Seydi Mahmud Heyrani türbəsi
| Seydi Mahmud Heyrani türbəsi | |
|---|---|
 | |
 | |
| 38°21′10″ şm. e. 31°24′47″ ş. u. |
Seydi Mahmud Heyrani türbəsi Akşehirdəki tarixi bir türbədir.
Türbəyə adı verilən Seydi Mahmud Heyrani Mövlana Cəlaləddin Ruminin tələbəsidir. Harranda anadan olmuş, Konyada Mövlana Cəlaləddin Rumidən dərs almış və Akşehirə gəlmişdir[1]. 1268-ci ildə Akşehirdə ölmüşdür.
Yeri[redaktə | mənbəni redaktə et]
Türbə Konya ili Akşehir ilçəsində, Sultan dağlarının şimal yamacında yerləşir[2]. Türbənin yerləşdiyi ərazidə Ferruhşah məscidi kimi tanınan məscid də yerləşir.
Tarixi[redaktə | mənbəni redaktə et]
Türbə Seydi Mahmud Heyrani adlı sufinin türbəsidir. Seydi Mahmudun ölüm tarixini nəzərə alsaq, türbənin 13-cü əsrdə inşa olunmuş türbə olduğu aydın olur. Binanın tikilmə tarixi barədə heç bir qeyd olmasa da, tabutdakı 667 (yəni miladi təqvim ilə 1268) binanın inşaa tarixi olma ehtimalı var. Bir kitabəyə görə memar Asilzadə Əhməd Abdullah oğludur. Türbənin bağçasında yerləşən Ferruhşah məscidi tarixi qeydlərdə Osmanlı sultanı I Bəyazidin həbs olunduğu yer olaraq bilinir. 1402-ci ildə Ankara döyüşündə Timur tərəfindən əsir alınan I Bəyazid bir müddət bu məsciddə saxlanılmışdı. Osmanlı İmperatorluğunda Bəyazidin ölümündən sonrakı çoxhakimiyyətlilik dövründə Akşehir Karamanoğlu bəyliyinin sərhədləri daxilində idi. Bu dövrdə Karamanoğlu II Mehmet bəy (1402-1420) türbəni bərpa etdirmişdi[3].
İstinadlar[redaktə | mənbəni redaktə et]
- ↑ "Seydi Mahmud Heyrani" (türk. ). www.kimkimdir.gen.tr. 20 fevral 2020 tarixində arxivləşdirilib.
- ↑ "Seydi Mahmud Heyrani türbəsi" (türk. ). www.aksehirpostasi.com. 20 fevral 2020 tarixində arxivləşdirilib.
- ↑ "Seydi Mahmud Heyrani" (türk. ). www.kimkimdir.gen.tr. 20 fevral 2020 tarixində arxivləşdirilib.