Sarkis Qalstyan
| Sarkis Qalstyan | |
|---|---|
| Doğum tarixi | XX əsr |
| Fəaliyyəti | siyasətçi |
Sarkis Qalstyan — erməni siyasətçi.
Həyatı[redaktə | mənbəni redaktə et]
Sarkis Qalstyan Birinci Qarabağ müharibəsində separatçılar tərəfində iştirak etmişdir. Həmin vaxtdan o, uzun illər Qondarma Dağlıq Qarabağ Respublikasında müxtəlif vəzifələrdə çalışmışdır. Qaltsyan bir müddətdə Şuşada yerləşən "Avan Plaza" hotelinin (indiki "Qarabağ" hoteli) direktoru, 1990-cı illərdə isə ictimai diplomatiyanı təbliğ edən və Bakıya tez-tez gələn fəal olmuşdur.[1] Müharibədən sonra DQR tərkibində Şuşa inzibati ərazi dairəsi başçısının müavini olmuşdur. O, sonradan DQR-nin Hərbi Vətənpərvərlik və Təhsil Nazirliyinə təyin olunmuşdur.[2] Araik Arutyunyanın seçkiqabağı kampaniyası zamanı Şuşa və Kərkicahanda yerləşən qərargahlarda məsul şəxs olmuşdur.[3]
19 sentyabr 2023-cü ildə Azərbaycan regionda lokal DQR silahlı qüvvələrinə qarşı hərbi hücuma başlamışdır.[4] Növbəti gün DQR hakimiyyəti Rusiya sülhməramlı kontingentinin komandanlığının atəşkəslə bağlı təklifini qəbul etdiklərini bildirmişdir.[5] 20 sentyabr 2023-cü ildə, Azərbaycan vaxtı ilə saat 13:00-da əldə olunmuş atəşkəs razılaşmasına görə, DQR özünü buraxmalı idi.[6]
Qalstyan DQR-nin keçmiş dövlət naziri Samvel Şahramanyanın sərəncamı ilə 28 sentyabrda DQR prezident administrasiyası rəhbərinin müavini təyin edilmişdir. DQR buraxıldıqdan sonra Qalstyan orada ən yüksək vəzifəli şəxs kimi qalmışdır.[3] Oktyabrda bir neçə müstəqil mənbələr Qalstyanın Azərbaycan Prezidentinin xüsusi nümayəndəsi kimi fəaliyyət göstərmək məqsədilə Xankəndi şəhərinin komendantı təyin edildiyini bildirmişdilər.[7] Ermənistan jurnalisti Tatul Akopyan və Qalstyanın qohumları bu məsələyə şübhə ilə yanaşdıqlarını qeyd etmişdilər. O, özü bu iddianı təkzib etmişdir.[8][9] Qalstyanın ailə üzvləri belə xəbərləri yayanları məhkəməyə verəcəklərini bildirmişdilər.[10] Qalstyan qeyd etmişdir ki, Azərbaycan hökuməti ona heç nə tapşırmamışdır və o, qurum özünü buraxana qədər aparat rəhbərinin müavini vəzifəsini yerinə yetirir.[3] Sonradan polis general-mayoru Sərdar Səfərov Xankəndiyə komendant təyin edilmişdir.[11]
Şəxsi həyatı[redaktə | mənbəni redaktə et]
Sarkis Qalstyan DQR parlamentinin deputatı David Qalstyanın əmisidir. DQR-nin keçmiş prezidenti Bako Saakyanın onun xaç atası olduğu bildirilmişdir.[3] Hal-hazırda həyat yoldaşı ilə birlikdə Xankəndi şəhərində yaşayır.[2]
İstinadlar[redaktə | mənbəni redaktə et]
- ↑ "Ո՞վ է Արցախում Ադրբեջանի ներկայացուցիչ Սարգիս Գալստյանը". 2023-12-13 tarixində arxivləşdirilib. İstifadə tarixi: 2023-12-13.
- ↑ 1 2 Ստեփանյան, Ռուզաննա. "Արցախում մնացած Սարգիս Գալստյանը և նրա կինը Ադրբեջանի քաղաքացիություն չեն ստացել, Բաքուն նման պահանջ չի դնում. Դավիթ Գալստյան". 12 dek 2023. 2023-12-13 tarixində arxivləşdirilib. İstifadə tarixi: 2023-12-13 – www.azatutyun.am vasitəsilə.
- ↑ 1 2 3 4 "Did Baku give Galstyan a position?". Axar.Az. 4 okt 2023. 2023-12-13 tarixində arxivləşdirilib. İstifadə tarixi: 2023-12-13.
- ↑ "Azerbaijan Announces an 'Anti-Terrorist Operation' Targeting Armenian Positions in Nagorno-Karabakh". Voice of America. 19 September 2023. 25 September 2023 tarixində arxivləşdirilib. İstifadə tarixi: 26 September 2023.
- ↑ "Azerbaijan and ethnic Armenian forces reach Nagorno-Karabakh ceasefire deal". Al Jazeera. 20 September 2023. 26 September 2023 tarixində arxivləşdirilib. İstifadə tarixi: 26 September 2023.
- ↑ "Сепаратисты в Карабахе сдались Азербайджану" (Russian). Trend News Agency. 20 September 2023. 26 September 2023 tarixində arxivləşdirilib. İstifadə tarixi: 26 September 2023.
- ↑ "Media monitoring in Armenia, Azerbaijan, Georgia, 2-6 October, 2023". 6 okt 2023. 2023-10-04 tarixində arxivləşdirilib. İstifadə tarixi: 2023-12-13.
- ↑ Ստեփանյան, Ռուզաննա. "Արդյո՞ք հայազգի Սարգիս Գալստյանը Բաքվի կողմից նշանակվել է Ստեփանակերտի պարետ". 4 okt 2023. 2023-12-13 tarixində arxivləşdirilib. İstifadə tarixi: 2023-12-13 – www.azatutyun.am vasitəsilə.
- ↑ "Bakı Sarkis Qalstyanı Xankəndiyə komendant təyin edibmi?". 5 okt 2023. 2023-10-11 tarixində arxivləşdirilib. İstifadə tarixi: 2023-12-13 – www.azadliq.org vasitəsilə.
- ↑ "«Սարգիս Գալստյանը որևէ առաջարկ ու պաշտոն Ադրբեջանի կողմից չի ստացել». Դավիթ Գալստյան". 2023-12-13 tarixində arxivləşdirilib. İstifadə tarixi: 2023-12-13.
- ↑ "Xankəndiyə komendant təyin edilən Sərdar Səfərov kimdir?". Qafqazinfo. 16 okt 2023. 2023-12-13 tarixində arxivləşdirilib. İstifadə tarixi: 2023-12-13.