Tottori Qum Muzeyi
| Tottori Qum Muzeyi | |
|---|---|
 | |
 | |
| Əsası qoyulub | 2006 |
| Açılış tarixi | 14 aprel 2012 |
| Ölkə | |
| 35°32′23″ şm. e. 134°14′17″ ş. u. | |
| sand-museum.jp sand-museum.jp/en/ | |
 Vikianbarda əlaqəli mediafayllar | |
Tottori Qum Muzeyi (砂の美術館, Sono no Bicutsukan?) – Yaponiyanın Tottori prefekturasının eyniadlı şəhərində yerləşən muzey. Dünyada qum heykəllərinə həsr olunmuş ilk və yeganə qapalı muzeydir. Burada dünyanın müxtəlif yerlərindən olan heykəltaraşların işləri sərgilənir.[1]
Tarixi[redaktə | mənbəni redaktə et]
Muzeyin əsası 2006-cı ildə qoyulmuş və burada birinci olaraq intibah mövzusuna həsr olunmuş İtaliya sərgisi baş tutmuşdur. Çadırda baş tutmuş bu sərgi Leonardo da Vinçi və Mikelancelonun yaradıcılığından təsirlənərək keçirilmiş və 1 ay davam etmişdir.[2]
14 aprel 2012-ci ildə 580 milyon yenə başa gələn 1950 m2-lik muzey binasının açılışı baş tutmuşdur. Britaniya mövzusunun aktual olduğu açılış zamanı 10 ölkədən olan 15 heykəltaraşın işləri sərgilənmiş, Kraliça I Elizabet və London Olimpiya Oyunlarına həsr olunmuş işlər nümayiş etdirilmişdir.[3] Daha sonra burada 8 ay davam edən "Qumla dünya səyahəti" sərgiləri baş tutmağa başlamışdır.[1]
Xüsusiyyətlər[redaktə | mənbəni redaktə et]
Tottori qum dyunları muzeyin yaxınlığında yerləşsə də, həmin yer milli park ərazisi olduğu üçün qumdan istifadə edə bilmirlər. Qum heykəllərini hazırlamaq üçün illər öncə bir yol layihəsindən qalmış qumdan istifadə olunur.[2]
Qum heykəllərinin çoxu Asiya, Avstriya, Afrika, Birləşmiş Krallıq, Rusiya, ABŞ, Skandinaviya, Çexiya və Slovakiya kimi regionların mənzərələrini əks etdirir. Almaniya tarixini kəşf etmək istəyən şəxslər üçün nəhəng qum qəsrləri hazırlanmışdır.[1] Muzeyin direktoru qum heykəltaraşı Katsuhiko Çaendir.[2]
Qalereya[redaktə | mənbəni redaktə et]
İstinadlar[redaktə | mənbəni redaktə et]
- ↑ 1 2 3 "Tottori Sand Museum: The world's only indoor museum dedicated to the art of sand sculptures". Japan Today (ingiliscə). 7 noyabr 2022. 16 May 2023 tarixində arxivləşdirilib. İstifadə tarixi: 16 may 2023.
- ↑ 1 2 3 "The Sand Museum". Atlas Obscura (ingiliscə). 14 aprel 2017. 16 May 2023 tarixində arxivləşdirilib. İstifadə tarixi: 16 may 2023.
- ↑ "Tottori's new sand sculpture museum the first of its kind". The Japan Times (ingiliscə). 20 aprel 2012. 29 may 2012 tarixində arxivləşdirilib. İstifadə tarixi: 16 may 2023.
Xarici keçidlər[redaktə | mənbəni redaktə et]
- sand-museum.jp — Tottori Qum Muzeyinin rəsmi saytı
