Tapdıq Həsənov
| Tapdıq Həsənov | |
|---|---|
| Tapdıq Həsənov Güləhməd oğlu | |
| Doğum tarixi | 1937 |
| Doğum yeri | Təzəkənd, Qardabani rayonu, Gürcüstan SSR, SSRİ |
| Vəfat tarixi | 11 may 2026 (88–89 yaşında) |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Atası | Güləhməd Həsənov |
| Elmi dərəcəsi | coğrafiya elmləri doktoru |
| Elmi adı | professor |
| Təhsili | Azərbaycan Dövlət Universitetinin Geologiya-coğrafiya fakültəsi |
| Tanınır | coğrafiyaçı |
| Mükafatları |
  |
Tapdıq Həsənov Güləhməd oğlu (1937, Təzəkənd, Qarayazı rayonu – 11 may 2026) — coğrafiya elmləri doktoru, professor. Azərbaycan Respublikasının əməkdar müəllimi və qabaqcıl təhsil işçisi
Həyatı
[redaktə | vikimətni redaktə et]Tapdıq Həsənov 1937-ci ildə Gürcüstan Respublikasının Qardabani rayonunun Təzəkəndində anadan olmuş, 1961-ci ildə hazırkı Bakı Dövlət Universiteti Geologiya-Coğrafiya fakültəsini fərqlənmə diplomu ilə bitirmişdir. 1962-ci ildə Azərbaycan EA İqtisadiyyat İnstitutunda kiçik elmi işçi vəzifəsinə də çalışmış və həmin institutun göndərişi ilə 1964–1967-ci illərdə Moskvadakı Yanacaq qazıntıları Elmi-tədqiqat İnstitutunun aspiranturasını bitirərək "Zaqafqaziya iqtisadi rayonunda mineral gübrələr sənayesinin inkişafı və yerləşdirilməsi" mövzusunda dissertasiya müdafiə edərək iqtisad elmləri namizədi elmi dərəcəsini alır.
11 amy 2026-cı ildə vəfat edib.[1]
Elmi fəaliyyəti
[redaktə | vikimətni redaktə et]1968–1969-cu illərdə Azərbaycan Respublikası Dövlət Plan Komitəsi nəzdindəki Elmi-Tədqiqat İqtisadiyyat İnstitutunda şöbə müdiri vəzifəsində çalışmışdır. Həsənov T. C. 1969-cu ildən Bakı Dövlət Universitetinin iqtisadi və sosial coğrafiya kafedrasına keçərək, orada müəllim, baş müəllim, dosent, 2013-cü ildən isə professor vəzifəsində 1975-ci ildən Azərbaycan Respublikası Coğrafiya cəmiyyətinin həqiqi üzvüdür.2007-ci ildə AMEA-nın akad. H. Ə. Əliyev adına Coğrafiya İnstitutunda fəaliyyət göstərən Dissertasiya Şurasında "Azərbaycan Respublikası təsərrüfatının ərazi təşkilinin təkmilləşdirilməsinin iqtisadi-coğrafi istiqamətləri" mövzusunda doktorluq dissertasiyası müdafiə etmiş, 2013-cü ildən professor adını almışdır. O, 140-çox elmi əsərin monoqrafiya, bir sıra dərslik və xəritələrin müəllifidir. Məhz Qarabağ münaqişəsinə ilk reaksiya verənlərdən biri olan T. G. Həsənov öz təşəbbüsü ilə "Azərbaycan ərazilərinin Ermənistan tərəfindən işğalının ağır sosial-iqtisadi nəticələri" (2002) əsərini yazıb.[2]
Elmi əsərləri
[redaktə | vikimətni redaktə et]- Azərbaycanın dağ rayonlarının davamlı sosial-iqtisadi inkişafının potensial imkanları və istiqamətləri/ Azərbaycan Coğrafiya Cəmiyyəti, X cild, Bakı 2006 səh. 45–52.
