Sapporo İncəsənət Muzeyi

Sapporo İncəsənət Muzeyi
Açılış tarixi	29 sentyabr 1990
Ölkə	Yaponiya
Yerləşir	Qeycutsunomori[d]
42°56′21″ şm. e. 141°20′24″ ş. u.
artpark.or.jp/shisetsu/s… artpark.or.jp/en/map/#ma…
Vikianbarda əlaqəli mediafayllar

Sapporo İncəsənət Muzeyi (札幌芸術の森美術館, Sapporo Qeycutsu no Mori Bicutsukan) – Yaponiyanın Hokkaydo prefekturasının Sapporo şəhərində yerləşən incəsənət muzeyi. Sapporo İncəsənət Parkının tərkibinə daxildir.

Tarixi

Muzey 1990-cı ilin sentyabrında açılmışdır. Sapporo şəhəri tərəfindən yaradılmış ilk ictimai incəsənət muzeyidir.

Ekspozisiya

Sapporo İncəsənət Muzeyi Hokkaydo, xüsusilə, Sapporo şəhərindən olan sənətçilərin işlərinə həsr olunsa da, burada xarici sənətçilərin müasir incəsənət əsərləri, eləcə də, meşə və bəşəriyyət mövzusunda işlər də sərgilənir. Hər il muzeydə 5–7 incəsənət sərgisi keçirilir. Muzeyin açıq səma altında yerləşən hissəsində 74 heykəl və Sato Tadayoşi Memorial Uşaq Atelyesi yerləşir. Muzeyin kolleksiyasına 612 yağlı boya rəsmi, 144 sulu boya rəsmi, 40 yapon rəsmi, 277 qravür, 75 foto, 299 heykəl, 7 əl işi, 118 qəbilə sənəti əsəri daxildir. Ümumilikdə kolleksiya 1572 əsərdən ibarətdir.

Muzeydə Katsura Funakoşinin "Qar üzərində kölgələr" və Şiqeo Fukudanın "Stul kimi dincələk" heykəlləri sərgilənir.

Xarici keçidlər

• artpark.or.jp/shisetsu/sapporo-art-museum/ — Rəsmi saytı
• Keçmiş saytı (arxivləşdirilib)