Slavyan-rus cəmiyyəti

Vikipediya, azad ensiklopediya
Jump to navigation Jump to search

Vahid, bölünməz Rusiya” uğrunda mübarizə məqsədilə Tiflis şəhərində yaradılmış qurum.

Yaradılması[redaktə | əsas redaktə]

1918-ci il martın 11-də Konstantin Lizqarın sədrliyi ilə cəmiyyətin ilk iclası keçirilmiş, nizamnaməsi qəbul edilmişdi. 1918-ci il, martın 14-də qeydiyyatdan keçmiş nizamnaməsində onun slavyanrus əsilli vətəndaşların milli, elmi, dini, məişət, texniki, tədris-tərbiyəvi birliyi məqsədilə yaradıldığı göstərilirdi. Bu məqsədə nail olmaq üçün cəmiyyət mövcud qanunlar çərçivəsində müxtəlif tipli (praktiki və ümumtəhsil) məktəblər, yaşlılar və uşaqlar üçün bazar günü məktəbləri, peşə kursları və qiraət zalları, klublar, körpələr evi və yetimxanalar, kilsələr, ambulatoriya və müalicə müəssisələri, kooperativlər, kredit dairələri, hüquqşünas, həkim, tibb bacıları dərnəkləri, cəmiyyət üzvləri üçün məşğulluq büroları, əyləncə yerləri, mətbuat orqanları və mətbəələr açmağı nəzərdə tuturdu. Nizamnamədə həmçinin, cəmiyyətin milliyətindən asılı olmayaraq hamıya mədəni-maarif və xeyriyyə yardımı göstərəcəyi qeyd olunurdu. Bakıda şöbəsi fəaliyyət göstərirdi.[1]

Azərbaycan Xalq Cümhuriyyəti parlamentində[redaktə | əsas redaktə]

1918-ci ilin dekabr ayının 3-də Slavyan-rus cəmiyyəti onun fəaliyyətinin əsasını təşkil edən ideyaların həyata keçirilməsi məqsədilə tərkibinə daxil olan cəmiyyət və təşkilat üzvlərinin mənafelərinin müdafiəsi istiqamətində birgə iş aparmaq üçün AXC parlamentinə daxil olmaq arzusu ilə Azərbaycan Milli Şurasının rəhbəri Məhəmməd Əmin Rəsulzadəyə müraciət etdi.[2]

Azərbaycan Xalq Cümhuriyyəti parlamentindəki nümayəndələri[redaktə | əsas redaktə]

Azərbaycan parlamentində 5 nümayəndəsi vardıvə ayrıca fraksiya təşkil edirdilər. Slavyan-rus cəmiyyətinin nümayəndələri:[3]

Azərbaycan Xalq Cümhuriyyətinin hökumətində olan Slavyan-rus cəmiyyətinin nümayəndələri[redaktə | əsas redaktə]

  • Konstantin Lizqar - AXC III hökumət kabinetində ərzaq naziri olmuşdur.
  • Yevsey Gindes - AXC III hökumət kabinetində səhiyyə naziri olmuşdur.
  • İ. Protasov - AXC III hökumət kabinetində maliyyə naziri olmuşdur.

Həmçinin, Viktor Klenevski, deputatlıqdan əlavə, AXC Hökümətində nazir vəzifəsində də çalışmışdır.[4]

Məqsədləri[redaktə | əsas redaktə]

Cəmiyyət “bolşeviklərsiz Rusiya” ilə ittifaqa tərəfdar idi.

Həmçinin bax[redaktə | əsas redaktə]

Mənbə[redaktə | əsas redaktə]

  • AXC Ensiklopediyası, II cild, Slavyan-rus cəmiyyəti maddəsi
  • Şüküroğlu L, Cümhuriyyət hökuməti repressiya məngənəsində

İstinadlar[redaktə | əsas redaktə]

  1. Cəmil Həsənli, Azərbaycan Xalq Cümhuriyyətinin xarici siyasəti
  2. Azərbaycan Xalq Cümhuriyyəti Parlamentinin yaradılması milli demokratik dövlət quruculuğunun şərəfli səhifəsidir
  3. Azərbaycan Xalq Cümhuriyyəti Parlamenti (1918-1920-ci illər)
  4. Milman A. İnqilabdan əvvəlki Azərbaycanda özünüidarə orqanları necə seçilirdi.