Sabir Çopuroğlu

Vikipediya, azad ensiklopediya
Jump to navigation Jump to search
Sabir Çopurov
Doğum tarixi
Doğum yeri Başkeçid
Fəaliyyəti rəssam

Sabir Çopurov - Gürcüstanda anadan olmuş azərbaycanlı rəssam.

Həyatı[redaktə | əsas redaktə]

1956-cı ildə Gürcüstanın Başkeçid bölgəsində anadan olmuşdur. 1972-1975–ci illərdə Bakı Dövlət Rəssamlıq Məktəbində təhsil almışdır. 1975-1977–ci illərdə Gürcüstan Rəssamlıq Akademiyasında təhsil almışdır. 1988-ci ildə Gürcüstan Rəssamlıq Akademiyasının üzvü olmuşdur. 1980-ci ildə beynəlxalq sərgilərdə iştirak etmişdir. 1986-cı ildə Gürcüstanda keçirilmiş sərgidə iştirak etmişdir. 1990-cı ildə onun işləri Moskva şəhərində keçirilmiş sərgidə nümayiş etdirilmişdir.

Yaradıcılığı[redaktə | əsas redaktə]

Sabir Çopurov dünyada boya əvəzinə sırf neftlə rəsm çəkən yeganə rəssamdır. Rəssam deyir ki, neftlə ilk işi Gürcüstanda olub, uşaq vaxtı əlinə Naftalan nefti düşüb və başlayıb evlərinin divarlarında çəkməyə. Peşəkar fəaliyyəti zamanı bir müddət maliyyə sıxıntıları keçirib və boya almağa imkanı olmayıb. Belə olanda da Bakı nefti onun köməyinə çatıb. İstifadə etdiyi boyaları bilavasitə neft vasitəsilə əldə edir. Çopurova heç fırça da lazım deyil, rəssam barmaqları ilə işləyir. O, bu halda materialı daha yaxşı hiss etdiyini bildirir. O, neftdən aldığı yağlı boya ilə rəssamlıq, qrafik sənət, dekorativ işlər ilə məşğul olur. Çopurov sənətdə olduğu 15 il ərzində 700-ə yaxın əsər çəkib, 300-ə yaxınını satıb. Əsərlərinə maraq daha çox xaricdən gəlir. Rəssamın ABŞ-da, Fransada, Almaniyada, Qazaxıstanda sərgiləri də təşkil olunub.[1]

Xarici keçidlər[redaktə | əsas redaktə]

Mənbə[redaktə | əsas redaktə]