Füzulinin azad olunmasına görə" medalı (ölümündən sonra)
• (24.06.2021) — "Cəsur döyüşçü" medalı (ölümündən sonra)