Müzakirə:Əlimərdan bəy Topçubaşov

Soyad

Əlimərdan bəy 1920-ci ildə Parisdə olarkən, Azərbaycanın Rusiya bolşevikləri tərəfindən işğal edilməsinə etiraz olaraq soyadındakı "ov" sonluğundan imtina edərək Topçubaşi soyadını götürmüşdür. Buna sübut elə bu məqalədə Topçubaşinin Parisdə yaşadığı binaya vurulmuş memorial lövhədir: orada soyad Topçubaşi kimi yazılmışdır. Əlimərdan bəyin ruhuna, iradəsinə, seçdiyi qərara hörmət naminə onun soyadının düz yazılması, ən azından bu faktın qeyd edilməsi vacibdir. NR SHENER (müzakirə) 01:09, 14 fevral 2021 (UTC)

Azərbaycan dilindəki bütün məqalələr Topçubaşov yazır. Hətta Google-da Topçubaş axtardıqda Google “Topçubaşov demək istəyirdiniz?” deyir. Həmçinin Vikipediyada nəyinsə ruhuna və s. bir şeyə hörmət naminə heç bir şey yazılmır/dəyişdirilmir.— NMW03 (müzakirə) 02:36, 20 fevral 2021 (UTC)

Azərbaycan dilindəki "bütün" məqalələr ənənəvi olaraq sovet (rus) versiyasını inadla yaşatmaqda davam edirlər. Görünür bunu edən müəlliflər, alimlər və b. "rəis" və "yazıçılar" hələ də özlərini rus təsir dairəsindən kənarda görmürlər. Kortəbii olaraq ancaq və ancaq rus (sovet) versiyalarını mütləq sayırlar. Konkret Topçubaşov məsələsinə gəldikdəsə, bu soyad sonluğu məsələsi axır zamanlar məlum olduğundan təbii ki, o istinad etdiyiniz "bütün" keçmiş məqalələrdə qeyd olunmayıb. Google" da birncisi, mexaniki olaraq hansı variant daha çox verilirsə o variantı əsas sayıb təklif edir - bu sadəcə riyaziyyatdır (hesab). Yəni proqramçının qurduğu alqoritmdir, burda nəsə ağıllı, mötəbərlik axtarmaq gülüncdür. Bu bir tendensiyadır ki, belə tendensiyaları dəyişmək vaxtı çoxdan gəlib. Sadəcə düzgün versiyanı axtarışda daha çox yazılsa Google özü həmin yeni, düz olan versiyanı təklif etməyə başlayacaq. Yəni bu sadəcə texniki məsələdir. Bu ki, 2x2-dir. Bu "nəyinsə ruhuna" yox Əlimərdan bəy Topçubaşinin ruhuna hörmət üçün vacibdir. Çünki bu adam özü, oğlu və sonrakı nəsli Topçubaşı soyadını qəbul etmişlər. Başa düşmürəm onun özünün, ailəsinin seçdiyi versiya daha önəmlidir yoxsa Google"un, İnstagramın və ya "bütün" internet saytlarının təklif etdiyi versiya? Bu nə məntiqsizlikdir belə? Bu məntiqlə onda gərək İsa Qəmbəri Qəmbərov, Elçibəyi Əliyev, Səməd Vurğunu Vəkilov, Rəsul Rzanı Rzayev kimi yazasınız və s. İndi sovet-ruslar Topçubaşov yox Topçubaşyan yazsaydılar siz də bunu inadla yazmaqda davam edəcəkdiniz? Ümumiyyətlə bu NMW03 nikinə axıq vaxtlar çox rast gəlirəm. Axır vaxtlar belə qeyri-dəqiq, məntiqsiz, mübahisəli yazılara verilaən iradlara, suallara NMW03-in cavab verməsinə də artıq təəccüb etmirəm. Siz orda məqalələr üzərində monopoliya yaratmısınız, nədi? Artıq insanların soyadlarını, bioqrafiyalarını da öz istədiyiniz ya lazım bildiyiniz kimi, müzakirəsiz-filansız yazırsınız? Arqument, sübut kimi də akademik mənbə yox, google, internet saytlarını gətirirsiniz.— NR SHENER (müzakirə) 01:59, 29 mart 2021 (UTC)

