Taleh
| Taleh | |
|---|---|
| türk. Kader | |
 | |
| Janr | dram filmi |
| Rejissor | Zəki Dəmirkubuz |
| Prodüser | Zəki Dəmirkubuz |
| Ssenari müəllifi | Zəki Dəmirkubuz |
| Baş rollarda |
|
| Operator | |
| Bəstəkar |
|
| Montajçı | Zəki Dəmirkubuz |
| İlk baxış tarixi | 2006 |
| Müddət | 103 dəq.[1] |
| Ölkə | |
| Dil | türk dili |
| Çəkiliş yeri | Türkiyə |
| IMDb | ID0875595 |
Taleh — Zəki Dəmirkubuzun 2006-cı ildə çəkdiyi dram filmi. Baş rolları Vildan Atasever, Üfüq Bayraqdar, Engin Akyürek, Müge Ulusoy və Ozan Bilən canlandırıb. Film "ən yaxşı film", "qızıl portağal və "qızıl lalə" mükafatlarını qazanıb.
Mövzu[redaktə | mənbəni redaktə et]
Bəkir (Üfüq Bayraqdar) Uğura (Vildan Atasever), Uğur Zaqora (Ozan Bilən), Zaqor isə cinayət törətməyə aşiqdir. Vəziyyət belə olduğu halda Zaqor həbsdən çıxır. Bədbəxtliklərin bir-birini izlədiyi qızmar və isti yay gecəsində Cavad (Engin Akyürek) ilə Zaqor üz-üzə gəlir. Zaqor gözünü qırpmadan Cavadı öldürüb qaçır. Həmin gecə Uğur da yoxa çıxır. Bu qətl və sonradan Uğurun Zaqorla birlikdə yoxa çıxması, o günə qədər Cavadın himayəsi altında yaşayan gənc ana (Müge Ulusoy), iflic olmuş ata (Mustafa Uzunyılmaz) və kiçik qardaş üçün çətin, qaranlıq günlərdən xəbər versə də, Uğura dəlicəsinə aşiq olan Bəkirin nicat ümidi kimidir. Ailəsinin tapdığı qızla evlənir və yeni həyata başlayır. Amma aylar sonra Zaqor İzmirdə iki polisi öldürüb yaxalananda Uğura çatmaq üçün yeni bir ümid yaranır və bu amansız sevginin arxasınca illərlə davam edəcək amansız axtarış başlayır. O, ölkə pavilyonlarında, üçüncü dərəcəli otel otaqlarında, marixuana aləmlərində Uğurun izinə düşməyə başlayır.
Filmin heyəti[redaktə | mənbəni redaktə et]
| Rollarda | Canlandırdıqları rollar |
|---|---|
| Zəki Dəmirkubuz | Məhməd |
| Üfüq Bayraqdar | Bəkir |
| Engin Akyürek | Cavad |
| Vildan Atasever | Uğur |
| Müge Ulusoy | Uğurun anası |
| Ozan Bilən | Zaqor |
| Ərxan Can | İrfan |
| Mustafa Uzunyılmaz | Uğurun atası |
| Çağlar Çorumlu | Kamil |
| Sətdar Tanrıöğen | Bəkirin atası |
| Güzin Alkan | Əminə |
| Nurhəyat Kavrak | |
| Abdullah Dəmirkubuz | Muzo |
| Alpər Kul | Kadər |
| Volqa Sorgu | |
| Helin Avşar | |
| Emre Qoç | |
| Sərxan Çətinqaya | |
| Müfit Aytəkin | Cəmil |
| Engin Günaydın | |
| Zeynəb Tokuş | |
| Sərdar Orçin | |
| Dəmir Qaraxan | |
| Əmrah Elçiboğa | |
| Əhməd Firat |
Çəkildiyi yer[redaktə | mənbəni redaktə et]
Filmin səhnələrinin çəkilişləri Konak və Qars bələdiyyələrinin köməkliyi ilə İzmir və Qars vilayətlərində tamamlanıb.
