Timofey Vasilyev

Vikipediya, azad ensiklopediya
Naviqasiyaya keç Axtarışa keç
Timofey Vasilyev
rus. Тимофей Васильевич Васильев
Şəxsi məlumatlar
Doğum tarixi
Doğum yeri Rusiya imperiyası, Tomsk v. Tavla k.
Vəfat tarixi (42 yaşında)
Vəfat yeri SSRİ, Moskva
Vəfat səbəbi güllə yarası[d]
Fəaliyyəti hüquqşünas

Timofey Vasilyev (tam adı: Timofey Vasilyeviç Vasilyev, rus. Тимофей Васильевич Васильев; 19 fevral (3 mart) 189723 iyun 1939[1], Moskva)[2] — Mordoviya (Erzyan) hüquqşünası, Mordoviyada müasir məhkəmə prosesləri sisteminin qurucusu, ictimai-siyasi xadim. 1917-ci il oktyabr inqilabının iştirakçısı.

Bioqrafiyası[redaktə | mənbəni redaktə et]

Timofey Vasilyev 19 ferval 1897-ci ildə Tomsk vilayəti Marinski qəzası, Tavla kəndində ortabab kəndli ailəsində anadan olmuşdur. 1909-cu ildə ailəsi ilə birlikdə Kuznetsk hövzəsinin Anjer kömür mədənlərində işləmək üçün işləməyə başlamışdır. Atası mədəndə, Timofey isə daşıyıcı işləyirdi. 1910-cu ildə mexaniki emalatxanada dəmirçi fəaliyyətinə başlayır. 1915-ci ildə isə ailəsi ilə birlikdə doğma Tavla kəndinə qayıdır. bir müddət sonra isə dünyavi məhkəmədə katib işləyir. 1916-cı ildə hərbi xidmətə çağrılır. Sıravi olaraq Omsk hərbi dairəsinin qərargahında katib kimi hərbi xidmət edir. 1917-ci ilin iyun ayında Omsk hərbi dairəsi, Diviziya Qərargah sədri seçilir. Elə həmin ildən Omskda məhkəmələrə təyinat alır. 1918-ci ildə Qırmızıqvardiyaçıların komandasında plemyotçu olaraq, daha sonra partizan dəstəsində xidmət edir. Krasnoyarskda hüquqi bölmənin rəhbəri işləyir. 1920-ci ilin yazından Qırmızı Ordunun Krasnoyarsk Piyada Məktəbinin kursantı olur. 1921-ci ildə Uzaqşərq Respublikasının Hərbi-Siyasi məktəbində batalyon komandiri vəzifəsində işləyir. 1924 – 1930-cu illərdə Moskva Dövlət Universitetinin Sovet hüququ fakultəsində təhsil alır. Yelizaveta Pavlovna Ryabova ilə ailə həyatı qurmuşdur. May 1925-ci ildə Ramzay adlı oğlu dünyaya gəlir. 1928-ci ilin iyun ayında Mordoviya qəza məhkəməsinin sədri seçilməsi ilə əlaqədar Saranska gəlir. 1931-ci ildə Londonda SSRİ ticarət missiyasına hüquqi məsləhətçi təyin edilir. 1932-ci ilin 8 aprelində qızı Lamruz (Elyanora) dünyaya gəlir. 8 aprel 1938-ci ildə Moskvada «Mordoviya Sağ-Trotski Burjua Milliyyətçi Terrorist Bloku» işi ilə əlaqədar həbs edilir. Saranskda tək nəfərli kamerada işgəncələrə məruz qalır. Ailəsini qorumaq məqsədi ilə əlaqədar əvvəlcədən hazırlanmış protokolu imzalayır. 1938-ci ilin oktyabrında Moskvadakı Butır həbsxanasına salınır. 1939-cu ilin 27 aprel tarixində Moskva Hərbi Dairəsinin Hərbi Məhkəməsitərəfindən RSFSR Cinayət Məcəlləsinin 58-1a və 58-11-ci bəndinə əsasən təqsirli bilinmiş və güllələmə qərarı çıxarılmışdır. Timofey Vasilyev 31 iyul 1939 güllələnmişdir. 1992-ci isə ona bəraət verilmişdir.

İstinadlar[redaktə | mənbəni redaktə et]

  1. http://www.erzia.saransk.ru/arhiv.php?n=6154&nom11=515.
  2. "Timofey Vasilev". 2019-12-27 tarixində arxivləşdirilib. İstifadə tarixi: 2019-04-14.