- Azərbaycan təsərrüfatının ərazi təşkilinin tədqiqat metodları //Bakı Universitetinin xəbərləri. Təbiət elmləri seriyası. 2007 .¹1, səh. 139–146.
- Bakı-Abşeron və ətraf regionlarda təsərrüfatın mütənasib inkişaf problemləri// Odlar Yurdu Universitetinin elmi və pedaqoji xəbərləri. Hüquq, sosial-ictimai, iqtisad, filologiya və pedaqoji elmlər seriyası. 2007, ¹21, s. 48–54.
- Azərbaycanda ətraf mühitin mühafizəsinin iqtisadi-coğrafi problemləri//Hidrometeorologiya və ətraf mühitin monitorinqi. 2007 ¹4, səh. 7–16.
- Azərbaycanın ekoloji-coğrafi mövqeyi və onun yaratdığı problemlər/Azərbaycan Coğrafiya Cəmiyyətinin əsərləri, XII cild Bakı, 2008, səh. 318–442.
- "Regionların innovasiyalı sosial-iqtisadi inkişafı : reallıqlar və perspektivləri " mövzusunda respublika elmi praktiki konfransın materialları. 7 may, 2015, "Avropa " nəşir s.207–210
- Ümummilli lider Heydər əliyevin anadan olmasının 92-ci ildönümünə həsr olunmuş "Regional idarəetmə: innovativ yanaşmalar və perspektiv imkanlar. Aprel,2015, Bakı-Azərbaycan, s.219–225
- Azərbaycan regionlarının su ehtiyatlarından səmərəli istifadə olunmasının əsas istiqmətləri. Şərikli."Coğrafiya və təbii resurslar " jurnalı № 2, 2015-il, s. 23–30, Azərbaycan Coğrafiya cəmiyyəti.
- İqtisadi-coğrafi rayonlaşdırma ölkənin sosial-iqtisadi həyatının tənzimlənməsi-nin fəaliyyət vasitəsidir. BDU-nun Coğrafiya fakültəsinin " Coğrafiya: nəzəriyyə, praktika və innovasiya" mövzusunda Elmi –praktiki konfransın materialları. 2015-ci il 10 dekabr, s.23–29
- Azərbaycan iqtisadiyatının dayanıqlı ekoinkişaf modeli// "Opto-, nanoelektronika, kondensə olunmuşmühit və yüksək enerji fizikası" mövzusunda respublika –elmi praktiki konfransın materialları. 2015-ci il.[3]
Kitabları
[redaktə | vikimətni redaktə et]- Coğrafiya tarixi. Bakı, 2001 (dərslik, həmmüəlliflə). Тяжелые социально-экономические последствия оккупации Арменией территорий Азербайджана. Баку, 2004.
- Pedaqoji təcrübə və onun təşkili. Metodiki vəsait, Bakı 2015.[3]
Mükafatları
[redaktə | vikimətni redaktə et]
"Əməkdar müəllim" fəxri adı[4]- Azərbaycan Respublikası Təhsil Nazirliyinin "Azərbaycan Respublikası qabaqcıl təhsil işçisi" döş nişanı
- Bakı Dövlət Universitetinin "Fəxri fərmanı"
Həmçinin bax
[redaktə | vikimətni redaktə et]Xarici keçidlər
[redaktə | vikimətni redaktə et]İstinadlar
[redaktə | vikimətni redaktə et]- ↑ "Bakıda Əməkdar müəllim VƏFAT ETDİ - FOTO". Oxu.az (az.). 11 may 2026. İstifadə tarixi: 16 may 2026.
- ↑ B. Budaqov Azərbaycan coğrafiyaçı alimləri
- 1 2 "Tapdıq Həsənov". 5 iyul 2022 tarixində arxivləşdirilib. İstifadə tarixi: 17 avqust 2017.
- ↑ Bakı Dövlət Universitetinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı