Stana Katiç
| Stana Katiç | |
|---|---|
| serb-xorv. Stana Katić | |
_(cropped)_-_Stana_Katic.jpg) | |
| Doğum tarixi | 26 aprel 1978 (46 yaş) |
| Doğum yeri | |
| Uşağı | 1 |
| Təhsili | |
| Fəaliyyəti | aktrisa, televiziya aktrisası, kino aktrisası, kinorejissor |
| Fəaliyyət illəri | 1999-cu ildən |
| stanakatic.com | |
 Vikianbarda əlaqəli mediafayllar | |
Stana Katiç (serb-xorv. Stana Katić, ing. Stana Katic 26 aprel 1978, Hamilton, Ontario) — Serb-xorvat mənşəli kanadalı aktrisa, Kasl televiziya serialındakı detektiv Keyt Bekket rolu ilə tanınır.
Bioqrafiyası
[redaktə | mənbəni redaktə et]Katiç Kanadanın Ontario vilayəti, Hamilton şəhərində anadan olub. Atası serb, anası xorvat əsillidir. Yuqoslaviyadan Kanadaya köçmüşlər. Milliyyəti haqqında danışan Stana deyir: "Valideynlərim Xorvatiyadan olan serblərdir. Bizi Dalmatiyalı adlandırıram"[1]. Atası Vrlicdən, anası Sindəndir[2]. Daha sonra Katiç ailəsi ilə Aurora şəhərinə (İllinoys, ABŞ) köçür. 1996-cı ildə Vest Avrora Liseyini bitirdikdən sonra Toronto Universitetində və 2000–2004-cü illərdə aktyorluq təhsili aldığı Qudman Dram Məktəbi adlanan De Paul Universitetinin Teatr Məktəbində oxuyur. Stana Katiçin dörd qardaşı və bir bacısı var[3].
Beş dildə sərbəst danışır: ingilis, serb, sloven, fransız və italyan. ABŞ və Kanadanın ikili vətəndaşlığına malikdir[4].
Karyerası
[redaktə | mənbəni redaktə et]Katiç Qəhrəmanlar serialında Xana Qitelman, 24 serialının 5-ci mövsümündə Kollet Stancer, Morqan Friman ilə Sevgi bayramı filmində Cenni rolunu ifa edir. O, "Qisasçı" filmində Morqenştern, Ceyms Bondun "Kvat mərhəməti" filmindəki Korin Vinau[5] rollarını oynayır.
2008-ci ilin avqustunda Stana Neytan Fillion ilə oynadığı Kasl televiziya seriyasında Kate Bekket rolunu aldı[6].
2008-ci ildə Katiç Latınca "Qorxusuz" mənasını verən Sine Timore Productions adlı öz film şirkətini qurur.
2010-cu ilin yayında Katiç, Riçard Gir ilə birlikdə Fransadakı "For Lovers Only" və Dublindəki "İkili agent" filmlərində rol alır[7].
2016-cı ildə Stana Katiç üç filmdə şəkilir: "Əkiz şəhərlər" dramı, "Randevu" macəra fəaliyyət filmi və "Florensiyada itkin" melodramı.
25 sentyabr 2017-ci ildə Stana altı ildir itkin düşmüş bir FTB agenti rolunu oynadığı Amneziya seriyasının premyerası baş tutur. Katiç eyni zamanda şounun icraçı prodüseridir.
2018-ci ildə Katiçin iştirakı ilə dəhşət janrındakı "Kadavr" filmi nümayiş olundu.
Şəxsi həyatı
[redaktə | mənbəni redaktə et]2015-ci ilin aprel ayından bəri Kris Brkliyats ilə evlidir[8].
İstinadlar
[redaktə | mənbəni redaktə et]- ↑ "Stana Katic Arxivləşdirilib 2013-10-29 at the Wayback Machine". Stana Katic.
- ↑ "[I u Hollywoodu jedehttp://gloria.com.hr/intervju/showpage.php?id=6878m ribu i blitvu I u Hollywoodu jedem ribu i blitvu]". Gloria (in Croatian).
- ↑ Amoni, Marissa (December 23, 2008). "West High grad in film opening on Christmas Day". The Beacon News. p. A1.
- ↑ "Actor Bio: Stana Katic Arxivləşdirilib 2014-11-19 at the Wayback Machine". abc.go.com.
- ↑ Alex Simon (2009–11-04). "The Hollywood Interview: Stana Katic: The Hollywood Interview Arxivləşdirilib 2017-09-17 at the Wayback Machine". thehollywoodinterview.blogspot.com.
- ↑ The Digital Spy, "ABC announces 'Castle Arxivləşdirilib 2015-09-25 at the Wayback Machine' for 2008–09.
- ↑ "Stana Katic and Odette Yustman Join Spy Thriller 'The Double' Arxivləşdirilib 2020-07-26 at the Wayback Machine
- ↑ "Stana Katic Is Married! Castle Star Weds Longtime Love Kris Brkljac". 2022-07-03 tarixində arxivləşdirilib. İstifadə tarixi: 2020-05-20.