Vaqif Mahmudov

Vaqif Mahmudov
Vaqif Mahmudov
Quba Rayon İcra Hakimiyyətinin başçısı
	13 mart 1994 – 7 iyul 1999
Əvvəlki	Eldar Sübhanverdiyev
Sonrakı	Mehman İbrahimov
Şəxsi məlumatlar
Doğum tarixi	22 oktyabr 1941
Doğum yeri	Qam-qam, Quba rayonu, Azərbaycan;
Vəfat tarixi	28 aprel 2023 (81 yaşında)
Vəfat yeri	Bakı, Azərbaycan;
Dəfn yeri	Qam-qam;
Fəaliyyəti	siyasətçi
Təltifləri

Vaqif Əhməd oğlu Mahmudov (22 oktyabr 1941, Qam-qam, Quba rayonu – 28 aprel 2023, Bakı) — Azərbaycan ictimai-siyasi xadimi, Quba Rayon İcra Hakimiyyətinin başçısı (1994–1999).

Həyatı

Vaqif Əhməd oğlu Mahmudov 1941-ci il oktyabrın 22-də Quba rayonunun Qam-qam kəndində anadan olmuşdur. 1959-cu ildə Rustov kənd orta məktəbini, 1967-ci ildə Azərbaycan Dövlət Universitetini (indiki BDU), 1991-ci ildə isə Bakı Sosial İdarəetmə və Politologiya İnstitutunu bitirmişdir.

Əmək fəaliyyətinə kənd istehlak cəmiyyətində mühasib kimi başlamışdır. 1959-cu ildən mühasib, Qamqam kənd orta məktəbində pioner baş dəstə rəhbəri olmuşdur. 1965-ci ildən Azərbaycan LKGİ Quba Rayon Komitəsində təlimatçı, şöbə müdiri, Azərbaycan Kommunist Partiyası Quba Rayon Komitəsində təlimatçı, Quba rayonu Lenin adına Sovxozda partiya komitəsinin katibi işləmiş, 1971-ci ildən Azərbaycan LKGİ Quba Rayon Komitəsinin birinci katibi seçilmişdir. 1976-cı ildən Quba Rayon Xalq Nəzarəti Komitəsinin sədri, 1987-ci ildən Quba Rayon Xalq Deputatları Soveti İcraiyyə Komitəsinin sədri, 1991-ci ildən Quba Rayon İcra Hakimiyyəti başçısının birinci müavini vəzifələrində çalışmış, 1993-cü ildən Azərbaycan Respublikası Nazirlər Kabinetinin İşlər İdarəsində referent, böyük referent olmuşdur. 1994–1999-cu illərdə Quba Rayon İcra Hakimiyyətinin başçısı, daha sonra isə Azərbaycan Respublikası Material Ehtiyatları Komitəsində baş məsləhətçi və aparat rəhbərinin müavini vəzifələrində çalışmışdır. Hal-hazırda təqaüddədir.

Azərbaycan Respublikası Ali Sovetinin deputatı olmuş, "Şərəf nişanı" və "Qırmızı əmək bayrağı" ordenləri ilə təltif edilmişdir.

İstinadlar