Səbinə Hacıyeva (memar)
| Səbinə Hacıyeva | |
|---|---|
| Hacıyeva Səbinə Xalid qızı | |
| Doğum tarixi | |
| Doğum yeri | Azərbaycan SSR,Bakı |
| Vətəndaşlığı |
 Azərbaycan |
| Milliyyəti | azərbaycanlı |
| Elm sahəsi | Memarlıq |
| Elmi adı | Professor |
| İş yerləri | Azərbaycan Memarlıq və İnşaat Universiteti |
| Mükafatları |
  |
Səbinə Xalid qızı Hacıyeva (23 yanvar 1971, Bakı) — Azərbaycan Respublikası Memarlar İttifaqının Elm və təhsil üzrə komissiyasının sədri.Mədəni İrsin Qorunması, İnkişafı və Bərpası üzrə Dövlət Xidmətinə rəisi. Memarlıq üzrə elmlər doktoru, professor,[1] Əməkdar memar.
Həyatı[redaktə | mənbəni redaktə et]
Hacıyeva Səbinə Xalid qızı 1971-ci ildə Bakı şəhərində anadan olmuşdur.
Təhsili[redaktə | mənbəni redaktə et]
1994-cü ildə Azərbaycan Mühəndis İnşaat institutunu "memar" ixtisası üzrə bitirmişdir.
Fəaliyyəti[redaktə | mənbəni redaktə et]
Elmi Fəaliyyəti[redaktə | mənbəni redaktə et]
1994–2003-cü illərdə Azərbaycan Memarlıq və İnşaat Universitetinin "Landşaft Memarlığı" kafedrasında müəllim, 2000–2015-ci illərdə "Abidələrin bərpası və mühafizəsi" laboratoriyasında müdir, hal-hazırda isə "Memarlıq konstruksiyaları və abidələrin bərpası" kafedrasının müdiri işləyir. 1999-cu ildən Azərbaycan Memarlar İttifaqının üzvüdür. 2012-ci ildə Azərbaycan Memarlar İttifaqının İdarə Heyətinin üzvü seçilmişdir. 2015-ci ildə Beynəlxalq Memarlıq Akademiyasının Moskva bölməsinin professorudur. 1 aprel 2016-ci il tarixində BMA-ın Azərbaycan Akademik Mərkəzinin ilk iclasında Bakı Akademik Mərkəzinin elmi katibi seçilmişdir. 100-dən çox elmi əsərin, o cümlədən 2 monoqrafiyanın müəllifi, 4 kitabın həmmüəllifidır.
01 mart 2023-ci il Prezident İlham Əliyevin imzaladığı sərəncama əsasən Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə rəisi təyin edilib.
İştirak etdiyi layihələr[redaktə | mənbəni redaktə et]
2000–2007-ci illərdə Bərpa və Muzeyləşdirmə layihələrinin müəlliflərindən biri – Azərbaycanın Şəki rayonunda yerləşən qədim məbədin bərpası — muzeyləşdirilməsinə həsr edilmiş Birgə Azərbaycan-Norveç "KİŞ" layihəsində; Azərbaycanın Qəbələ rayonunda yerləşən kilsənin bərpasına həsr edilmiş Birgə Azərbaycan-Norveç "NİC" layihəsində; Azərbaycanın Qax rayonunda yerləşən kilsənin konservasiyasına həsr edilmiş Birgə Azərbaycan-ABŞ "Qum" layihərində iştirak etmişdir.
Təltif və mükafatları[redaktə | mənbəni redaktə et]
- Azərbaycan memarlığının inkişafında xidmətlərinə görə Azərbaycan Respublikası Prezidentinin 25 noyabr 2016-cı il tarixli Sərəncamı ilə Tərəqqi medalı ilə təltif edilmişdir.[2]
- Azərbaycan memarlığının inkişafında xidmətlərinə görə Azərbaycan Respublikası Prezidentinin 17 dekabr 2021-ci il tarixli Sərəncamı ilə Əməkdar memar fəxri adı verilmişdir.[3]
İstinadlar[redaktə | mənbəni redaktə et]
- ↑ Hacıyeva Səbinə Xalid qızı
- ↑ Azərbaycan memarlarının "Tərəqqi" medalı ilə təltif edilməsi haqqında
- ↑ "Azərbaycanda memarlığın inkişafında xidmətləri olan şəxslərə "Əməkdar memar" fəxri adının verilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 17.12.2021. 2021-12-19 tarixində arxivləşdirilib. İstifadə tarixi: 17.12.2021.