Vəlixan Qarayev

Vikipediya, azad ensiklopediya
Jump to navigation Jump to search
Vəlixan Qarayev
Qarayev Vəlixan Novruz oğlu
Vəlixan Qarayev.jpg
Doğum tarixi (60 yaş)
Vətəndaşlığı Rusiya Rusiya
Milliyyəti azərbaycanlı
İxtisası Müalicə işi
Təhsili Ali, N.Nərimanov adına Azərbaycan Dövlət Tibb İnstitutu

Vəlixan Qarayev (tam adı: Qarayev Vəlixan Novruz oğlu; d. 8 iyun 1960) — Tibb elmləri doktoru[1]. Icbari Tibbi Sığorta üzrə Dövlət Agentliyi "Tibbi Ərazi Bölmələrini Idarəetmə Birliyi" publik hüquqi şəxsin "Şamaxı Müalicə Diaqnostika Mərkəzi" publik hüquqi şəxsində Direktor vəzifəsində çalışır.

Həyatı[redaktə | əsas redaktə]

Vəlixan Qarayev 8 iyun 1960-cı ildə anadan olmuşdur.

Karyerası[redaktə | əsas redaktə]

1985-ci ildə N.Nərmanov adına Azərbaycan Dövlət Tibb İnstitutunun Müalicə işi fakültəsini bitirmişdir. 1985-1986-cı illərdə Saratov Tibb İnstitutunun “Cərrahiyyə” kafedrasında internaturanı həkim cərrah ixtisası üzrə bitirmişdir.

1987-ci ildən 1996-cı ilədək Kazan şəhərində 7 saylı klinik şəhər xəstəxanasının cərrahiyyə şöbəsində - Həkimləri Təkmilləşdirmə Akademiyasının “Ümumi və təcili cərrahiyyə” kafedrasının bazasında cərrah vəzifəsində çalışmışdır.

1996-cı ildən 2000-ci ilədək RF FSX-nın Nijni Novqorod şəhəri Hərbi Tibbi İnstitutunun “Cərrahi xəstəliklər” kafedrasında müəllim işləmişdir.

2000-ci ildən 2011-ci ilədək Kazan şəhərində 7 saylı klinik şəhər xəstəxanasının cərrahiyyə şöbəsində - Həkimləri Təkmilləşdirmə Akademiyasının “Ümumi və təcili cərrahiyyə” kafedrasının bazasında həkim-cərrah kimi çalışıb və şöbə müdiri vəzifəsini əvəz edib. Mütəmadi olaraq Həkimləri Təkmilləşdirmə Akademiyasının “Ümumi və təcili cərrahiyyə” kafedrası ilə elmi-praktik əməkdaşlıq edib.

2011-ci ildən 2012-ci ilədək Azərbaycan Respublikası Səhiyyə Nazirliyi Şamaxı Müalicə Diaqnostika Mərkəzi cərrahiyyə şöbəsinin müdiri vəzifəsində çalışıb. 2012-ci ildən 01.01.2020-ci ilədək Azərbaycan Respublikası Səhiyyə Nazirliyi Şamaxı Müalicə Diaqnostika Mərkəzinin Baş həkimi, 01.01.2020-ci ildən indiyədək Icbari Tibbi Sığorta üzrə Dövlət Agentliyi "Tibbi Ərazi Bölmələrini Idarəetmə Birliyi" publik hüquqi şəxsin "Şamaxı Müalicə Diaqnostika Mərkəzi" publik hüquqi şəxsində Direktor vəzifəsində çalışır.[2].

Elmi fəaliyyəti[redaktə | əsas redaktə]

1999-cu ildə namizədlik dissertasiyasını, 2009-cu ildə doktorluq dissertasiyasını müdafiə edərək tibb elmləri doktoru elmi dərəcəsini almışdır.

1998-ci ildən ali dərəcəli həkim-cərrahdır. Qarın və döş boşluğları orqanlarında, ətraflarda, damarlarda təcili və planlı cərrahi əlaməliyyatları açıq və endoskopik üsullarla tam həcmdə yerinə yetirir.

49 elmi işin, 1 monoqrafiyanın, 17 ixtira və 5 tədris vəsaitinin müəllifidir.

Mükafatları[redaktə | əsas redaktə]

  • Rusiya Rusiya Federasiyasının FSX I dərəcəli diplomu (ixtira və rasionalizatorluq işinə görə) (26 may 2000).
  • Rusiya Rusiya Federasiyasının FSX Fəxri Fərmanı (1999).
  • Rusiya Rusiya Federasiyasının Tatarıstan Respublikası Dövlət Şurasının Fəxri Fərmanı.

Ailəsi[redaktə | əsas redaktə]

Ailəlidir, bir oğlu və bir qızı var.

İstinadlar[redaktə | əsas redaktə]

Müəllif hüquqları[redaktə | əsas redaktə]