Seyci Ozava

Seyci Ozava
Seyci Ozava
	yap. 小澤征爾
	; Seyci Ozava 1963-cü ildə.
Doğum tarixi	1 sentyabr 1935[…]
Doğum yeri	Şenyan, Mançjou-qo;
Vəfat tarixi	6 fevral 2024 (88 yaşında)
Vəfat yeri	Setaqaya, Tokio, Yaponiya;
Vəfat səbəbi	ürək çatışmazlığı
Həyat yoldaşı	Kyoko Edo[d] (1962–1966),; Miki İrie[d] (1968–2024);
Uşaqları	Seyra Ozava[d],; Yukiyoşi Ozava[d];
Atası	Kayzaku Ozava[d]
Təhsili	Toho Qakuen Musiqi Məktəbi[d];
Fəaliyyəti	dirijor, musiqi direktoru[d], musiqiçi
Fəaliyyət illəri	1959–2024
Üzvlüyü	Amerika İncəsənət və Elmlər Akademiyası,; Təsviri Sənət Akademiyası;
Mükafatları	; ;
	ozawa-festival.com
	Vikianbarda əlaqəli mediafayllar

Seyci Ozava (小澤征爾, Ozava Seyci^?, 1 sentyabr 1935^[1]^[2]^[…], Şenyan^[3] – 6 fevral 2024^[4], Setaqaya^[4]) – Yaponiya dirijoru. Boston Simfonik Orkestrı, eləcə də, Yeni Yaponiya Filarmonik Orkestrı, San-Fransisko Simfonik Orkestrı, Toronto Simfonik Orkestrı və Nyu-York Metropolitan Operasındakı çıxışlarına görə tanınır.^[5] O, Qərbdə məşhurluq əldə edən ilk yapon dirijor hesab olunur.^[6]

Həyatı və karyerası

1935-ci ildə Mancuriyanın Şenyan şəhərində yapon ailədə doğulmuşdur.^[6] Ozava Yaponiyada böyümüş və pianoçu olmağı arzulamışdır. Lakin liseydə oxuyarkən oynadığı bir reqbi maçı zamanı barmağının zədələnməsi dirijorluğa yönəlməsinə səbəb olmuşdur.^[7]

Yaponiyada məktəb təhsili başa çatdırdıqdan sonra dirijor olmaq üçün Avropaya yollanmışdır. 1959-cu ildə Fransanın Bezanson şəhərində gənc dirijorlar üçün keçirilmiş müsabiqədə ilk mükafatını qazanmışdır. O, Avstriya dirijoru Herbert fon Karayan və ABŞ dirijoru Leonard Bernstayndan dirijorluq dərsləri almışdır. 1961-ci ildə Ozava Nyu-York Filarmonik Orkestrının köməkçi dirijoru olmuşdur. 1978-ci ildə Çin hökuməti tərəfindən dəvət olunmuş və Çin Mərkəzi Simfonik Orkestrı ilə işləmişdir.^[7]

Ozava 1973–2002-ci illərdə Boston Simfonik Orkestrının dirijorluğunu etmiş və orkestr tarixində ən uzunmüddətli dirijor olmuşdur. 2002-ci ildə Vyana Filarmonik Orkestrının Nyu-York Günü konsertində dirijorluq edən ilk yapon şəxs olmuşdur. 2002–2010-cu illərdə Vyana Dövlət Operasının musiqi direktoru olmuş və Vyana Filarmonik Orkestrının fəxri üzvlüyünə qəbul edilmişdir.^[7]

Yaponiyada isə 1980-ci illərdə müəllimi Hideo Saytonun xatirəsi üçün Sayto Kinen Orkestrını qurmuşdur. Naqano prefekturasının Matsumoto şəhərində baş tutan illik festivalda mütəmadi olaraq çıxış etmişdir. Yeni Yaponiya Filarmonik Orkestrının dirijor laureatı olmuşdur. 2005-ci ildə İsveçrənin Cenevrə şəhərində Seyci Ozava Beynəlxalq Akademiyasını qurmuşdur.^[7]

