Teymur bəy Sabir

Vikipediya, açıq ensiklopediya
Jump to navigation Jump to search
TEYMUR BƏY SABİR
Doğum tarixi 1871
Doğum yeri Şuşa şəhəri
Vəfat yeri Bakı şəhəri
Fəaliyyəti şair

Teymur bəy Sabir (1871-?) şair


Həyatı[redaktə | əsas redaktə]

Ədəbi ictimaiyyətimizə o qədər də bəlli olmayan şairlərdən biri də Teymur bəy Sabirdir. Teymur bəy Əliş bəy oğlu Nəsirbəyov 1871-ci ildə Şuşa şəhərində doğulmuşdu. İbtidai təhsilini molla yanında almış, sonra şəhər rus-tatar məktəbində oxumuş, Şuşa Real məktəbində təhsilini davam etdirmişdi. Teymur bəy şair idi. "Sabir" təxəllüsü ilə şirindilli şeirlər yazırdı. Zəngin kitabxanaya malik idi. Atası Əliş bəy Əsəd bəy oğlu Nəsirbəyov (1832-?) Qarabağın savadlı, ziyalı adamlardan sayılırdı. Qəza idarəsində işləyirdi. Dəftərxana xidmətçisi və titulyar müşavir mülki çinləri vardı. Şair təbiətli adam idi. Ara-sıra şerlət yazırdı. Teymur bəyin əmisi Mirzə Kərim bəy Nəsirbəyov (1828-1890) da şair idi. Məşhəd şəhərində rus hökumətinin konsulu olmuşdu. Qardaşı oğlanları Cavad bəy və Kərbəlayı Rüstəm bəyin günahları ucbatından işdən çıxarılmış, onlarla birlikdə Sibirə sürgün edilmişdi. Nəsirbəyovlara Şuşada yaşamağa icazə verməmişdilər. Ona görə də onlar ailəlikcə Zəngəzur qəzasının paytaxtı Gorus qəsəbəsinə köçmüşdülər. Teymur bəyin gənclik illəri Gorusda keçmişdi. Ucqarda yaşasa da, yaradıcılığından qalmırdı. Boş vaxtlarında dövrünün və keçmişin şairlərinin şeirlərindən ibarət cüng hazırlayırdı. Onun Azərbbaycan, fars və ərəb dillərində yazdığı şeirlərindən ibarət cüngü (B-196913680) əlyazmalar institunda saxlanılır. Həmin cüngdə öz şeirləri də var. Onun qardaşları Şamil bəy (1873-?), Əmir bəy (1883-?) də söz-sənət sahibləri olmuşlar. Teymur bəy Sabirin soy-sonu olan Nəsirbəyovlar hazırda Bakı, Aşqabad, Daşkənd, Məşhəd və digər şəhərlərdə yaşayırlar.

Mənbə[redaktə | əsas redaktə]

  • Ənvər Çingizoğlu, Nəsirbəyovlar, "Soy" dərgisi, 7 (27), Bakı, 2009. səh.3-15.

Həmçinin bax[redaktə | əsas redaktə]