Sevil (ansambl)

Vikipediya, açıq ensiklopediya
Jump to navigation Jump to search
Sevil ansamblı
Sevil vokal-instrumental ansamblı
Sevil ansamblı.jpg
Əsas məlumatlar
Üslub Caz
Fəaliyyət illəri 1971–1977
Ölkə Azərbaycan Azərbaycan SSR
Şəhər Bakı
Keçmiş üzvlər Eliza Mustafazadə
Sədaqət Dadaşova
Sevil Allahverdiyeva
Rəna Talıbova
Dilarə Cahangirova
Rəna Hüseynova

Sevil vokal-instrumental ansamblı — 1971–1977-ci illərdə mövcud olmuş və Azərbaycanın qadınlardan ibarət ilk caz qrupu və vokal kvarteti.

Tarixi[redaktə | əsas redaktə]

Vaqif Mustafazadə Eliza Mustafazadə ilə 1969-cu ildə Azərbaycana qayıtdıqdan sonra 1971-ci ilin noyabr 1-də Sevil qrupunu yaradır. Qrupun adı Cəfər Cabbarlınının eyniadlı əsərindən götürülmüşdü. Ansambl 1971-cü ilin dekabrın 31-də ilk dəfə televiziyada çıxış edir.[1] 1975-ci ildə Rəna Talıbova qrupa qatılır və ansambl Tiflisdə "Zaqafqaziya baharı" festivalında iştirak edir. "Zaqafqaziya baharı" festivalında uğurla çıxışdan bir il sonra qrup Varşavada konsert verməyə dəvət olunur.[2]

Ansamblın üzvləri yalnız qadın vokalistlər olsa da, Vaqif Mustafazadə qrupu pianoda müşayiət edir və bədii rəhbərlik edirdi. Müxtəlif vaxtlarda tarda Azər Rzayev, saksafonda Tofiq Şabanov, orqanda Çingiz Tağıyev, həmçinin Tahir Rzayev, David Poysman və Yalçın Rzazadə olmaqla qrupu müşayiət edən musiqiçilər də dəvət olunmuşdur.[1]

Qrup 1977-ci ildə fəaliyyətini dayandırmışdır. Qrupunun dağılma səbəblərindən biri qrup üzvlərinin şəxsi həyatları ilə bağlı olmuşdur. Ansambl dağıldıqdan sonra Vaqif Mustafazadə "Muğam" caz üçlüyünü yaratmışdır.[2]

Üzvlər[redaktə | əsas redaktə]

Keçmiş üzvlər

İstinadlar[redaktə | əsas redaktə]

  1. 1,0 1,1 "Retro Lounge - Sevil qrupu (video)" (azərb.). YouTube.
  2. 2,0 2,1 "«Sevil»in dörd gözəli" (azərb.). Mədəniyyət qəzeti. 8 may 2019 tarixində arxivləşdirilib. İstifadə tarixi: 24 sentyabr 2018.