Ulduzə Nəsirova
| Ulduzə Nəsirova | |
|---|---|
| Ulduzə Sülüyman qızı Nəsirova | |
| Doğum adı | Ulduzə Sülüyman qızı Nəsirova |
| Doğum tarixi | |
| Milliyyəti | azərbaycanlı |
| Vətəndaşlığı |
 SSRİ Azərbaycan |
| Fəaliyyət illəri | 1978-ci ildən bu günə kimi |
| Təhsili | Azərbaycan Dövlət İncəsənət institutu |
| Mükafatları |
 |
Ulduzə Nəsirova (27 aprel 1956)— Azərbaycanlı teatr və kino aktrisası, Azərbaycan Respublikasının Əməkdar artisti (2008).[1]
Həyatı[redaktə | mənbəni redaktə et]
Ulduzə Nəsirova 27.04.1956-cı il tarixində anadan olub. Ulduzə Nəsirova 1974–1978-ci illərdə M. A. Əliyev adına Azərbaycan Dövlət İncəsənət İnstitutunun "Dram və kino aktyorluğu " fakültəsində təhsil alıb. 1978-ci ildə U. Nəsirova təyinatla M. Davudova adına Mingəçevir Dövlət Dram teatrına işləməyə göndərilib. Az bir müddətdə Mingəçevir teatrının səhnəsində bir-birinin ardınca oynadığı obrazlarını özünəməxsus ştrix və boyalarla yaradaraq tamaşaçı rəğbəti qazana bilmişdir. Onun zəhmətkeşliyi, oynadığı rollara yaradıcı münasibəti, təvazökarlığı az bir müddətdə Ulduzə xanımı Mingəçevir tamaşaçılarının sevimlisi etmişdir. 1984-cü ildən U. Nəsirova, taleyini Sumqayıt Dövlət Dram teatrı ilə bağlamışdır. Bu teatrda işlədiyi müddətdə U. Nəsirova müxtəlif səpgili, zidd xarakterli rollar ifa etmişdir.1993-cü ildə Respublikamızda keçirilən mono-tamaşalar festivalında Çingiz Ələsgərlinin "Etiraf" adlı mono-tragifars əsəri ilə çıxış edən U. Nəsirova həmin festivalın "Faciə ilahəsi" adına layiq görülmüşdür. Bu istedadlı aktrisanın sənətkarlığını nəinki Sumqayıtlılar, Azərbaycan tamaşaçıları, hətta Dağıstan və Qazaxıstan teatrsevərləri də rəğbətlə qarşılamışlar. U. Nəsirova 2003-cü ildə Respublika Prezidenti mükafatçısı olub. U. Nəsirova 2008-ci ildə Respublikanın əməkdar artist adına layiq görülmüşdür.,[2]
Mingəçevir Dövlət Dram Teatrında oynadığı rollar:
- S. Rəhman "Toy" – Kamilə
- S. Salamzadə "Ən xoşbəxt gün" – Zərqələm,
- C. Məmmədov "Qaçırılmış qız" –Hicran
Sumqayıt Dövlət Dram Teatrında oynadığı rollar:
- Ş. Arif "Qınamayın məni" — Cahan
- A. İvaşenko "Uşağa bir üç yazın" – Radayeva
- G. Xuqayev "Varlı ev" – Mamaça
- A. Mirzə "Məlikməmmədin yeni sərgüzəştləri" – Tacirin arvadı
- C. Yusifzadə "İtilgetlər" – Qadın
- C. Yusifzadə "Dağlar arxasız olmur" – Aypara
- V. Səmədoğlu "Bəxt üzüyü" – Sara
- R. N. Güntəkin "Bir gecəlik ər" – Adilə dudu
- N. Qoqol "Evlənmə" – Flokeya İvanovna
- N. Qoqol "Müfəttiş" – Avtodiya
- S. Mrojek "Təxribatçılar" – Serjantın arvadı
