Səttar Möhbalıyev

Vikipediya, azad ensiklopediya
(Səttar Mehbalıyev səhifəsindən istiqamətləndirilmişdir)
Jump to navigation Jump to search
Səttar Möhbalıyev
Səttar Suliddin oğlu Möhbalıyev
Səttar Mehbalıyev.jpg
bayraqAzərbaycan Həmkarlar İttifaqları Konfederasiyasının sədri.bayraq
1991 — indiyə kimi
Şəxsi məlumatlar
Təhsili D.Bünyadzadə adına Azərbaycan Xalq Təsərrüfatı İnstitutunu
Fəaliyyəti ictimai-siyasi xadim Azərbaycan Həmkarlar İttifaqları Konfederasiyasının sədri.Millət Vəkili
Doğum tarixi 1955(1955)
Doğum yeri Azərbaycan Naxçıvan Muxtar Respublikası Kəngərli
Təltifləri "Şöhrət" ordeni

Səttar Suliddin oğlu Möhbalıyev (1955, Kəngərli rayonu, Naxçıvan Muxtar Respublikası) — Azərbaycan Həmkarlar İttifaqları Konfederasiyasının sədri, Azərbaycan Respublikası Milli Məclisinin deputatı.

Həyatı[redaktə | əsas redaktə]

1955-ci ildə Naxçıvan Muxtar Respublikası Kəngərli Rayonunun Qıvraq kəndində anadan olmuşdur. 1979-cu ildə D. Bünyadzadə adına Azərbaycan Xalq Təsərrüfatı İnstitutunu bitirmişdir.

  • 1973-cü ildə Bakı şəhərində müxtəlif müəssisələrdə əmtəəşünas, mühəndis-iqtisadçı və baş mühasibin müavini vəzifələrində işləmişdir.
  • 1980-1993-cü illərdə Avtonəqliyyat və Şosse Yolları İşçiləri Həmkarlar İttifaqı Respublika Komitəsində müfəttiş-təlimatçı, maliyyə şöbəsinin müdiri işləmişdir.
  • 1991-ci ildə isə demokratik seçki nəticəsində Respublika Komitəsinin sədri vəzifəsinə seçilmişdir.

Fəaliyyəti[redaktə | əsas redaktə]

Respublikamız müstəqillik qazandıqdan sonra ölkənin bütün sahələrində olduğu kimi həmkarlar ittifaqlarında da islahatların həyata keçirilməsi zərurəti yaranmışdır. 1992-ci ildə S.Möhbalıyevin rəhbərliyi ilə Azərbaycan Həmkarlar İttifaqları Şurasının və ümumilikdə həmkarlar ittifaqlarında struktur islahatlarının aparılması və yeni nizamnamənin hazırlanması məqsədi ilə təşkilat komissiyası yaradılmış və 1993-cü ilin fevralında AHİK-in təsis qurultayı keçirilmişdir. Təsis qurultayının iştirakçılarının yekdil təklif və səsi ilə S.Möhbalıyev AHİK-in sədri seçilmişdir. 1998, 2003, 2008, 2013, 2018-ci illərdə AHİK-in I, II, III, IV və V qurultaylarında yenidən bu vəzifəyə seçilmişdir. 2006-cı ildə Təhsil İşçiləri Azad Həmkarlar İttifaqının Məclisində İttifaqın sədri seçilmişdir.

S.Möhbalıyev AHİK-in sədri seçildikdən sonra həmkarlar ittifaqında islahatların aparılmasında, onun əmlakının qorunub saxlanılmasında, "Həmkarlar İttifaqları haqqında" Azərbaycan Respublikası qanununun qəbul edilməsində, həmkarlar ittifaqlarının nüfuzunun möhkəmləndirilməsində, transmilli şirkətlərdə həmkarlar ittifaqının yaradılmasında müstəsna əmək sərf etmişdir. S.Möhbalıyevin səyi nəticəsində AHİK MDB məkanında Beynəlxalq Həmkarlar İttifaqları Konfederasiyasına ilkin üzv olan təşkilatlardan biridir.

İctimai-siyasi fəaliyyəti[redaktə | əsas redaktə]

Elmi məqalələri var. Bir sıra dərsliklərin və tədris metodiki vəsaitlərin müəllifidir. İqtisad elmləri doktoru, professordur.

Beynəlxalq Həmkarlar İttifaqları Konfederasiyasının (BHİK) 2014-cü il mayın 18-dən 23-dək Almaniyanın Berlin şəhərində keçirilmiş 3-cü qurultayında Azərbaycan Həmkarlar İttifaqları Konfederasiyasının sədri S.Möhbalıyev qurumun vitse-prezitenti seçilmişdir.

Mükafatları[redaktə | əsas redaktə]

  • "Şöhrət" ordeni;
  • Ümumhəmkarlar İttifaqları Konfederasiyasının gümüş medalı;
  • Rusiya Federasiyasının Rabitə İşçilərinin Ümumrusiya Həmkarlar İttifaqı Mərkəzi Komitəsinin Rəyasət Heyətinin qızıl ordeni;
  • Neftqaztikinti həmkarlar ittifaqları Beynəlxalq Federasiyasının diplomu və mükafatı.

Ailəsi[redaktə | əsas redaktə]

Evlidir, üç övladı var.

İstinadlar[redaktə | əsas redaktə]

Xarici keçidlər[redaktə | əsas redaktə]