Tim Dankan

Vikipediya, açıq ensiklopediya
Keçid et: naviqasiya, axtar
Tim Dankan
Tim Duncan.jpg
Dankan Spörs forması ilə (2011-ci il)
Şəxsi məlumat
Doğum 25 aprel 1976 (1976-04-25) (41 yaş)
Kristiansted, Vircin adaları
Milliyyəti amerikan
Boy 6 ft 11 in (2.11 m)
Çəki 250 lb (113 kq)
Karyera məlumatı
Oyunçu karyerası 1997–2016
Mövqe uzaq hücumçu, mərkəz
Nömrə 21
Karyera tarixi
1997-2016 San-Antonio Spörs
Karyerasında əsas məqamlar və mükafatlar
  • 5x NBA Çempionu (1999, 2003, 2005, 2007, 2014)
  • 15x NBA All-Star (1998, 2000-2011, 2013, 2015)
Karyera statistikaları
Basket sayı 26,496 (19.0 ortalama)
Ribaund sayı 15,091 (10.8 ortalama)
Asist (ötürmə sayı) 4,225 (3.0 ortalama)
Statistikası Basketball-Reference.com'da

Tim Dankan, (d. 25 aprel, 1976)[1] karyerasını başa vurmuş, 19 il NBA komandalarından olan San-Antonio Spörs forması geymiş peşəkar amerikalı basketbolçu. Tim Dankan NBA tarixində ilk 3 mövsümdə liqanın bütün simvolik komandalarına düşən 2–ci basketbolçudur.

Həyatı[redaktə | əsas redaktə]

1976-cı ildə anadan olan Dankan basketbolla 9-cu sinifdən məşğul olmağa başlayıb. Uşaqlıqda üzgüçülüyə gedən Tim 400 metr məsafəyə sərbəst üsulda öz yaş qrupunda ölkə çempionu olub. Lakin 1989-cu ildə Xyuqo Uraqanı hovuzu yararsız hala gətirdikdən sonra o üzgüçülüklə vidalaşır.

Veyk Forestdə psixolgiyadan təhsil alan Dankan soyuq silah kolleksiyası toplayır. Onun kolleksiyasında hətta uzunluğu 92 santimetr olan Samuray qılıncı da var.

San-Antonio Spörs komandasının bütün ev oyunlarında xeyriyyə məqsədilə 25 bilet alaraq azarkeşlərə verən Dankan 2000-ci ildə boulinq turniri təşkil edərək, oradan əldə edilən 100000 dolları xarçənglə mübarizə edən xəstəlik fonduna yönəldib. Həmçinin bir neçə şirkətlə reklam müqavilələrindən gələn gəliri də ehtiyacı olan xərçəng xəstələrinin müalicəsinə ünvanlayıb. Bundan əlavə ənənəvi qolf turniri təşkil edərək mənfəəti Kids sorts Netvork təşkilatına keçirir.

Karyerası[redaktə | əsas redaktə]

1997-ci il NBA seçmələrində 1-ci sıradan San-Antonio Spörs tərəfindən seçilərək NBA həyatına başlamış və karyerasının sonuna qədər bu komandanın formasını geymişdir.

1999-cu ildə pleyoff mərhələsinin ən dəyəli basketbolçusu seçilib. 1 il əvvəl isə NBA-nın ən yaxşı debütantı olan Dankan Amerika Birləşmiş Ştatlarının komandasının tərkibində Sidney Olimpiya oyunlarının seçmə turnirində iştirak edib. Olimpiadaya yollanacaq heyətə dəvət alsa da zədə Avstraliyada çıxış etməyə imkan verməyib. Kiçik bacısı Trişia 1988-ci ildə keçirilən olimpiya oyunlarında iştirak edib. Ancaq ABŞ yox, o Vircin adalarını üzgüçülük yarışlarında təmsil edib. Dankan 2 dəfə müntəzəm çempionatın qalibi olub. Bundan əlavə Tim Dankan 13 dəfə ulduzlar görüşündə iştirak edib. 4 qat NBA çempionu həmçinin Olimpiya oyunlarının bürünc və Universiadanın qızıl mükafatçısıdır.

İstinadlar[redaktə | əsas redaktə]

  1. "Tim Duncan Q&A". slamduncan.com. http://www.slamduncan.com/about-qa.php. İstifadə tarixi: 11 Sentyabr, 2017.

Həmçinin bax[redaktə | əsas redaktə]

Xarici keçidlər[redaktə | əsas redaktə]

Vikianbarda Tim Dankan ilə əlaqəli mediafayllar var.