Sənsiz (albom)

Sənsiz
Yayımlanma tarixi	2 yanvar 2004
Yazılma tarixi	2003–2004
Janr	Pop, Azəri Pop, soul, jazz
Müddət	59:35
Leybl	Sabuhi Records
Prodüser	Nigar Hacızadə
Zülfiyyə Xanbabayeva albomlarının xronologiyası
"Qəlbinə Yol" (2003) "Sənsiz" (2004) "Dəniz" (2009)

Albom haqqında

"Sənsiz" albomu – Zülfiyyə Xanbabayevanın dördüncü solo albomudur. İctimaiyyətə 2004-cü ilin dekabrında təqdim olunan albom satışa 2005-ci il yanvarın 2-si CD olaraq, yanvarın 5-i audiokaset olaraq çıxdı. Bu albomun, demək olar ki, bütün mahnıları məşhur oldu, çox dinlənildi. Albomla eyni adı daşıyan Sənsiz mahnısı radiolarda hələ 2003-cü ilin oktyabrından səslənməyə başladı. ATV telekanalında yayımlanan 10lar verilişi 2004-cü ilin sonu Sənsizi ilin mahnısı seçdi, belə ki, 2004-cü ildə 52 həftə efirə çıxan verilişin onluğunda 45 həftə məhz Sənsiz mahnısının videosu birinci oldu. Mahnı 2005-ci ildə də bir çox hitparadlarda zirvədə yer aldı. Bu mahnı nəinki, ATV, ümumiyyətlə, bütün telekanalların, radioların hitparadlarında 2003-2004-cü illər boyu ilk yerlərdə oldu. 2004-cü ildə Zülfiyyə Xanbabayeva Tarkanla birgə Tofiq Bayramov adına Respublika stadionunda konsert verdi. Albomun başqa bir hit parçası Azərbaycan mahnısı ilk dəfə bu konsertdə səsləndi. Konsert 28 May Respublika Gününə həsr olunmuşdu. Həm Azərbaycan, həm də Sənsiz mahnısının musiqisi Hüseyn Abdullayevə, sözləri isə Zülfiyyə xanımın artıq bir çox mahnılarına söz yazmış İsmayıl Dadaşova aid idi.

Mahnıların siyahısı

CD/MP3 download
№	Başlıq	Müəllif	Müddət
1.	Sənsiz	Hüseyn Abdullayev, İsmayıl Dadaşov	5:48
2.	Duy Özümü	Kafiyə Abdinova, İsmayıl Əsədov	4:09
3.	Getdi	Sevda Məmmədli, Vahid Əlioğlu	7:12
4.	Ayrılığa Dözərəm	Kamal, Baba Vəziroğlu	5:08
5.	Bilmirəm	Vüqar Camalzadə, Aydın Əhmədzadə	4:55
6.	Şərq, Qərb	Emin Kərimi, İsmayıl Əsədov	3:58
7.	Sən və Mən (featuring Sual)	Emin Kərimi, İsmayıl Əsədov	4:11
8.	Səninlə	Hüseyn Abdullayev, İsmayıl Dadaşov	6:22
9.	Kor Yağış	Emin Kərəmi, Ramil Akifoğlu	4:26
10.	Sənə Qalsın	Yeganə Axundova, Vahid Əziz	4:50
11.	Azərbaycan	Hüseyn Abdullayev, İsmayıl Dadaşov	4:10
12.	Kor Yağış (Emin Kərimi mix)		4:26
59:35

Albomdan çıxan videolar

• 2003 Sənsiz
• 2004 Azərbaycan
• 2004 Səninlə
• 2005 Ayrılığa Dözərəm

kliplərin rejissoru Fuad Əlişov oldu

Hitparadlarda mahnıların vəziyyəti

Mahnının adı	Hitparadın adı	Ən yüksək zirvə
Sənsiz	Həftənin 40 anı(ANS ÇM) 10lar(ATV) Space Bazar(Space)	1 1 1
Azərbaycan	Həftənin 40 anı(ANS ÇM) 10lar(ATV) Space Bazar(Space)	1 1 1
Şərq, Qərb	Həftənin 40 anı(ANS ÇM) 10lar(ATV) Space Bazar(Space)	3 - 2
Səninlə	Həftənin 40 anı(ANS ÇM) 10lar(ATV) Space Bazar(Space)	1 1 1
Bilmirəm	Həftənin 40 anı(ANS ÇM) 10lar(ATV) Space Bazar(Space)	2 - 1
Ayrılığa Dözərəm	Həftənin 40 anı(ANS ÇM) 10lar(ATV) Space Bazar(Space)	1 1 1

Xarici keçidlər

• Rəsmi səhifəsi
• Rəsmi YouTube Kanalı Arxivləşdirilib 2013-08-01 at the Wayback Machine
• Facebook-da