Səbinə Əzimova
 Səbinə Əzimova | |
|---|---|
| Şəxsi məlumatlar | |
| Tam adı | Səbinə Əzimova |
| Vətəndaşlığı | |
| Doğum tarixi | 2 noyabr 2000 (23 yaş) |
| Doğum yeri | |
| İdman növü |
Ağır atletika |
Səbinə Əzimova (2 noyabr 2000, Lənkəran) — Azərbaycanlı ağır atlet. Yeniyetmələr arasında Avropa Çempionatının 3 qat qalibi, 2-cisi və 3-cüsü; yaşı 15-ə qədər olan qızların 53 kq çəkidə rekordçusu.
Həyatı[redaktə | mənbəni redaktə et]
Səbinə Əzimova 2 noyabr 2000-ci ildə Lənkəran şəhərində anadan olub.
Karyerası[redaktə | mənbəni redaktə et]
25 sentyabr 2017-ci ildə Kosovonun paytaxtı Priştina şəhərində keçirilən 15 və 17 yaşlı yeniyetmə ağır atletlər arasında Avropa Çempionatında birdən qaldırma hərəkətində hər 3 yanaşmasını uğurla yerinə yetirib və 78 kq-la bu hərəkətdə 2-ci olub. Təkanla qaldırmada isə 96 kq qaldıraraq bu hərəkətdə də 2-ci yeri tutub. Ümumilikdə 174 kq (78+96) nəticə göstərən idmançı 53 kq çəki dərəcəsində 17 yaşa qədər olan qadın atletlər arasında Avropa çempionu olub. Bu, onun üçüncü Avropa çempionluğu olub.[1]
2018-ci ildə Polşanın Zamots şəhərində keçirilən gənclər arasında Avropa Çempionatında 100 kq nəticə ilə təkanla qaldırma hərəkətində gümüş medal qazanıb.
2018-ci il noyabrın 29-da Bakı şəhəri, Xəzər rayonu, Şüvəlan qəsəbəsindəki Ağır Atletika Akademiyasında ağır atletika üzrə Azərbaycan Kubokunda sinkleyr cədvəli üzrə mütləq qalibin müəyyən edilməsi uğrunda ümumilikdə 172 kiloqram (75+97) nəticə və 253,22 Sinkleyr xalı ilə 1-ci yer olub.[2][3]
7 fevral 2019-cu ildə Şüvəlandakı AA akademiyasında Azərbaycan Gənclər və İdman Nazirliyi ilə Azərbaycan Ağır Atletika Federasiyasının birgə təşkil etdiyi Azərbaycan Çempionatında, qaliblərin Sinkleyr cədvəlinə əsasən müəyyən edildiyi yarışda, ümumilikdə 154 kq (67+87) nəticə və 231.6 xalla qızıl medal qazanıb.[4]
20 sentyabr 2019-cu ildə Tailandın Pattaya şəhərində keçirilən ağır atletika üzrə qadınlar arasında 28-ci Dünya Çempionatında 105 ölkədən 734 atlet (395 kişi və 339 qadın) arasında Azərbaycan yığmasının 3 üzvündən biri kimi 55 kq çəki dərəcəsinin C qrupunda ümumilikdə 181 kq (79+102) nəticə ilə bu qrupda 4-cü yeri tutub.[5]
20 oktyabr 2019-cu ildə Rumıniyanın paytaxtı Buxarestdə keçirilən, 2020 Tokio Yay Olimpiya Oyunlarına lisenziya xarakterli, yaşı 20 və 23-ə qədər olan gənclər arasında ağır atletika üzrə Avropa Çempionatında yaşı 20-yə qədər olan atletlərin 55 kq çəki dərəcəsində birdən qaldırma hərəkətində 80 kq nəticə ilə 5-ci olub. Təkanla qaldırma hərəkətində isə 105 kq nəticə ilə bu hərəkətdə Avropa birinciliyinin bürünc medalını qazanıb. Ümumilikdə 185 kq (80+105) nəticə ilə yekun sıralamada 4-cü yer olub.[6]
15 noyabr 2019-cu ildə Türkiyənin Qaziantep şəhərində, 2020 Yay Olimpiya Oyunlarına gümüş səviyyəli lisenziya xarakterli olan, ağır atletika üzrə üçqat Olimpiya çempionu Naim Süleymanoğlunun xatirəsinə həsr olunmuş beynəlxalq turnirdə baş məşqçi Asif Məmmədovun rəhbərliyi altında qadınlarda 55 kq çəki dərəcəsində ümumilikdə 173 kq (75+98) nəticə ilə 4-cü yeri tutub.[7]
Cədvəl[redaktə | mənbəni redaktə et]
| Sıra | İl | Yarış | Şəhər | Birdən qaldırma | Təkanla qaldırma | Cəmi | Yer | ||||||
|---|---|---|---|---|---|---|---|---|---|---|---|---|---|
| 1 | 2 | 3 | Yer | 1 | 2 | 3 | Yer | ||||||
| 1. | 2016 | Gənclərin Avropa Çempionatı[8] |  Novi Tomisl
|
62 | 65 | 3. | 82 | 87 | — | 1. | 152 | 1. | |
İstinadlar[redaktə | mənbəni redaktə et]
- ↑ "Səbinə Əzimova ağır atletika üzrə Avropa çempionu olub". Report İnformasiya Agentliyi (az.). 2020-06-21. İstifadə tarixi: 2023-10-21.
- ↑ "Səbinə Əzimova Azərbaycan Kubokunun qalibi olub". azerbaijan.az. İstifadə tarixi: 2023-10-21.
- ↑ "Səbinə Əzimova ölkə kubokunda rəqib tanımadı". Football-plus.az (rus). 2022-12-21 tarixində arxivləşdirilib. İstifadə tarixi: 2023-10-21.
- ↑ "Səbinə Əzimova Azərbaycan çempionu oldu - Sportlife.Az". sportlife.az (ingilis). İstifadə tarixi: 2023-10-21.
- ↑ Məstəliyev, Kənan. "Səbinə Əzimova dünya çempionatında çıxış etdi | Zirve İdman Klubu" (ingilis). 2019-09-20. 2023-03-28 tarixində arxivləşdirilib. İstifadə tarixi: 2023-10-21.
- ↑ "Səbinə Əzimova Avropa birinciliyində bürünc qazandı - FOTO". Baku.ws (az.). İstifadə tarixi: 2023-10-21.
- ↑ "Səbinə Əzimova Türkiyədə 4-cü oldu - Sportlife.Az". sportlife.az (ingilis). 2019-12-05 tarixində arxivləşdirilib. İstifadə tarixi: 2023-10-21.
- ↑ "2016-cı il Gənclərin Avropa Çempionatının nəticələri. (ing.)". www.iwf.net (Beynəlxalq Ağır atletika Federasiyası (IWF)). 2017-03-22 tarixində orijinalından arxivləşdirilib. İstifadə tarixi: 22 mart 2017.
Xarici keçidlər[redaktə | mənbəni redaktə et]
- "Səbinə Əzimova: "Rəqiblərimi asanlıqla məğlub edə bildim" | Zirve İdman Klubu" (az.). 2018-11-29. İstifadə tarixi: 2023-10-21.