Qeydlər[redaktə | mənbəni redaktə et]
- Taleh, Zəki Dəmirkubuzun 1997-ci ildə ekranlara çıxan ikinci filmi Məsumiyyətin qəhrəmanları Uğur və Bəkirin keçmişindən bəhs edir. Talehin hekayəsi Məsumiyyətdə Bəkir obrazını canlandıran Haluk Bilginerin təxminən 10 dəqiqəlik monoloquna əsaslanır.
- Məsumiyyəti daha əvvəl çəksə də, Dəmirkurbuz ilk olaraq Telehin ssenarisini yazıb.
- Taleh və Məsumiyyət eyni hekayənin fərqli vaxtlarını danışsa da, bəzi şeylər uyğun gəlmir. Məsələn, Taleh filminin hekayəsi Qarsda bitir, amma Məsumiyyət filmində hadisələr Diyarbəkirdə baş verir. Taleh filmində Bəkirin evləndikdən sonra iki uşağı olduğu qeyd edilsə də, Məsumiyyət filmində Bəkirin övladı yoxdur.
- Zəki Dəmirkubuz eyni obrazları həyatlarının müxtəlif dövrlərində çəksə də, eyni obrazları canlandıran aktyorlar arasında fiziki oxşarlıqları nəzərə almır və Taleh 1980-ci illərdə deyil, günümüzdə keçir.
- Taleh, Uçurtmanı vurmasınlar filmində balaca Barış rolunu oynayan Ozan Bilənin (Zaqor) Sirr uşaqlarından sonra yetkin aktyor kimi oynadığı ilk filmdir.
- Bəkirin televiziyada Zaqorun törətdiyi cinayətləri gördüyü səhnədə rejissor Zəki Dəmirkubuzun həyat yoldaşı Nurhəyat Kavrak xəbər aparıcısı olub.
- Bəkirin televiziyaya baxdığı səhnədə Uğur obrazını canlandıran Vildan Ataseverin bu filmə çəkilməzdən əvvəl rol aldığı "Qadın istəsə" teleserialının səsləri eşidilir.
- Bəkir və Uğur İzmirdəki Paris Casino kazinosundan çıxıb hostelə çatanda Erkan Canın canlandırdığı otelçi İrfan və digər otel sakinləri "Məsumiyyət" filminə baxarkən qarşılaşırıq (Dərya Alabora və Haluk Bilginerin səsi eşidilir).
- Filmdə Zəki Dəmirkubuzun klassik kameo obrazlarından birini görürük. İlk filmdə (Məsumiyyət) hoteldə televizora baxan adam kimi görünən Dəmirkubuz bu filmdə bar sahibi kimi görünüb.
- Film Məsumiyyət filmində əfsanəyə çevrilən xarab olmuş qapı səhnəsi ilə bitir.
- Filmdəki Bəkir obrazı Nuri Bilge Ceylanın İqlimlər filmində adını çəkmədən taksi sürücüsü kimi görünür.
- Məsumiyyət filmində Güvən Kıraçın canlandırdığı Yusif obrazının geyindiyi qəhvəyi pencək, Bəkirin Taleh filmində aptek axtardığı hissədə geyindiyi pencəkdir.
Mükafatlar[redaktə | mənbəni redaktə et]
- Ankara Beynəlxalq Film Festivalı: Ən yaxşı rejissor (Zəki Dəmirkubuz), Ən yaxşı aktrisa (Vildan Atasever), Ən yaxşı ikinci plan aktrisası (Müge Ulusoy)
- Antalya Qızıl Portağal Film Festivalı: Ən yaxşı film, ən yaxşı aktyor üçün münsiflər heyəti xüsusi mükafatı (Erkan Can)
- Nürnberq Film Festivalı: ən yaxşı film (münsiflər heyəti), ən yaxşı film (tamaşaçı)
- İstanbul Beynəlxalq Film Festivalı: FIPRESCI mükafatı, ən yaxşı rejissor (Zəki Dəmirkubuz), ən yaxşı aktyor (Üfüq Bayraqdar)