Vaynsberq

Vikipediya, açıq ensiklopediya
Jump to navigation Jump to search
Vaynsberq
alm. Weinsberg
Weinsberg Panorama 3.jpg
Gerb
Gerb
Xəritədə yeri
Vaynsberq — yerləşdiyi ərazi Německo
Vaynsberq
Vaynsberq
Məlumatlar
Ölkə Almaniya
Bölgə Baden-Vürtemberq
Rayon Haylbronn
Yüksəkliyi 219 m
Ərazi 22,22 km²
Əhali 11 349 nəfər (2012)
Əhali sıxlığı 510 nəfər/km²
Telefon kodu +49 7134
Poçt indeksi 74189
İnternet saytı Weinsberg.de

Vaynsberq (alm. Weinsberg‎) — Almaniyanın Baden-Vürtemberq torpağında şəhər. Şəhər öz şərabı ilə tanınır.

Ştutqart inzibati ərazi dairəsinin Haylbronn rayonunda yerləşir və Raum-Vaynsberq bələdiyyələr birliyinə daxildir. Əhalisi 2012-ci ilin sonuna olan məlumata görə 11349 nəfərdir. Sahəsi 22,22 km² təşkil edir. Şəhər üç rayona bölünmüşdür.

Şəhərin hündür yerində Veybertroy (azərb. qadın sədaqəti‎) qalasının qalıqları yerləşir.

Vaynsberqin mühasirəsi[redaktə | əsas redaktə]

Vaynsberq kilsəsində saxlanılan və şəhərin 1140-cı ildəki mühasirəsini təsvir edən rəsm əsəri

Köln kral salnaməsində (lat. Chronica regia Coloniensis) yazılanlara görə, 21 dekabr 1140-cı ildə Vaynsberqi mühasirəyə alan imperator III Konrad şəhərin sərt müqavimətindən qəzəblənərək oranın bütün kişi sakinlərinə ölüm hökmü çıxarır və yalnız qadınlara bellərində apara biləcəkləri qədər yüklə şəhəri tərk etməyə icazə verir. Qadınlar isə öz ərlərini bellərinə alaraq şəhəri tərk etməklə onların həyatını xilas edirlər. Kral isə sözünə sadiq qalaraq buna mane olmur. Şəhərin kilsəsində həmin hadisəni təsvir edən 1659-cu ildə çəkilmiş rəsm asılmışdır.

Qardaşlaşmış şəhərlər[redaktə | əsas redaktə]

Vaynsberqlə qardaşlamış şəhərlərin gerbləri təsvir olunan lövhə

Vaynsberq Fransanın Arden departamentində yerləşən Karinyan və İtaliyanın Asti əyalətindəki Kostilyole-d'Asti şəhərləri ilə rəsmi əlaqələrə malikdir. Şəhər, həmçinin Böyük Britaniyanın Keyvort və ABŞ-ın Minnesota ştatının Leyk-Kristal şəhərləri ilə qeyri-rəsmi əlaqələr yaratmışdır ki, bu da şəhərlər arasındakı tələbə mübadilə proqramları nəticəsində mümkün olmuşdur.

ABŞ-ın Ohayo ştatındakı Vaynsburq (ing. Winesburg) şəhəri XIX əsrin əvvəllərində Vaynsberqin şərəfinə adlandırılmış, 1833-cü ildə isə adı indiki yazılış formasına dəyişdirilmişdir.