Ölümü

Ozava 2010-cu ildə qida borusu xərçəngi səbəbilə əməliyyat olunmuş və həyatının qalan illərində sağlamlıq problemləri yaşadığı üçün səhnədən çəkilmişdir. 6 fevral 2024-cü ildə Tokioda yerləşən evində ürək çatışmazlığı səbəbilə ölmüşdür.^[7]

Mükafat və təltiflər

Ozava Harvard Universitetinin fəxri doktorantura dərəcəsini əldə etmişdir. Sayto Kinen Orkestrı tərəfindən 2013-cü ildə ifa olunan "Uşaqlar və sehrlər" operasındakı çıxışına görə 2016-cı ildə "Qremmi" mükafatını qazanmışdır.^[7]

Şəxsi həyatı

Gur saçları Ozavanın fərqləndirici fiziki xüsusiyyəti kimi tanınmışdır. O, modelyer Hanae Mori və yazıçı Haruki Murakami ilə dostluq etmişdir. Murakami ilə birlikdə "Tamamilə musiqi haqqında" adlı kitab yazmışdır.^[7]

İstinadlar

1 2 Seiji Ozawa // Encyclopædia Britannica (ing.).
1 2 Seiji Ozawa // Brockhaus Enzyklopädie (alm.). F.A. Brockhaus, 1796.
1 2 Catalog of the German National Library (alm.).
1 2 3 4 5 指揮者の小澤征爾さんが死去、88歳　国際的に活躍 (yap.). 日本経済新聞社, 2024.
↑ "Music world to conductor Seiji Ozawa: Happy 85th birthday". The Mainichi (ingiliscə). 2 sentyabr 2020. 12 fevral 2024 tarixində arxivləşdirilib. İstifadə tarixi: 12 fevral 2024.
1 2 "Seiji Ozawa obituary". The Guardian (ingiliscə). 11 fevral 2024. 11 fevral 2024 tarixində arxivləşdirilib. İstifadə tarixi: 12 fevral 2024.
1 2 3 4 5 6 7 "World-renowned Japanese conductor Seiji Ozawa dies at 88". The Mainichi (ingiliscə). 9 fevral 2024. 12 fevral 2024 tarixində arxivləşdirilib. İstifadə tarixi: 12 fevral 2024.

Xarici keçidlər

Seyci Ozavanın fotoları

[_11073c35604244e1-1] 1 2 Seiji Ozawa // Encyclopædia Britannica (ing.).

[_c4a6b358b6d707ef-2] 1 2 Seiji Ozawa // Brockhaus Enzyklopädie (alm.). F.A. Brockhaus, 1796.

[_c416cd535a513aef-3] 1 2 Catalog of the German National Library (alm.).

[_2b0d516b892348c7-4] 1 2 3 4 5 指揮者の小澤征爾さんが死去、88歳　国際的に活躍 (yap.). 日本経済新聞社, 2024.

[mainichi2-5] "Music world to conductor Seiji Ozawa: Happy 85th birthday". The Mainichi (ingiliscə). 2 sentyabr 2020. 12 fevral 2024 tarixində arxivləşdirilib. İstifadə tarixi: 12 fevral 2024.

[guardian-6] 1 2 "Seiji Ozawa obituary". The Guardian (ingiliscə). 11 fevral 2024. 11 fevral 2024 tarixində arxivləşdirilib. İstifadə tarixi: 12 fevral 2024.

[mainichi1-7] 1 2 3 4 5 6 7 "World-renowned Japanese conductor Seiji Ozawa dies at 88". The Mainichi (ingiliscə). 9 fevral 2024. 12 fevral 2024 tarixində arxivləşdirilib. İstifadə tarixi: 12 fevral 2024.

[1]

[2]

[3]

[4]

[5]

[6]

[7]