Əvvəla məqalənin başlıq hissəsinin mətni çox azdır. Bir gün bu məqalə ana səhifəyə çıxarılanda problem yaranacaq ki, ana səhifəyə hansı mətni əlavə edək? İkincisi, məqalənin siyahı hissəsində sətirlər rənglənib. Anlayıram, rəngiz sətirlər ştatları, yaşıl federal dairəni göstərir və s. Amma başa düşülən etmək üçün legenda buraxmaq lazımdır. Üçüncüsü, niyə görə sq mi (kvadrat mil) ilə də niyə sahələr göstərilib? Axı mil ingilisdilli ölkələrdə istifadə olunan ölçü vahididir. Azərbaycandilli istifadəçilər üçün mil ilə sahəni göstərməyin vacib olmadığını düşünürəm. Məsələn, indilərdə belə məqalə üzərində işləyirəm: Riketts Dərəsi Ştat Parkının şəlalələri. Bu məqaləni ingilis dilindəki analoji məqalədən tərcümə edirəm. Orada şəlalələrin hündürlüyü feet-lə göstərilib, amma tərcümə edəndə onları çıxardım, ancaq metri saxladım. Dördüncü və ən əhəmiyyətlisi, istinadlar çox azdır.--Ağ iβlis(müzakirə)18:41, 21 iyun 2016 (UTC)[cavabla]
Ağ iβlis, legendanı necə əlavə edə bilərəm. Xahiş edirəm bir nümunə verəsiniz. Kvadrat mil məsələsinə gəldikdə isə ingilisdilli olmayan bir çox Vikipediyada da bu məlumat saxlanılıb və məlumatlar rəsmi şəkildə kvadrat millə yazıldığı üçün saxlamağı daha məqsədəuyğun gördüm. İstinad və başlıq hissə üzərində isə qısa müddətdə genişləndirmə apararam. --Aabdullayev851 (müzakirə) 19:09, 21 iyun 2016 (UTC)[cavabla]
Legendanı özüm əlavə etdim. Başlıq hissənin böyüklüyü Polşa milli parkları məqaləsinin başlığının 3/4-ü kimi olsa yaxşı olar. Başlığa statistik və tarixi məlumatları əlavə etmək lazımdır. Məqalənin şəkillərinin izahlarındakı məlumatları başlıqda istifadə etmək olar. Başlıqda istinadları göstərməyi unutmayın. Bir də siyahıda hər ştat və ərazi üçün istinad göstərilsə, yaxşı olar.--Ağ iβlis(müzakirə)19:35, 21 iyun 2016 (UTC)[cavabla]
