Vaqif Vəliyev (ədəbiyyatşünas)

Vikipediya, açıq ensiklopediya
Jump to navigation Jump to search
VAQİF VƏLİYEV
Vaqif Vəliyev (ədəbiyyatşünas).jpg
Doğum tarixi 31 dekabr, 1924
Doğum yeri Pirili, Qazax
Vəfat tarixi 19 sentyabr, 1998
Vəfat yeri Bakı

Vəliyev Vaqif Əli oğlu — ədəbiyyatşünas, 1962-ci ildən Azərbaycan Yazıçılar Birliyinin üzvü, filologiya elmləri doktoru (1972), professor (1976).

Həyatı[redaktə | əsas redaktə]

Vaqif Vəliyev 1924-cü il dekabrın 31-də Qazax rayonunun Pirili kəndində doğulmuşdur. Qazax şəhər 1 saylı orta məktəbində təhsil almışdır (1932-1941). Əmək fəaliyyətinə Azərbaycan KP MK Qazax rayon Partiya Komitəsində texniki katib kimi başlamışdır (1941). Sovet Ordusu sıralarında xidmət etmişdir (1943-1949), ADU-nun filologiya fakültəsində təhsilini davam etdirmişdir (1949-1954). Orada aspiranturaya daxil olmuş, "Səməd Vurğunun poemaları" mövzusunda namizədlik dissertasiyası müdafiə etmiş (1957), Azərbaycan ədəbiyyatı tarixi kafedrasında müəllim, baş müəllim, dosent vəzifələrində işləmişdir (1958-ci ildən). "Azərbaycan folkloru janrları" mövzusunda doktorluq dissertasiyası müdafiə etmiş (1972), 1976-cı ildən həmin kafedranın professoru kimi fəaliyyət göstərmişdir. Dövri mətbuatda şifahi xalq ədəbiyyatı problemlərinə dair vaxtaşırı məqalələri çıxmışdır. "Ayrım bəzəmələri" (1983) və "Bayatılar" (1985) kitablarını toplayıb tərtib etmişdir.

1998-ci il sentyabrın 19-da vəfat etmişdir.

Əsərləri[redaktə | əsas redaktə]

  • 1.Azərbaycan xalq dastanları. Bakı: ADU-nun nəşriyyatı, 1968,
  • 2.Azərbaycan şifahi xalq ədəbiyyatı. Bakı: ADU-nun nəşriyyatı, 1970, 439 səh.
  • 3.Azərbaycan qəhrəmanlıq dastanları. Bakı: ADU-nun nəşriyyatı, 1980, 76 səh.
  • 4.Qaynar söz çeşməsi. Bakı: Yazıçı, 1981, 150 səh.
  • 5.Azərbaycan folkloru. Bakı: Maarif, 1985, 411 səh.