VI Kancuro Fucima

Vikipediya, azad ensiklopediya
Naviqasiyaya keç Axtarışa keç
VI Kancuro Fucima
Doğum tarixi 8 oktyabr 1900(1900-10-08)
Doğum yeri
Vəfat tarixi 5 dekabr 1990(1990-12-05) (90 yaşında)
Uşaqları
  • III Kanso Fucima[d],
  • Fumihiko Fucima[d]
Fəaliyyəti nihon-buyo rəqqası[d], xoreoqraf
Mükafatları "Mədəniyyət" ordeni

VI Kancuri Fucima (藤間勘十郎６世?, 8 oktyabr 1900, Tokio – 5 dekabr 1990) və ya doğum adı ilə Hideo Fucima (藤間 秀雄?) – Yaponiya rəqqası və xoreoqrafı. O, yapon rəqsinin Fucima məktəbinin rəhbəri olmuşdur. Karyerasını başa vurduqdan sonra II Kanso Fucima (藤間勘祖2世?) adını götürmüşdür.

Həyatı[redaktə | mənbəni redaktə et]

Kancuro Fucima 1781-ci ildə əsası qoyulmuş Fucima məktəbinə başçılıq edən şəxslərə verilən, nəsildən nəsilə ötürülən səhnə adıdır. Bu təxəllüs ilk dəfə Kanbey Fucima tərəfindən istifadə olunmuşdur.[1]

Hideo Fucima 1900-cü ildə Tokio şəhərində doğulmuşdur. O, əvvəlcə özünə Onoe Umeo səhnə adını götürsə də, daha sonra Fucima məktəbinə qəbul olunmuş və 1927-ci ildə VI Kancuro Fucima adını qəbul etmişdir. 1927-ci ildə kabuki aktyoru VI Onoe Kikuqoro üçün rəqs xoreoqrafiyası təşkil edərək Kabukizanın xoreoqrafı olmuşdur.[2] "Yamauba" və "Oymatsu" kimi işlərin müəllifi olmuşdur.[1] O, kostyumsuz və maskasız ifa olunan suodori rəqsinin ustası kimi tanınmışdır. 1990-cı ildə karyerasını başa vurmuş və Kancuro Fucima adını qızına ötürərək özünə II Kanco Fucima adını götürmüşdür.[2]

Mükafatlar[redaktə | mənbəni redaktə et]

25 mart 1960-cı ildə Yaponiya hökuməti tərəfindən yaşayan milli xəzinə elan olunmuşdur.[3] "Makuracişi" üçün hazırladığı xoreoqrafiyasına görə 1963-cü ildə Yaponiya İncəsənət Akademiyası Mükafatına layiq görülmüşdür. 1967-ci ildə həmin akademiyanın üzvü olmuşdur. 1982-ci ildə "Mədəniyyət" ordeni ilə təltif olunmuşdur.[2]

İstinadlar[redaktə | mənbəni redaktə et]

  1. ↑ 1 2 Cohen. səh. 90
  2. ↑ 1 2 3 Japan. An Illustrated Encyclopedia. səh. 413
  3. ↑ The Japan Biographical Encyclopedia & Who's Who. səh. 2160

Ədəbiyyat[redaktə | mənbəni redaktə et]

  • Cohen, Selma Jeanne. Internation of Encyclopedia of Dance (ingiliscə). III. Oxford University Press. 1998. 90. ISBN 0-19-512307-7. İstifadə tarixi: 6 fevral 2024.
  • Japan. An Illustrated Encyclopedia (ingiliscə). I cild (A–L). Tokio: Kodansha. 1993. 413. ISBN 4-06-2064-89-8. İstifadə tarixi: 6 fevral 2024.
  • The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 2160. İstifadə tarixi: 6 fevral 2024.
Mənbə — "https://az.wikipedia.org/w/index.php?title=VI_Kancuro_Fucima&oldid=7463068"