Təmim bin Həməd Al Sani

Vikipediya, azad ensiklopediya
Jump to navigation Jump to search
Təmim bin Həməd Al Sani
ərəb. تميم بن حمد آل ثاني‎‎
Tamim bin Hamad al-Thani 2015.jpg
bayraqQətər əmiribayraq
3 iyun 2013 — vəzifədədir
Sələfi Həməd bin Xəlifə Al Sani
Xələfi Abdullah bin Həməd Al Sani (varisi)
Şəxsi məlumatlar
Doğum tarixi 3 iyun 1980
Doğum yeri Doha, Qətər
Atası Həməd bin Xəlifə Al Sani
Anası Moza bint Nasir əl-Misnəd
Həyat yoldaşları Cəvahir bin Həməd Al Sani (2005-ci ildən)
Anud bin Mana əl-Həcri (2009-ci ildən)
Nura bin Hathal əl-Dosari (2014-ci ildən)
Uşaqları uşaqları
Commons-logo.svg Vikianbarda əlaqəli mediafayllar

Şeyx Təmin bin Həməd Al Sani - (ərəb. تميم بن حمد آل ثاني‎‎; 3 iyun 1980 (1980-06-03) (39 yaş)) - Qətər əmiri. Al Sani sülaləsinin 7-ci əmiri. keçmiş əmir Şeyx Həməd bin Xəlifə Al Saninin dördüncü, ikinci arvadı Moza bint Nasir əl-Misnəddən olan ikinci oğlu

Gəncliyi və təhsili[redaktə | əsas redaktə]

Təmim bin Həməd 3 iyun 1980-cı ildə Qətər əmirliyinin paytaxtı Doha şəhərində anadan olmuşdur[1]. O, Şeyx Həməd bin Xəlifə Al Saninin dördüncü oğlu, ikinci arvadı Şeyxa Moza bint Nasir əl-Misnəddən olan ikinci oğludur[2]. Təmim bin Həməd Al Sani, Böyük Britaniyanın Dorset şəhərindəki Şerborn Beynəlxalq Kollecində və Harrov məktəbində təhsil alıb. 1997-ci ildə burdakı təhsilini bitirib[1] Kral Hərbi Akademiyasına daxil olur və 1998-ci ildə zabit kimi buranı bitirir.

Karyerası[redaktə | əsas redaktə]

Qətər Silahlı Qüvvələrini ikinci leytenant kimi bitirir[2]. 2003-cü ilin avqustun 5-ində onun böyük qardaşı Şeyx Casimin vəliəhdlikdən imtina etməsi ilə o, Qətər taxt-tacına varis oldu[1][2]. Həmin vaxtdan etibarən o öz üzərinə çalışmaya başlayır, təhlükəsizlik və iqtisadiyyatla bağlı mövzuları daha dərindən öyrənməyə çalışır[3]. 2009-cu ildə Qətər Silahlı Qüvvələri baş komandanının müavini təyin olunur[2].

O, Qətərin beynəlxalq aləmdə nüfuzunu qaldırmaq üçün də çalışır. 2005-ci ildə Qətər İdman İnvestisiyaları İdarəsini təsis edir və Pari Sen-Jermen FK-a yatırımlar edir. 2006-cı ildə Dohada keçirilən 15-ci Asiya Oyunlarının təşkilati komitəsinə sədrlik edir. Onun sədrliyi ilə bütün üzv ölkələr ilk dəfə iştirak edib. Həmin il Misirin Əl-Ahram qəzetində Təmim, "Ərəb dünyasının ən yaxşı idman şəxsiyyəti" adına layiq görülüb. Onun rəhbərliyi ilə Qətər, 2014 FİNA Üzgüçülük üzrə Dünya Çempionatına və 2022 FİFA Dünya Çempionatına ev sahibliyi etmək hüququ qazandı. O, Beynəlxalq Olimpiya KomitəsininQətər Milli Olimpiya Komitəsinin üzvüdür[3].

Şeyx Təmim, Qətər İnvestisiya Qrupu Direktorlar Şurasına rəhbərlik edir. Şeyx Təmimin rəhbərliyi altında təşkilatdakı ingilis investorlar xeyli sayda investisiya yatırırlar.

Şeyx Təmimin digər vəzifələri aşağıdakılar olub:

25 iyun 2013-cü ildə Qətər əmiri Şeyx Həməd bin Xəlifə Al Saniyə, öz qohumları və köməkçiləri ilə məsləhətləşdikdən sonra taxtdan oğlu Təmimin xeyrinə imtina edir[4]. Az sonra televiziyada çıxışda Təmim hakimiyyəti atasından təhsil almasını bildirdi. O Al Sani sülaləsindən dövlət çevrilişi etmədən hakimiyyətə gələn ilk şəxs idi.

Ailəsi[redaktə | əsas redaktə]

8 yanvar 2005-ci ildə Şeyx Təmim əmisinin ikinci qızı Şeyx Cəvahir bin Həməd bin Suheym Al Sani ilə evlənir. Onların bu evliliyindən iki oğlu və iki qızı dünyaya gəlir:

  • Şeyxa Almayasa bint Təmim Al Sani (2006)
  • Şeyx Həməd bin Təmim Al Sani (2008)
  • Şeyxa Ayişə bint Təmim Al Sani (2010)
  • Şeyx Casim bin Təmim Al Sani (2012)

Şeyx Təmim 2009-cu ilin martın 3-də Hacri ailəsindən Şeyxa Anoud bint Mana ilə evlənir. Onun atası Mana bin Əbdül Hadı Al Hacrı Qətərin İordaniyadakı səfiri olmuşdu. Onların evliliyindən 1 oğlu və iki qızı dünyaya gəlir:

2014-cü ilin martında Şeyxa Nura bint Hathal Al Dosari ilə evlənir. Onların bir oğlu dünyaya gəlib:

  • Şeyx Cohan bin Təmim Al Sani (2015)

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 1,7 "Sheikh Tamim's biography" Qatar News Agency. İstifadə tarixi:2015-11-10
  2. 2,0 2,1 2,2 2,3 2,4 2,5 "Profile: Qatar Emir, Sheikh Tamim bin Khalifa Al Thani" BBC. İstifadə tarixi:2015-11-10
  3. 3,0 3,1 "Qatar's Sheikh Tamim: 33-year-old groomed for power" İstifadə tarixi:2015-11-10
  4. "Breaking News: Crown Prince Tamim to be handed the helms of leadership" İstifadə tarixi:2015-11-10