Suhrab Faqir
| Suhrab Faqir | |
|---|---|
| سُهراب فقير صوفي | |
| Ümumi məlumatlar | |
| Doğum tarixi | |
| Doğum yeri | |
| Vəfat tarixi | |
| Vətəndaşlığı | |
| Musiqiçi məlumatları | |
| Fəaliyyəti | müğənni |
| Janr | xalq mahnısı |
 Vikianbarda əlaqəli mediafayllar | |
Suhrab Faqir (Sind dilində: سُهراب فقير صوفي) ( d.1934 – ö. 23 oktyabr, 2009) — Pakistanın Sind əyalətindən olan sufi musiqiçi.
Haqqında[redaktə | mənbəni redaktə et]
Suhrab Faqirin tam adı Sohrab Fakir Manganhar idi. Suhrab Faqir 1936-cı ildə Xayrpur dairəsinin Kot Diji şəhərinin Talpur Vada kəndində dünyaya göz açmışdırb. Suhrab Faqirin atası Hammal Faqir tabla və sarangi üzrə böyük istedada sahib musiqiçi idi. Suhrab Faqir Sinddə sufi musiqisinin kralı hesab edilirdi və Pakistanın ən böyük mistik musiqiçilərindən biri idi. Suhrab Faqir musiqiçi ailəsində dünyaya gəlib. Bu da onun yetişməsində müstəsna rol oynayıb. Suhrab Faqirin ailəsi Birtaniya Hindistanında Racastanın Caisalmer ştatından köçüb gəlmişdi. 23 oktyabr 2009-cu il tarixində Suhrab Faqir doğulduğu Xayrpur dairəsinin Kot Diji şəhərinin Talpur Vada kəndində də vəfat edib. Suhrab Faqi uzun müddət sağalmaz xəstəlikdən əziyyət çəkib. Daha əvvəl də, 2006-cı ilin avqustunda, o həmçinin sinəsində yaranan və diabetik ağrılara görə xəstəxanaya yerləşdirilmişdi.[1]
Suhrab Faqir ailəli idi. Onun 2 həyat yoldaşı, 5 oğlu, 6 qızı var idi.
Fəaliyyəti[redaktə | mənbəni redaktə et]
Suhrab Faqir tablanı Ustad Xurşid Əli Xandan öyrənmişdir. Suhrab Faqirin musiqi karyerası 1974-cü ildən başlanır. 1974-cü ildə Ustad Mənsur Əli Xan ondan Tando Məhəmməd Xanın yanında Sakxi Allahyarın Ursa tədbirində oxumağı xahiş etmiş və bu da onun karyerasında bir başlanğıc olmuşdur. O, Radio Pakistan Xayrpur radiosunda məşhur yazıçı Tanvir Abbasi tərəfindən təqdim olunmuşdur. həmin radioda o, bütün Sinddə məşhur olacaq Qalyan Prem Nagar Diyanda da daxil olmaqla da iki musiqini yazmışdır.
1980-ci illərin əvvəllərində o, Sunq sufi musiqi qrupunun əsasını qoymuşdur və Fakir Dur Məhəmməd Xisbaninin tələbəsi olur.
O, Böyük Britaniya, Almaniya, Belçika, Hollandiya, Norveç və Fransa kimi Avropa ölkələrinə səfərlər etmiş və həmin səfərlər zamanı onun ifası çox yüksək qiymətləndirilmişdir. Suhab Faqir digər musiqiçilərlə birgə də ifa etmişdir. Birgə ifa etdiyi müğənnilərdən Camal Fakiri qeyd etmək olar. Suhrab Faqirin ən məşhur mahnıları Ghund Khol Deedar Karao, Mein Aaya Mukh Waikhan və Galyan Prem Nagar Diyandır.[2]
Mükafatları[redaktə | mənbəni redaktə et]
- Şah Abdul Latif Bhittai mükafatı ilə təltif olunub.
- Saçal Sarmast mükafatı ilə təltif olunub.
- 1999-cu ildə Pakistan prezidenti tərəfindən mükafatlandırılıb.[1]
İstinadlar[redaktə | mənbəni redaktə et]
- ↑ 1 2 "Oh Surs & Ragas! Suhrab Faqir is dead". 2022-02-24 tarixində arxivləşdirilib. İstifadə tarixi: 2019-12-07.
- ↑ ""Jamal Faqir — the last of the Soung singers". Dawn (newspaper). 24 October 2009". 24 February 2022 tarixində arxivləşdirilib. İstifadə tarixi: 7 December 2019.