NR SHENER, İsa Qəmbər, Elçibəy, Səməd Vurğun və digər bunun kimi şəxslər qeyd etdiyiniz həqiqi adları ilə tanınmırlar. Stil kitabçasına əsasən məqalənin adı azərbaycanlı oxucunun ən çox tanış olduğu variantda yazılmalıdır. Tanıyanlar bu şəxsləri bu adlar ilə tanıyır. Siz isə az qala heç kimin bilmədiyi bir iddia irəli sürürsünüz və deyirsiniz ki belə olmalıdı. Mənbə də göstərmirsiniz. Mən heç bir instagram səhifəsindən nümunə göstərməmişəm. Zəhmət olmasa diqqətlə oxuyun. Azərbaycan dilindəki bütün kitablarda, məqalələrdə və etibarlı saytlarda "Topçubaşov" yazılır. Google-u istinad göstərdikdə təbii ki etibarlı saytlardan bəhs edirəm. Bloq və s. kimi saytlar mənbə sayılmır onsuz da. Məsələn Xarici İşlər Nazirliyi Topçubaşov yazıb. Bilmirsinizsə Bakıda Topçubaşov adına elmi-cərrahiyyə mərkəzi mövcuddur. Yenə Bakıda Əlimərdan Topçubaşov küçəsi mövcuddur. Topçubaşov adına araşdırma mərkəzi mövcuddur. "Əlimərdan bəy Topçubaşov" adına təqaüd mövcuddur. Qısaca arqument göstərərkən etibarlı mənbələrə istinad edin. Yenə qeyd edirəm ki burda heç kimin xatirəsinə, hörmətinə, şərəfinə və s. dəyişiklik edilmir. Son olaraq, xeyr monopoliya yaratmamışam. Xüsusi:SonDəyişikliklər deyə bir səhifə mövcuddur və məndə bir idarəçi kimi normal olaraq saytda edilmiş dəyişiklikləri yoxlayıram. Yəni sizin redaktələrinizi də görürəm və cavab vermək istəyirəm. Xeyr, insanların soyadlarını, bioqrafiyalarını istədiyim kimi yazmıram. Hərkəs istədiyini yazsaydı bura ensiklopediya olmazdı. NMW03 (müzakirə) 00:09, 31 may 2021 (UTC)

Həmçinin məni teq etmək istədikdə {{u}} şablonundan istifadə etsəniz ({{u|NMW03}} yazdıqda) mənə bildiriş gələcək. NMW03 (müzakirə) 00:13, 31 may 2021 (UTC)

Qaspiralı yox Qaspralı

İsmayıl bəy Qaspralının (Qasprinski) soyadının düzgün yazılışı Qaspİralı yox Qaspralıdır. Çünki Qaspra şəhərindən olduğu üçün bu soyad rus dilində Гаспринский, azərbaycan dilində Qaspralı kimi yazılır. Və burada fikir vermişəm Vikipeediyada çox rast gəldiyim səbəb - "axtarış sistemlərində filan cür yazı daha çox rast gəldiyindən məhz həmin cür yazılmalıdır" kimi səbəb keçərli deyil. Çünki azərbaycan dilindəki internet yazıçıları, jurnalistlərin çoxunun qeyri peşəkar və hətta öz adını belı düzgün yaza bilməməsi dərəcədə savadsız olduğunu bilirik və bu cür saytların, redaktorların axtarış sistemindəki sorğuları öz istedikləri kimi yazıb doldurması hansısa sözün düzzgün variant kimi qəbul edilməsinə səbəb ola bilməz. — NR SHENER (müzakirə) 21:15, 30 may 2021 (UTC)

İstinad

Salam, Dr.Wiki54. Söz soruşum, məqalədəki "Topçubaşov-Rəsulzadə, 2012" istinad hansı mənbədir? --► Hörmətlə: SolaVirum 13:39, 4 iyun 2022 (UTC)

Mən əlavə etdiyimi xatırlayırdım. Mənbə budur, Solavirum. - Dr.Wiki54 (müzakirə) 18:02, 4 iyun 2022 (UTC)

Dr.Wiki54, təşəkkürlər. İstinadları sizin işlədiyiniz bəzi YM və SM-larda qaydaya saldım. Zəhmət olmasa, gələcəkdə məqalələr üzərində işləyərkən "müəllif ad/ları|il" kimi işlədin {{Sfn}} şablonunu. Akademiyada istifadə olunan üslub budur (bax: Harvard üslubu). Müəllif ad/ları yoxdursa, redaktor ad/ları, redaktor ad/ları yoxdursa, nəşriyyat/sayt adını qeyd edin. Uğurlar! --► Hörmətlə: SolaVirum 19:16, 5 iyun 2022 (UTC)

@Solavirum, bu məqalə ilk təcrübəm idi. Düzü, mənbə vermə qaydalarını burada öyrəndim. Redaktələrinizi gördüm, təşəkkür edirəm. Üslubu indi tam oturtmuş oldum, çalışacağam bundan sonraki ədəbiyyat mənbələrində bu cürə istifadə edim. Sizə də uğurlar! - Dr.Wiki54 (müzakirə) 19:20, 5 iyun 2022 (UTC)

