Səadət Buta

Vikipediya, azad ensiklopediya
Jump to navigation Jump to search
SƏADƏT BUTA
Buta Ömər qızı
Səadət Buta.jpg
Doğum tarixi 1951
Doğum yeri
Vətəndaşlığı
Fəaliyyəti şairə
Üzvlüyü
Mükafatları "Şərəf" ordeni
"Aşıq Ələsgər – 200" yubiley medalı

Səadət Buta (Buta Ömər qızı Nəbiyeva; 1951, Qızılkilsə, Dmanisi rayonu) — şair, Azərbaycan Yazıçılar Birliyinin və Azərbaycan Aşıqlar Birliyinin üzvü, Hacıxanım. “Aşıq Pəri” Məclisinin qurucularından biri.

Həyatı[redaktə | mənbəni redaktə et]

Buta Nəbiyeva 1951-ci il tarixində Gürcüstan Respublikasının Qızılkilsə kəndində müəllim ailəsində anadan olub. 1968-ci il tarixində Qızılkilsə orta məktəbini bitirmişdir.

2003-cü ildə müqəddəs Həcc ziyarətinə getmişdir. 2001-ci ildə 50 illik yubileyi ilə əlaqədar Gürcüstan Respublikası tərəfindən "Şərəf" medalı ilə təltif edilmişdir. Azərbaycan Yazıçılar Birliyinin üzvüdür.

"Borçalı" İctimai cəmiyyətinin qadınlar şurasının sədridir.

Hazırda 70 yaşlı şairə yazıb yaratmaqla öz həyatını davam etdirir.

Yaradıcılığı[redaktə | mənbəni redaktə et]

İlk şerini 6-cı sinifdə oxuyarkən yazmışdır.

Şeirləri Gürcüstanın, Azərbaycanın qəzet, jurnallarında, almanaxlarda yayınlanıb. 50 illik yubileyində, iki ölkə arasında dostluq və mədəni əlaqələr sahəsindəki xidmətlərinə və yaradıcılıq uğurlarına görə Gürcüstanın “Şərəf” medalı ilə təltif edilmişdir.

4 oktyabr 2022-ci ildə "Aşıq Ələsgər – 200" yubiley medalı ilə təltif olunub.

İndiyədək on beş kitabı işıq üzü görüb. Şerləri gürcü dilinə də çevrilib. "Dmanısi" poeması Gürcüstanda yaşayan Azərbaycanlıların gürcü dili dərsliyinə salınmışdır. Qardaş Türkiyədə gənc alimlər iki kitabı üzrə müdafiə edib. Qardaş ölkənin əksər şəhərində festivallarda iştirak etmiş, uğurlar qazanmışdır. Ankarada kitabı işıq üzü görüb.

Məşhur “Aşıq Pəri” Məclisinin qurucularından biridir. “Aşıq Pəri” Məclisinin xətti ilə döyüşən əsgərlərimiz qarşısında çıxışlar etmiş, onlara ruh vermişdir.

Bir çox şeirlərinə musiqilər bəstələnib. Qımqımalardan on iki xalq mahnısı yaratmışdır. Üç dastan yaratmışdır.

“Dağlar məni çağırır”, “Həsrət çələngi”, “Vətən həsrəti”, “Tanrı payı”, “Haqqın Butası”, “Buta dünyası”, “Mənim körpəm, mənim dünyam”, “Bələndim Kəbə nuruna”, “Hər dərdimin, vallah, başı vətəndi”, “Başkeçid yaylası, anam laylası”, “Sazın, sözün Butası”, "Borçalı Karapapaq Çelengi", "Ürəyim bal pətəyidir", "Məmməd Həsrəti", "Butalar Butası, Səadət Buta" kitablarının müəllifidir.

Ailəsi[redaktə | mənbəni redaktə et]

1982-ci il tarixində həyat yoldaşı Abbas Abdul­la­yev rəhmətə getmişdir. Onun 4 övladı, 9 nəvəsi vardır.

1970-ci il təvəllüdlü böyük oğlu Məmməd Abdullayev 2017-ci il aprelin 13-də vəfat etmişdir və 2 övladı var.Oğlunun adı Abbas,qızının adı Səadətdir.Məmməd Abdullayev hər 2 övladına valideynlərinin adını qoymuşdur.[1]

Əsərləri[redaktə | mənbəni redaktə et]

  1. Dağlar məni çağırır,
  2. Həsrət çələngi,
  3. Vətən Həsrəti,
  4. Tanrı Payı,
  5. Haqqın Butası,
  6. Buta Dünyası
  7. Mənim körpəm, mənim dünyam,
  8. Bələndim Kəbə nuruna,
  9. Hər dərdimin, vallah, başı vətəndi,
  10. Başkeçid yaylası, anam laylası,
  11. Sazın, sözün Butası.

İstinadlar[redaktə | mənbəni redaktə et]

  1. "RUHUN ŞAD OLSUN, MƏMMƏD!." 2022-01-21 tarixində arxivləşdirilib. İstifadə tarixi: 2017-04-15.