Tofiq Əhmədov (filoloq)

Vikipediya, azad ensiklopediya
Jump to navigation Jump to search
Tofiq Əhmədov
Tofiq Mürsəl oğlu Əhmədov
FullSizeRender-28-03-18-00-02.jpg
Doğum tarixi 8 may 1938(1938-05-08)
Doğum yeri Quba, Azərbaycan Azərbaycan SSR
Vəfat tarixi 17 aprel 1998 (59 yaşında)
Vəfat yeri Bakı, Azərbaycan Azərbaycan
Vətəndaşlığı Azərbaycan
Elm sahəsi ədəbiyyatşünas, dilçi, türkoloq
Elmi dərəcəsi Filologiya elmləri doktoru
Elmi adı Professor

Əhmədov Tofiq Mürsəl oğlu — Azərbaycanın tanınmış dilçi və toponimist alimi, filologiya elmləri doktoru, professor.


Həyatı[redaktə | əsas redaktə]

Tofiq Əhmədov 1938-ci il mayın 8-də Quba şəhərində anadan olmuşdur.

Orta məktəbi bitirdikdən sonra ADU-nun filologiya fakültəsində (1962-1967) təhsil almışdır. AMEA-nin Dilcilik institutuna işə dəvət olunmuşdur.AMEA-nın (1967-1969) müxtəlif şöbələrində işləmişdir. 1987-ci ildə Sovet Türkoloqları Komitəsinin XV plenumun qərarı ilə SSRİ EA Türk onomastikası bölməsinin büro üzvü və 1988-cici ildə Azərbaycan Mədəniyyət Fondunun elmi-ictimai Toponimiya şurası sədrin müavini seçilmişdi.Eyni zamanda Azərbaycan Onomastika Cəmiyyətinin İdarə heyəti sədri müavini idi. Azərbaycan Dövlət İqtisad Universitetində Azərbaycan dili kafedrasının müdiri olmuşdur(1990-1998).

Ədəbi fəaliyyəti[redaktə | əsas redaktə]

Azərbaycan toponimlərini ilk dəfə sistem halında təhlil etmiş, onların müxtəlif sözlərdən törəmə olduğunu, ümumi leksik vahidlərlə toponimlərin fərqinin, mikro və makro toponimlərin xüsusiyyətlərini, elliptik və tam formada işləndiklərini, sintaktik xüsusiyyətlərini, qədim türk sözlərinin toponimlərdə əks olunması və s. problemlərə aid sanballı əsərlər yazmış, bu sahədə 120-dən çox elmi məqalə çap etdirmişdir. Onun səyi ilə ilk dəfə olaraq Bakı Dövlət Universitetində “Azərbaycan onomastikası” ümumi kursu təşkil olunmuş, “Azərbaycan toponimikası” ixtisas kursu tədris edilmiş, bu kursların dərs vəsaitləri hazırlanmış və çap olunmuşdur.

Professor T.Əhmədovun rəhbərliyi altında "Azərbaycan dilinin böyük izahlı onomastik lüğəti" hazırlanmışdır.Türkdilli ölkələr arasında ilk dəfə olarag "Azərbaycan dilinin dialektoloji atlası" (1990) adlı monumental əsərin müəlliflərindən biri olmuşdur. 100-ə qədər elmi əsərin müəllifi və 30-a yaxın regional, beynəlxalq konfransların iştirakçısı olub.

Kitabları[redaktə | əsas redaktə]

  1. Əhmədov T.M El-obamızın adları. Bakı, "Gənclik", 1984, s.128.
  2. Əhmədov T.M. Azərbaycan paleotoponimiyası, Bakı, ADU, 1985, 88 səh.
  3. Əhmədov T.M Azərbaycan toponimiyasının əsasları. Bakı, Bakı Universiteti Nəşriyyatı, 1991, s. 312.
  4. Əhmədov T.M. Qədim «şen» coğrafi terminin mənşəyinə dair. - Azərbaycan onomastikası problemləri, VI, Bakı, 1996, səh.63-69.

İstinadlar[redaktə | əsas redaktə]

http://static.bsu.az/w15/SON%20-%20BDU-100%20KONFRANS_1.pdf