Sevil Bünyatova

Vikipediya, azad ensiklopediya
Jump to navigation Jump to search
Sevil Bünyatova
Sevil Bunyatova 2015-16 Orleans WC quals t171507.jpg
Şəxsi məlumatlar
Tam adı Sevil Yaqut qızı Bünyatova
Vətəndaşlığı Azərbaycan Azərbaycan
Doğum tarixi (32 yaş)
Boyu 168 sm.
Çəkisi 53 kq.
İdman növü Fencing pictogram.svg Qılıncoynatma

Sevil BünyatovaAzərbaycanlı qılıncoynadan. 2015 Avropa Oyunlarının gümüş medalçısıdır. 2015-ci ildə "Tərəqqi" medalına layiq görülmüşdür.

Həyatı[redaktə | mənbəni redaktə et]

Sevil Bünyatova 5 oktyabr 1989-cu ildə Rusiyada anadan olmuşdur. Sevil Bünyatova 1998-ci ildən idman ilə məşğul olur. Sevil Bünyatova orta təhsilini Bakı şəhəri 84 nömrəli tam orta məktəbdə alıb. Ali təhsilini isə o Azərbaycan Dövlət Bədən Tərbiyəsi və İdman Akademiyasında alıb.

Karyerası[redaktə | mənbəni redaktə et]

Sevil Bünyatova 2015-ci ildə önəmli yarışlarından birinə Bakı şəhərində qatıldı. O Azərbaycanı I Avropa Oyunlarında təmsil etdi. Sevil Bünyatova qrup mərhələsində birinci olaraq Rusiyalı Viktoriya Kovalevanı 5-4, Böyük Britaniyalı Aliya İtzkovitzi 5-3, Ukraynalı Olqa Jovniri 5-4 və Belçikalı Aleksandra Gevaerti 5-3 hesabı ilə məğlub etdi. Sevil Bünyatova qrup mərhələsində yalnızca Rumıniyalı Bianka Paskuya 1-5 hesabı ilə məğlub oldu. 1/16 final mərhələsinə vəsiqə qazanan Sevil Bünyatovanın bu mərhələdə rəqibi Polşalı Magdalena Pasternak idi. Polşalı rəqibi ilə qarşılaşmadan Sevil Bünyatova inamlı qələbə ilə ayrıldı. 15-4. Növbəti 1/8 final mərhələsində onun rəqibi Rusiyalı Mariya Ridel idi. Rusiyalı rəqibi ilə qarşılaşmadan Sevil Bünyatova 15-9 hesablı qələbə ilə ayrıldı və 1/4 final mərhələsinə vəsiqə qazandı. Bu mərhələdə onun rəqibi Yunanıstanlı Vassilikli Vougiouka idi. Sevil Bünyatova bu qarşılaşmada da 15-12 hesablı qələbə qazanaraq yarım-final mərhələsinə vəsiqə qazandı. Yarım-final mərhələsində onun rəqibi Fransa idmançısı Margaux Rifkiss idi. Güclü Fransa idmançısı ilə mübarizədən Sevil Bünyatova 15-9 hesablı qələbə ilə ayrıldı və 2015 Avropa Oyunlarının finalına vəsiqə qazandı. Finalda onun rəqibi əkiz bacısı Sevinc Bünyatovanı yarım-final mərhələsində məğlub edən Polşalı Angelina Vator idi. Sevil Bünyatova finalda drammatik idman mübarizəsi şəraətində keçən qarşılaşmanın sonunda Polşa idmançısı Angelina Vatora 14-15 hesabı ilə məğlub oldu 2015 Avropa Oyunlarının gümüş medalını qazandı.

Sevil Bünyatova 29 iyun 2015-ci ildə 2015 Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə Azərbaycan Respublikasının Prezidenti İlham Əliyevin sərəncamı ilə "Tərəqqi" medalı ilə təltif edilmişdir.

Ailəsi[redaktə | mənbəni redaktə et]

Sevil Bünyatovanın əkiz bacısı Sevinc Bünyatova 2015 Avropa Oyunlarının qılıncoynatma yarışlarının bürünc medalçısıdır.

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]