Safdil Qreqin gündəliyi
| Qreqin gündəliyi | |
|---|---|
| ing. Diary of a Wimpy Kid | |
 | |
| Yaradıcı | Cef Kinni |
| wimpykid.com | |
Safdil Qreqin gündəliyi (ing. Diary of a Wimpy Kid) — amerikalı yazıçı və karikaturaçı Cef Kinni tərəfindən yaradılmış uşaq kitabı seriyası və media franşizası.[1][2] Kitab həyatını gündəlikdə təsvir edən orta məktəb şagirdi Qreq Hefflinin hekayəsindən bəhs edir.[3]
Kinni kitabı nəşriyyata təqdim etməzdən əvvəl üzərində səkkiz il işləmişdi.[4] Kitab nəşr olunmazdan əvvəl ilk olaraq 2004-cü ildə FunBrain ilə əməkdaşlıqla onlayn versiyası buraxıldı.[5] Bu onlayn versiya 2004-cü ilin sentyabrından 2005-ci ilin iyununa qədər gündəlik buraxılışlardan ibarət idi və 2009-cu ilə qədər 20 milyona yaxın baxış əldə edərək əhəmiyyətli dərəcədə populyarlıq qazandı.[4]
Onlayn oxucuların çap versiyasına artan tələbi ilə əlaqədar olaraq, Kinni 2006-cı ilin fevralında Nyu-Yorkda keçirilən comic-con zamanı Abrams Books ilə müqavilə imzaladı. Diary of a Wimpy Kid seriyasındakı ilk kitab 2007-ci ilin aprelində işıq üzü gördü və dərhal uğur qazandı.[5] Time jurnalı Kinnini tanıdı və onu 2009-cu ilin aprelində Time 100 siyahısında ən nüfuzlu insanlardan biri adlandırdı.[6]
O vaxtdan bəri seriyanın cəmi on yeddi kitabı buraxıldı. Həmçinin, Rowley Jefferson personajından bəhs edən spin-off seriyasının 2021-ci ilə qədər üç kitabı var.[7] 20th Century Studios kino şirkəti 2010-cu ildən 2017-ci ilə qədər kitab əsasında çəkilmiş dörd film istehsal etdi, bununla yanaşı 2020-ci illərin əvvəllərində iki animasiya filmi də çəkdi.
The Diary of a Wimpy Kid kitabları onlayn versiyanın buraxılmasından sonra müsbət rəylər aldı və xeyli kommersiya uğuru qazandı. 2022-ci ilə qədər seriyanın qlobal satışları 275 milyon nüsxəni keçərək onu bütün zamanların ən çox satılan dördüncü kitab seriyasına çevirdi.[8]
İstinadlar[redaktə | mənbəni redaktə et]
- ↑ Browne, David. "All about Jeff Kinney". Parade. March 20, 2011. September 13, 2012 tarixində arxivləşdirilib. İstifadə tarixi: December 27, 2011.
- ↑ "Ten years ago, Jeff Kinney created a new kind of comic hero". The Washington Post. Associated Press. April 26, 2017. April 27, 2017 tarixində arxivləşdirilib. İstifadə tarixi: April 27, 2017.
Abrams Books said the 12th book, coming November 7, will be called 'Diary of a Wimpy Kid: The Getaway.'
- ↑ Kinney, Jeff. Diary of a Wimpy Kid: Greg Heffley's journal. Diary of a Wimpy Kid. Amulet Books. April 2007. ISBN 978-0-8109-9313-6.
- ↑ 4,0 4,1 "WIMPY 2 LAST". 3 November 2015. 3 November 2015 tarixində arxivləşdirilib. İstifadə tarixi: 6 March 2016.
- ↑ 5,0 5,1 "Diary of a Wimpy Kid". FunBrain. Family Education Network. September 28, 2015 tarixində arxivləşdirilib. İstifadə tarixi: March 5, 2011.
- ↑ Simpson, Forrest (2009). "The 2009 Time 100: Jeff Kinney". Time.
- ↑ Yasharoff, Hannah. "How 'Diary of a Wimpy Kid' author Jeff Kinney became the king of COVID-19 book tours". USA TODAY. 2021-01-29 tarixində arxivləşdirilib. İstifadə tarixi: 2023-07-15.
- ↑ Kantor, Emma. "Wimpy Kid 15 Cover and Title Revealed". PublishersWeekly.com. 2020-05-26. 2020-10-09 tarixində arxivləşdirilib. İstifadə tarixi: 2020-12-17.