Dr.Wiki54, gələcək fəaliyyətiniz üçün bu dəyişikliyə nəzər yetirərsiniz zəhmət olmasa. --► Hörmətlə: SolaVirum 15:44, 27 iyun 2022 (UTC)

@Solavirum, soyadla verilməsi xaric tətbiq edərəm. Azərbaycan dilində ada daha çox üstünlük verilir. Ruscadan və ingiliscədən fərqli olaraq. - Dr.Wiki54 (müzakirə) 13:08, 28 iyun 2022 (UTC)

Dr.Wiki54, razı deyiləm. Əlimərdan bəy Topçubaşov Vikipediyanın yaxın dostu deyil ki, ona adla müraciət edilsin. Ya tam müraciət edilməlidir, ya da sadəcə soyadla. Azərbaycan Sovet Ensiklopediyasında da belədir. --► Hörmətlə: SolaVirum 13:32, 28 iyun 2022 (UTC)

@Solavirum, mən də sizinlə razı deyiləm. Soyad istifadəsi Sovet təsirində olan ölkələrdə çox məşhur olub. İngiliscə də də Mr., Mrs. və s. olduğu üçün istifadə olunub. Akademik yazılarda da bəy, ağa, xan və s. kimi adları olanlarda sadəcə adla yazıla bilir. Dr.Wiki54 (müzakirə) 14:56, 28 iyun 2022 (UTC)

Dr.Wiki54, mənbəniz var? Siz dediyiniz şey böyük səviyyədə publisistik xarakter daşıyan məqalələrə aiddir, ensiklopedik yox. --► Hörmətlə: SolaVirum 10:38, 29 iyun 2022 (UTC)

Ümumiyyətlə, tam ad işlənsə daha yaxşı olar. Ancaq qısa olaraq soyad yazılsa daha yaxşıdır. Hörmətlə, dancewithdevil (müzakirə) 15:01, 28 iyun 2022 (UTC)

Yanlış şəkil

Məqalədəki "İctimai Təşkilatlarının Şurasında" adlı alt başlıqda yerləşdirilən Bakı Şəhər Dumasının üzvlərinin şəklində qeyd olunmuş şəxs Əlimərdan bəy Topçubaşov deyil. Daha əvvəl rus vikipediyasında şəklə belə bir başlıq yazılmışdı: "Bakı Şəhər Dumasının deputatları arasında Məşədi Əzizbəyov (ikinci sırada soldan 4-cü). Şəkildə soldan sağa ikinci sırada Əhməd bəyPepinov (1-ci), Məhəmmədhəsən Hacınski (2-ci), Həsən bəy Ağayev (5-ci). Üçüncü sırada Ə.Topçubaşov (soldan 9-cu)". Bu şəkildə qeyd edilmiş şəxslər yoxdur, çünki Həsən bəy Ağayev heç vaxt Bakı Şəhər Dumasının üzvü olmayıb. M.Əzizbəyov yalnız 1911-ci ildə deputat seçilib, şəkil isə 1910-cu ilə aiddir. Pepinov o vaxt hələ tələbə idi və oxuyurdu, Topçubaşov isə qeyd edilmiş şəxs deyil və bu şəkildə yoxdur. Şəklin silinməsi üçün müraciət edirəm. Yousiphh (müzakirə) 14:02, 2 iyul 2022 (UTC)

Salam, @Yousiphh bəy. Əvvəla onu bildirim ki, məqalənin əsas müəllifi mənəm. Tarix mənim maraq dairəmdədir, lakin peşəm deyil. Məqalələr üzərində işləyərkən yerli və xarici mənbələrdən istifadə edirəm. Bildiyiniz kimi, bu cür mənbələrə çox səhvlər olur. Mən sizin fəaliyyətinizi izləyirəm və tarixin sizin əsas fəaliyyət yönünüz olduğunu bilirəm. Buna görə sizə etimadım var. Məqalədə bu cür səhvlər tapdıqda (əgər əlavələrin müəllifi mənəmsə) məndən asılı olmayan səbəblərdən olduğunu anlamağınızı rica edirəm. Şəkli sildim. Növbəti dəfə oxşar səhv gördükdə özünüz silə, açıqlama qismində şərhinizi yaza bilərsiniz. Etiraz olsa, müzakirə səhifəsində müvafiq müzakirə aparılar. İradınız üçün təşəkkürlər, fəaliyyətinizdə uğurlar! - Dr.Wiki54 (müzakirə) 20:43, 2 iyul 2022 (UTC)