- N. Hikmət "Bayramın birinci günü" – Həbibə və Fərxundə
- Ə. Əylisli "Bir cüt bədmüşk ağacı" – Xatirə
- C. Məmmədquluzadə "Ölülər" – Ana
- Anar "Təhminə və Zaur" – Mədinə
- İ. Məlikzadə"Subaylarınızdan görəsiniz" – Səməni
- Ü. Hacıbəyov "Arşın mal alan" – Asya və Cahan xala
- F. Məhərrəmov "Oğuzlar" – Burla xatun
- Ə. M. Lələdağ "Qorxaq" – Sünbül
- Ə. M. Lələdağ "Dağlarda tufan" – Ana
- T. Vəliyeva "Mənim ağ göyərçinim" – Zəhra xanım
- G. Xuqayev "Bir köpək vardı" – Qarğa və Kvark
- K. Kərimov "Cahargah fantaziyası" – Bikə xala
- Ç. Aytmatov "Ümid sahili" – Şaman
- N. Dumbadze "Ağ bayraqlar" – Ana
- A. Şaiq "Qaraca qız" – Nərgiz
- M. Qacar "Qabanın səfəri" – Qarğa
- R. Əlizadə "Dadaşbala əməliyyatı" – Fatma
- "Ələddinin sehrli çırağı" – Ana
- M. Tven "Şahzadə və dilənçi" – Cenni
- İ. Əfəndiyev "Sən həmişə mənimləsən" – Xurşud xanım
- Elçin "Qatil" – Qonşu qadın
- V. Hauf "Balacaboy yekəburun" – Hanna
- K. Mirzəzadə "Qudalar" – Xədicə
- M. Süleymanlı "Dəyirman" – Gülünün arvadı
- C. Cabbarlı "Oqtay Eloğlu" – Gülgəz
- C. Məmmədquluzadə "Danabaş kəndinin əhvalatlatları" – İzzət
- C. Məmmədquluzadə "Ölülər" – Qadın
- F. Həsənqızı "Anası öpməyən qız" – Dayə
- Ş. Qəribli "Sehrli açar" – Qaraçı qadın
- Ş. Qurbanov "Milyonçunun dilənçi oğlu" – Kübar qadın
- A. İdrisoğlu "Şah İsmayıl" – Səkinə (F. Kərimzadənin "Xudafərin körpüsü", "Çaldıran döyüşü" və Ə. Nicatın "Qızılbaşlar" romanları əsasında)
- M. F. Axundzadə "Müsyö Jordan və dərviş Məstəlişah" – Şəhrəbanu
- M. F. Axundzadə "Lənkəran xanının vəziri" – Pəri xanım
- S. S. Axundov "Tamahkar" – Nabat və Şərəf xanım
- Anar "Adamın adamı" – Xəbərçi Xədicə
- Ç. Məmmədov "Kişi" – Sona
- M. Haqverdiyev "Fədakarlıq" – Zeynəb
- F. Mustafa "Əqrəb bürcü" – Qonşu qadın
- A. Babayev "Xilaskar" – Qadın
- Ç. Ələsgərli "Etiraf" (Monotamaşa) – Ana
- M. İbrahimov "Yaxşı adam" – Sənəm xala
- V. Şukşin "Diribaş adamlar" – Sonya və Vera Serqeyevna
- Ç. Aytmatov "Əsrə bərabər gün" – Əsgər şineli qadın
- Ə. Salahzadə "Yayın qış gecəsi" – Xatın
- H. Cavid "Ana" – Ana
- H. Mirələmov "Vicdanın hökmü" – Ana.
İstinadlar[redaktə | mənbəni redaktə et]
- ↑ "Nəsirova Ulduzə -əməkdar artist". 2018-09-12 tarixində arxivləşdirilib. İstifadə tarixi: 2023-06-09.
- ↑ "Hüseyn Ərəblinski adına Sumqayıt Dövlət Musiqili Dram Teatrının əməkdaşlarına fəxri adların verilməsi haqqında haqqında Azərbaycan Respublikası Prezidentinin Sərəncamı". 2021-07-09 tarixində arxivləşdirilib. İstifadə tarixi: 2017-09-16.
