Samir Bayramlı
| Samir Bayramlı | |
|---|---|
 Samir Bayramlı "Millionaire Concept Baku"nun açılışında | |
| Doğum tarixi | |
| Doğum yeri | Bakı, Azərbaycan SSR |
| İxtisası | Jurnalistika |
| Təhsili | Bakı Dövlət Universiteti |
| Fəaliyyəti | Aparıcı |
| Fəaliyyət illəri | 2005-indiyədək |
| samirbayramli.com | |
Samir Bayramlı Musa oğlu - Azərbaycanlı aparıcı.
Həyatı[redaktə | mənbəni redaktə et]
17 mart 1985-ci ildə Bakı şəhərində anadan olub. 2001-2005-ci illərdə Bakı Dövlət Universitetinin Jurnalistika fakültəsində oxuyub.[1]
Fəaliyyəti[redaktə | mənbəni redaktə et]
Professional televiziya fəaliyyətinə 2005-ci ildə başlayıb. İlk olaraq müxbir-aparıcı kimi, daha sonralar isə səhər verilişlərinin şəxsi rubrikalarının müəllifi və aparıcısı olan Samir 2007-2010-cu illərdə Azad Azərbaycan TVdə "Bizdən Sizə" adlı verilişin müəllifi və aparıcısı kimi fəaliyyət göstərib.[1] 2007-2010-cu illərdə eyni zamanda dövrünün ən məşhur müsiqi yarışması olan "Yeni Ulduz"un aparıcısı olub. 2010-2011-ci illərdə Röya və Zamiq Hüseynovun iştirakı ilə "Doğma Diyar" layihəsinin aparıcısı kimi bütün Azərbaycanı dolaşıb. Bu layihədən sonra Azad Azərbaycan TVdə "Sən də Oyna" adlı məşhurların yarışdığı əyləncəli realiti verilişin aparıcısı olur.
2013-cü ildə dünyada ilk dəfə keçirilən 2013 Türkviziya Mahnı Müsabiqəsinin Azərbaycandakı proqramı üzrə aparıcı və Azərbaycan nümayəndə heyətinin rəsmi üzvü kimi çıxış edir.[2] 2014-cü ildə yenə Azad Azərbaycan TVdə "Toydan Əvvəl"in aparıcısı olub.[2] Hal hazırda isə Samir Bayramlı ölkənin Muz TV-də mütəxəssislərlə şəxsi söhbət üzərində qurulan "Söhbətsiz" verilişinin müəllifi, aparıcısı və layihə rəhbəri kimi fəaliyyət göstərir.
İstinadlar[redaktə | mənbəni redaktə et]
- ↑ 1,0 1,1 "Simsar.az - SAMİR BAYRAMLI: "BƏZİ ŞEYLƏRİ ÖZÜMƏ YEDİRƏ BİLMİRƏM"". 2021-12-04 tarixində arxivləşdirilib. İstifadə tarixi: 2019-12-23.
- ↑ 2,0 2,1 "Samir Bayramlı - Rəsmi vebsayt". 2019-12-23 tarixində orijinalından arxivləşdirilib. İstifadə tarixi: 2019-12-23.