Sebayaşi xəfif ləpə nişanələri
| Sebayaşi xəfif ləpə nişanələri | |
|---|---|
| 瀬林の漣痕 | |
 | |
| BTMB kateqoriyası — III (Təbiət abidəsi) | |
| Yerləşməsi | |
| 36°04′18″ şm. e. 138°49′47″ ş. u. | |
| Ölkə | |
| Yerləşməsi | Kanna, Qunma prefekturası |
|
|
|
 Vikianbarda əlaqəli mediafayllar | |
Sebayaşi xəfif ləpə nişanələri (瀬林の漣痕, Sebayaşi no renkon?) – Yaponiyanın Qunma prefekturasının Kanna qəsəbəsinin yaxınlığında yerləşən təbiət abidəsi. Dağ uçurumundakı bir divarda yerləşən qədim xəfif ləpə nişanələrindən və 50-yə yaxın dinozavr izindən ibarətdir.[1]
Tarixi[redaktə | mənbəni redaktə et]
Sebayaşi xəfif ləpə nişanələri Kanna qəsəbəsinin 299-cu magistralı boyunca davam edən Sezanami-iva adlı dağ uçurumu divarında yerləşir. Nişanələr ilk dəfə 1953-cü ildə yol tikintisi zamanı kəşf edilmişdir. Kəşf edildiyi zaman sadəcə qədim xəfif ləpə nişanələrindən ibarət olduğu düşünülürdü. Yaxınlığında yerləşmiş keçmiş bir kəndin adı ilə Sebayaşi xəfif ləpə nişanələri adlandırılmışdır.[1] 23 iyul 1965-ci ildə təbiət abidəsi elan olunmuşdur.[2]
Qaya 1957-ci ildə Qunma Universitetinin alimləri tərəfindən araşdırılmış və xəfif ləpə nişanələrinin yanında "qəribə dəliklər"in olduğu bildirilmişdir. 1985-ci ildə ildə aparılmış araşdırmalar nəticəsində bu dəliklərin dinozavrların ayaq izləri olduğu məlum olmuşdur. Bu, Yaponiyada kəşf edilmiş ilk dinozavr izləri kimi tarixə düşmüşdür.[2] Burada 50-dən çox dinozavr izi müəyyən edilmişdir.[1] Dinozavr izlərinin kəşf edildiyi həmin il Kanna qəsəbəsinə 30.000-dən çox turist gəlmişdir. Nəticədə, Kanna qəsəbəsi özünü "dinozavr krallığı" kimi tanıtmağa başlamışdır. 1987-ci ildə burada Kanna Dinozavr Mərkəzi açılmışdır.[1]
Xüsusiyyətlər[redaktə | mənbəni redaktə et]
Abidənin yerləşdiyi yer Mezozoy dövründə – təxminən 100 milyon il əvvəl qumlu okean sahili idi. Su hərəkəti nəticəsində qumda xəfif ləpə nişanələri yaranmış və fosilləşmişdir. Qayada Mezosoy dövrünə aid balıqqulağı fosilləri aşkar edilmişdir.[2] Qaya 12 metr hündürlüyündə və 10 metr genişliyindədir.
İstinadlar[redaktə | mənbəni redaktə et]
- ↑ 1 2 3 4 "Sebayashi Ripple Marks". Atlas Obscura (ingiliscə). 25 sentyabr 2023. 23 oktyabr 2023 tarixində arxivləşdirilib. İstifadə tarixi: 23 oktyabr 2023.
- ↑ 1 2 3 "神流町の文化財". Kanna qəsəbəsinin rəsmi saytı (yaponca). 27 may 2022 tarixində arxivləşdirilib. İstifadə tarixi: 23 oktyabr 2023.