Vüqar Yusifov
| Vüqar Yusifov | |
|---|---|
| Vüqar Nurəddin oğlu Yusifov | |
 | |
| Şəxsi məlumatlar | |
| Doğum tarixi | |
| Doğum yeri | Şiştəpə, Şəmkir rayonu, Azərbaycan SSR |
| Vəfat tarixi | (39 yaşında) |
| Vəfat yeri | Goranboy, Azərbaycan |
| Vəfat səbəbi | Şəhid olmuşdur |
| Dəfn yeri | Şiştəpə, Şəmkir rayonu, Azərbaycan |
| Vətəndaşlığı |
 SSRİ → Azərbaycan |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Quru Qoşunları |
| Xidmət illəri | 1993—2016 |
| Rütbə | Polkovnik |
| Döyüşlər | Aprel döyüşləri |
| Təltifləri |
    _yubiley_medal%C4%B1_-_lent.png){kind=small} _yubiley_medal%C4%B1_-_lent.png){kind=small} _yubiley_medal%C4%B1_-_lent.png){kind=small} |
Vüqar Nurəddin oğlu Yusifov (2 noyabr 1976; Şiştəpə, Şəmkir rayonu, Azərbaycan SSR — 2 aprel 2016; Goranboy, Azərbaycan) — Azərbaycan Silahlı Qüvvələrinin polkovniki. 2016-cı ildə Aprel döyüşləri zamanı şəhid olub, ölümündən sonra "Vətənə xidmətə görə" ordeni (III dərəcəli) ilə təltif edilib.
Həyatı[redaktə | mənbəni redaktə et]
Vüqar Yusifov 1976-cı ilin 2 noyabr günündə Şəmkir rayonunun Şiştəpə kəndində anadan olub. 1983-cü ildə Şiştəpə kənd orta məktəbinin birinci sinfinə gedən Vüqar Yusifov 1993-cü ildə həmin məktəbi bitirdi. Elə həmin il Türkiyə Respublikasında Quru Qoşunları Ali Hərbi Məktəbinə daxil olan Vüqar Yusifov 1997-ci ildə leytenant rütbəsi aldı və bir il sonra həmin hərbi ali məktəbi bitirdi.
Vüqar Yusifov 2004-cü ildə Lalə Əliyeva ilə nişanlandı, 2006-cı ildə isə ailə həyatı qurdu. Bu nikahdan onların üç övladı var idi; Ayan Yusifzadə (d. 2007), Aytən Yusifzadə (d. 2009) və Yusif Yusifzadə (d. 2014).
Hərbi xidməti[redaktə | mənbəni redaktə et]
Polkovnik Vüqar Yusifov 2016-cı ilin aprel ayında Azərbaycan-Ermənistan təmas xəttində baş verən atışma zamanı şəhid oldu.
Aprelin 6-sı isə Vüqar Yusifov doğulduğu Şəmkir rayonunun Şiştəpə kəndində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və polkovnik Yusifov uğrunda şəhid olduğu torpağa tapşırıldı.
Xatirəsi[redaktə | mənbəni redaktə et]
Vüqar Yusifov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Vətənə xidmətə görə" ordeni (III dərəcəli) ilə təltif edildi.
2019-cu ildə ARB Aran televiziyasında Vüqar Yusifovun döyüş yolundan bəhs edən "Vüqarlı dağlar" sənədli filmi çəkilmişdir.[1][2] Filmin rejissoru Röyal Əliyevdir.
İstinadlar[redaktə | mənbəni redaktə et]
- ↑ ATV. "Şəhid Vüqar Yusifovun xatirəsi anıldı" (az.). Youtube.com. 02.11.2019. İstifadə tarixi: 2019-11-02.
- ↑ APA TV. "Aprel şəhidi polkovnik Vüqar Yusifovun doğum günü qeyd olunub" (az.). Youtube.com. 04.11.2019. 2019-11-10 tarixində arxivləşdirilib. İstifadə tarixi: 2019-11-04.
