Uçida Roan
| Uçida Roan | |
|---|---|
| yap. 内田魯庵 | |
 | |
| Doğum tarixi | 27 aprel 1868 |
| Doğum yeri | |
| Vəfat tarixi | 29 iyun 1929 (61 yaşında) |
| Təhsili | |
| Fəaliyyəti | ədəbiyyat tənqidçisi, roman yazıçısı, tərcüməçi, yazıçı |
Uçida Roan (内田魯庵?, 27 aprel 1868, Edo[d], Tokaydo[d] – 29 iyun 1929) və ya əsl adı ilə Uçida Mitsuqi (内田貢?) – Yaponiya tənqidçisi, tərcüməçisi və romançısı. Yaponiyanı Lev Tolstoyun əsərləri ilə tanış edən və Fyodr Dostoyevskinin "Cinayət və cəza" romanını yapon dilinə tərcümə edən ilk şəxs kimi tanınır.
Həyatı[redaktə | mənbəni redaktə et]
Uçida Roan 1868-ci ildə Yaponiyanın Tokio şəhərində doğulmuşdur.[1] Uşaq yaşlarından etibarən xristianlığın təsiri altında böyümüş[1] və ingilis dilini özü öyrənmişdir.[2] 1890–91-ci illərdə "Kokumin Shimbun" qəzeti üçün işləmişdir.[3] Yaponiyanın ilk qadın jurnalı olan "Jogaku zasshi" jurnalı üçün yazılar yazmışdır.[1] 1901-ci ildə xarici ədəbiyyat üçün nəzərdə tutulmuş "Maruzen" kitab evinin məsləhətçisi olmuşdur.[3]
Uçida 1889-cu ildə Fyodor Dostoyevskinin "Cinayət və cəza" romanını oxumuş[1] və 1892-ci ildə bu əsəri yapon dilinə tərcümə edən ilk şəxs olmuşdur.[4] O, Rusiya ədəbiyyatının digər tərcüməçisi olan Futabatey Şimeydən xeyli təsirlənmişdir.[3] Uçidanın bu tərcüməsi Kitamura Tokoku və Toson Şimazakiyə təsir göstərmişdir.[4] Uçida Yaponiyanı Lev Tolstoyn yaradıcılığı ilə tanış edən şəxs kimi də tanınır.[4] O, 1905-ci ildə Tolstoyun "Dirilmə" romanını yapon dilinə tərcümə etmişdir.[4]
Uçida yaşadığı dövrün populyar üslubuna qarşı olan əsas polemiklərdən biri olmuşdur.[5] O, sosial məsələləri gündəmə gətirməklə populyar ədəbiyyatın gündəmini genişləndirməyi müdafiə etmişdir.[5] Onun yazılarına esselər və müasir Avropa ədəbiyyatının tərcümələri aid idi.[5] Onun tərcümələri XX əsrin əvvəllərində naturalist məktəbin yayılmasında rol oynamışdır.[5]
Əsərləri[redaktə | mənbəni redaktə et]
- "Bunqakuşa to naru ho" (1894, esse)
- "Kure no nicuhaçiniçi" (1898, roman)
- "Omoydasu hitobito" (1925, memuarlar)
İstinadlar[redaktə | mənbəni redaktə et]
- ↑ 1 2 3 4 Kodansha Encyclopedia of Japan. səh. 123
- ↑ The Japan Biographical Encyclopedia & Who's Who. səh. 1769
- ↑ 1 2 3 The Japan Biographical Encyclopedia & Who's Who. səh. 1770
- ↑ 1 2 3 4 Kodansha Encyclopedia of Japan. səh. 246
- ↑ 1 2 3 4 Kodansha Encyclopedia of Japan. səh. 124
Ədəbiyyat[redaktə | mənbəni redaktə et]
- Kodansha Encyclopedia of Japan (ingiliscə). VIII cild (Temp–Z). Tokio: Kodansha. 1983. səh. 123-124. ISBN 0-87011-628-2. İstifadə tarixi: 15 oktyabr 2022.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1769-1770. İstifadə tarixi: 15 oktyabr 2022.