UEFA Millətlər Liqası

Vikipediya, azad ensiklopediya
Jump to navigation Jump to search
UEFA Millətlər Liqası.png
Açılış ili 2018
Region Avropa (UEFA)
Komandaların sayı 55
Son çempion  Portuqaliya (1-ci dəfə)
Ən uğurlu komanda  Portuqaliya
Veb səhifəsi Rəsmi vebsayt

UEFA Millətlər LiqasıUEFA-ya üzv olan federasiyaların kişi milli futbol komandaları arasında iki ildən bir keçirilən futbol turniri.[1].

İlk turnirə 2018-ci ilin sentyabrında start verildi. A diviziyasında qruplarını birinci sırada bitirən 4 komanda Portuqaliyada keçirilən final mərhələsinə yüksəldi. Bundan əlavə, hər diviziyadan bir komanda UEFA Avro 2020-yə vəsiqə qazanacaq.

Turnir milli komandalar arasında keçirilən yoldaşlıq oyunlarını əvəzetmək məqsədilə təsis edilmişdir.[2]

Format[redaktə | əsas redaktə]

UEFA Millətlər Liqasının format və matç reqlamenti 4 dekabr 2014-cü il tarixində təsdiqləndi. Qəbul edilmiş formata əsasən (qeyd etmək lazımdır ki, format təsdiqlənməmişdən öncə Kosovo hələ UEFA üzvü olmamışdı) 55 komanda A diviziyasında 12, B diviziyasında 12, C diviziyasında 15 və D diviziyasında 16 komanda olmaqla dörd diviziyaya ayrılır.[3]

Hər diviziya öz içində üç-üç və ya dörd-dörd komandalardan ibarət 4 qrupa ayrılır. Hər qrupda komandalar dairəvi sistem üsulu ilə 4 və ya 6 oyun oynayır. Oyunlar hər matç həftəsində 2 oyun olm

Ən yuxarı diviziya olan A diviziyasının dörd qrup birincisi UEFA Millətlər Liqası çempionu olmaq üçün final mərhələsində qarşılaşır. Finallar iki yarımfinal, bir üçüncülük uğrunda matç, bir çempionu müəyyənləşdirən final matçından ibarətdir. Ev sahibi ölkə 4 yarı finalist komanda arasında müəyyənləşdirilir.

Bu turnirin maraqlı tərəflərindən biri də komandaların alt diviziyaya düşmə və üst diviziyaya qalxa bilməsidir. B, C, D diviziyasının komandaları bir üst diviziyaya yüksələ bilər. A, B, C diviziyasının komandaları isə bir alt diviziyaya enə bilər. Qruplardakı komanda sayının fərqliliyinə görə C diviziyasının ən pis mübarizə aparan qrup üçüncüsü də D diviziyasına enir.

Qrup mərhələsi üçün klassifikasiya qaydaları[redaktə | əsas redaktə]

Qruplarda iki və ya daha çox komandanın xallarının bərabər olması halında sıra ilə aşağıdakı kriteriyalardan istifadə olunur:

  1. Komandaların öz aralarında oynadığı oyunlarda qazandıqları xal və ya xallar
  2. Komandaların bir-biri ilə keçirdiyi oyunlar arasında top fərqi
  3. Komandaların bir-biri ilə keçirdiyi oyunlarda vurulan qol sayı
  4. Komandaların bir-biri ilə keçirdiyi oyunlarda atılan səfər qolları
  5. 1-4 nömrəli kriteriyaların işlədilməsinə rəğmən hələ də bərabərlik pozulmayıbsa,1-4 nömrəli kriteriyalar bir daha işlədilir,və hələ də bərabərlik varsa 6-10 nömrəli kriteriyalar istifadə edilir.
  6. Qrupdakı qol fərqi
  7. Qrupda vurulan qol sayı
  8. Qrupda vurulan səfər qollarının sayı
  9. Qrupdakı qələbə sayı
  10. Qrupdakı səfər qələbəsi sayı
  11. Fair-play xalı (sarı kart 1 xal, qırmızı kart 3 xal, sarı + qırmızı kart 4 xal)
  12. 2017-ci il UEFA Milli komandaların reytinq cədvəli

İstinadlar[redaktə | əsas redaktə]

  1. UEFA-dan yenilik: Millətlər Liqası təsis edilir.  (azərb.)
  2. Rumsby, Ben (25 March 2014). "England ready to play in new Nations League as revolutionary UEFA plan earns unanimous backing". The Telegraph (ingilis). The Telegraph Media Group. İstifadə tarixi: 26 mart 2014.
  3. "UEFA Nations League: all you need to know". UEFA.com. 27 mart 2014.