Slovakiya Cənnəti Milli Parkı

Vikipediya, açıq ensiklopediya
Jump to navigation Jump to search

Slovakiya Cənnəti Milli Parkı
slovak. Národný park Slovenský raj
Slovensky raj-Stratenska pila.jpg
BTMB kateqoriyası — II (Milli park)
WLE Austria Logo (no text).svg
48°54′30″N 20°24′00″E / 48.90833°N 20.40000°E / 48.90833; 20.40000Koordinatlar: 48°54′30″N 20°24′00″E / 48.90833°N 20.40000°E / 48.90833; 20.40000
Ölkə Flag of Slovakia.svg Slovakiya
Sahəsi197,63 km2
Tarixi1.988
Slovakiya Cənnəti Milli Parkı (Slovakiya)
Slovakiya Cənnəti Milli Parkı
Commons-logo.svg Slovakiya Cənnəti Milli Parkı Commonsda

Slovakiya Cənnəti Milli Parkı[1] (slovak dili. Národný park Slovenský raj)- Slovakiyanın doqquz milli parkından biridir. Milli Park SLovakiya Cənnəti dağlarının təbiətinin qorunması ilə məşğul olur.

Tarixi[redaktə | əsas redaktə]

21 avqust 1964-cü ildə Slovakiya Cənnəti Milli Parkı yaradılıdı. Bu Milli Park Slovakiyada yaradılan ilk milli parkdır. Ərazi 18 yanvar 1988-ci ildə milli park statusunu alır və 2000-ci ildə burada yerləşən Dobşinskaya mağarası YUNESKO-un ümumdünya mirasına daxil edilir. 2004-cü ildə parkın ayrı-ayrı rayonları Natura 2000 ekoloji şəbəkəsinin bir hissəsi olur.

Coğrafiyası[redaktə | əsas redaktə]

Milli Park Banska Bistritsa diyarı (Brezno rayonu), Preşov diyarı (Poprad rayonu) və Koşitse diyarı (Roznava və Spiska Nova Ves rayonu) ərazisində yerləşmişdir. Slovakiya Cənnəti Milli Parkı Spiska-Qemerskiy Karst regionun şimalında yerləşmişdir. Bu ərazi qərbdən Aşağı Tatra ilə, cənubdan Rudoqorem dağı ilə və şərqdən, şimal-şərqdən isə Xornadskoy çuxuru ilə həmsərhəddir. Parkın ərazisində bir çox kanyon, vadi, mağara və şəlalə yerləşmişdir. Ən yüksək şəlalə — Zavoyovi (Závojový vodopád) şəlaləsinin hündürlüyü 70 m-dir. Park ərazisinin ən yüksək nöqtəsinin (Predna-Qolya dağı) hündürlüyü dəniz səviyyəsindən 1545 m hündürlükdədir. Başqa yüksək dağ isə Xavranya-Qayadır ki, hündürlüyü 1153 m-dir. Ərazinin ən alçaq nöqtəsi isə dənizz səviyyəsindən 470 m hündürlükdədir.

Slovakiya Cənnəti Milli Parkının ümumi sahəsi 197,63 km² təşkil edir. Parkın ətrafındakı ərazinin sahəsi isə 130,11 km²-dir.²[2]

Flora və fauna[redaktə | əsas redaktə]

Milli Parkın ərazisinin 90 %-i küknar, tozağacı, ağ şam ağacıyla və şam ağaclarından ibarət olan meşələrlə örtülmüşdür. Parkda təxminən 4000 onurğasız heyvan növü yaşayır, həmçinin kəpənəklərin 2100-dən çox növünə burada rast gəlmək mümkündür. Milli Parkda yaşayan 200 onurğalı heyvan növündən 130-u qorunma altındadır. Məməlilərin 40 növü bu ərazidə yaşayır: ayı, tülkü, canavar, meşə pişiyi, maral, qaban, dələ və s. siyahıya daxildir. Park 65 nadir heyvan növünün yaşayış məskənidir. Bunlara ütəlgi qızılquş, Avropa susamuru və Avropa sünbülqıranı kimi növlər daxildir.

Turizm[redaktə | əsas redaktə]

Milli Parkın ərazisində 8 qoruq və 11 milli qoruq yerləşmişdir[3]; nərdivanlarla, zəncirlərlə və körpülərlə təchiz edilmiş 300 kilometr piyada cığırı yaradılmışdır. Slovakiya Cənnəti Milli Parkında təxminən 350 mağara yerləşmişdir, amma ziyarət etmək üçün yalnız Dobşinskaya buz mağarası açılmışdır. 1232 m ilə Avropanın ən böyük buz mağaralarından biridir.[4]

Qalereya[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]