Seqoviya Əlqasarı

Vikipediya, azad ensiklopediya
Jump to navigation Jump to search
Emojione1 1F3DB.svg
Seqoviya Əlqasarı
isp. Alcázar de Segovia
ərəb. القصر‎‎ — əl-qəsr‎‎
Alcázar de Segovia 37.JPG Qəsrin gündüz görünüşü.
Alcázar de Segovia (4).jpg Qəsrin gecə görünüşü.
40°57′09″ şm. e. 4°07′58″ q. u.
Ölkə İspaniya İspaniya
Şəhər Bandera de Segovia.svg Seqoviya
Yerləşir Seqoviya[1]
Tikilmə tarixi 1120
Vəziyyəti Muzey
İspaniyanın qeydiyyata alınmış tarixi abidələri
İstinad nöm. RI-51-0000861
Seqoviya Əlqasarı (İspaniya)
Locator Dot2.gif
Seqoviya Əlqasarı
Commons-logo.svg Vikianbarda əlaqəli mediafayllar

Seqoviya Əlqasarı (ispan Alcázar ərəb القصر‎‎ — əl-qəsr), - İspaniya krallarının Seqoviyanın tarixi hissəsinin mərkəzində yerləşən qəsri (İspaniyanın Kastiliya və Leon əyaləti). Mərkəzi Quaddarama dağlarındakı (Mərkəzi Kordilyerin hissəsi)Eresma ilə Klampres çaylarının qovuşmasında, qaya üzərində yerləşir. Qayada yerləşməsi onu İspaniyanın ən gözəl və tanınan qəsrlərindən edir. Əlqasar əvvəlcədən qala kimi inşa edilsə də, sonralar kral sarayı, dövlət həbsxanası, kral artilleriya akademiyası da olub.

Tarixi[redaktə | əsas redaktə]

Seqoviya Əlqasarı, başqa əlqasarlar kimi, ərəb qalası kimi yaranıb. Əlqasar haqqında ilk məlumat 1120 ilə (o vaxt xristianlar artıq 32 il idi ki müsəlmanları Seqoviyadan qovmuşdular) aid olsa da, arxeoloji qazıntılar göstərir ki, Əlqasarın yerində hələ Qədim Roma vaxtından hərbi istehkam vardı. Bu versiya başqa vacib abidə ilə təstiq olunur - romalıların tikdiyi Seqoviya akveduku ilə.

Qəsrin kənardan görünüşü

Qəsrin ilkin adı naməlumdur, 1122 il sənədində o sadəcə "Eresma yanındakı təpənin üstündəki qala" adlandırılır. Lakin artıq 1155 ildə, Əlqasar kimi qeyd olunur. Bu vaxtın yadigarı kimi şimal tərəfdəki qalereya və, kralın ispan-mavritan tərzində tərtib edilmiş və Böyük zala bitişik daxili otaqları qalıb.

VIII Alfonsonun hakimiyəti illərindən əvvəl Əlqasarın görünüşü barədə məlum deyil, lakin tarixi sənədlər deyir ki, bu yerdə ağacdan kiçik qəsr vardı. VIII Alfonso və onun arvadı İngiltərəli Eleonora bu qalanı özlərinə rəsmi iqamətkah etmişdilər. Bundan sonra taxta qalanın yerində daş qəsrin inşası başladı. Seqoviyadakı Əlqasar Orta Əsrlərdə Kastiliya krallarının sevimli iqamətgahı və krallığın kilid müdafiyə qalası hesab olunurdu.

1474 ildə Seqoviya Əlqasarı I Katolik İzabellanın taxta çıxmasında və İspaniyanın sonrakı tarixində mühüm yer oynadı. 12 dekabrda kral IV Enrikenin ölümü xəbəri Seqoviyaya çatır və İzabella qalanın hasarı arxasına sığınır. Şəhər hökumətinin dəstəyini alaraq o dərhal Əlqasarda Kastiliya və Araqon kraliçası tacını qoyur. Əlqasar həm də onun Araqon kralı Ferdinanda ərə getdiyi yerdir. II Filipp burada öz dördüncü zövcəsi Avstriyalı Anna ilə nigaha girir. Bu vaxt Əlqasarın binası yenidənqurulur. II Filipp qəsrin qala qullələrini qrafit şistdən konik damlarla örtməyə əmr verdi.

Qəsrin yanğından sonrakı fotosu

Əlqasar Mərkəzi Avropa qəsrlərinə oxşamağa başladı. Lakin tezliklə kral sarayı Madridə köçdü və Seqoviya Əlqasarı iki əsrliyə kral həbsxanasına çevrildi. Ancaq 1762 ildə kral III Karl Əlqasarın binasında Kral Artilleriya məktəbini yaratdı. 1862 ildə binada, damın və interyerin uçması ilə müşayət olan yanğın baş verənə qədər, az qala 100 il ərzində Əlqasarda akademiya yerləşirdi. Əlqasarın bərpası 1882 başladı və, 1896 inşa işləri qurtaranda, kral XIII Alfons və kraliça Mariya Kristina Əlqasarı Hərbi Nazirliyə təhvil verdilər, istisnasız olaraq Artilleriya Korpusu üçün. 1898, bina indiyə kimi orada yerləşən Baş hərbi arxivə verildi.

1951-ci ildə binanın saxlanmasını təmin etmək üçün Əlqasar Patronatı yaradılır, 1953-cü ildə Əlqasar muzeyə çevrilir.

İstinadlar[redaktə | əsas redaktə]

Həmçin bax[redaktə | əsas redaktə]

Xarici keçidlər[redaktə | əsas redaktə]

Vikianbarda Seqoviya Əlqasarı ilə əlaqəli mediafayllar var.

  1. Monuments database — 2017.