Vitold Rostropoviç

Vikipediya, azad ensiklopediya
Jump to navigation Jump to search
Vitold Rostropoviç
rus. Витольд Ростропович
Sənətçi məlumatları
Doğum adı Vitold Rostropoviç
Doğum tarixi 22 aprel 1856(1856-04-22)
Doğum yeri Varşava quberniyası, Rusiya İmperiyası Rusiya İmperiyası
Vəfat tarixi 25 sentyabr 1913 (57 yaşında)
Vəfat yeri Voronej, Rusiya İmperiyası Rusiya İmperiyası
Peşələri pianoçu, pedaqoq, bəstəkar, naşir
Uşağı

Musiqi aləti piano

Vitold Rostropoviç (rus. Витольд Ростропович; 22 aprel 1856, Varşava quberniyası, Rusiya İmperiyası25 sentyabr 1913, Voronej, Rusiya İmperiyası) — pianoçu, pedaqoq, bəstəkar, naşir və fortepiano üçün pedaqoji pyeslər toplusunun tərtibçisi. Violonçelist Leopold Rostropoviçin atası, violonçelist Mstislav Rostropoviçin babası.

Həyatı[redaktə | əsas redaktə]

Vitold 1870-ci ildə Leypsiqə köçür və orada mühəndis işini öyrənir. Eyni zamanda konservatoriyanın professorları Reyneke və Yadassonun rəhbərliyi altında musiqi təhsili alır. Musiqiyə olan hədsiz məhəbbət onu təmamilə özünə cəlb edir və artıq 1870-ci illərin axırlarında Vitold Rostropoviç Voronejda müəllim kimi fəaliyyət göstərməyə başlayır. 1880-ci ilin sentyabr ayında Voronej oğlanlar gimnaziyasında fortepiano üzrə müəllim işləyir. 16 il gimnaziyada müəllimlik fəaliyyət göstərən Rostropoviçin rəhbərliyi altında çoxlu gənc istedadlar təhsil almışlar.[1]

1880-ci illərin əvvəllərində Voronejda musiqi həyatının canlandığı bir zamanda musiqiçilərin qastrol səfərləri, gecə konsertləri, şəxsi məktəblərin açılması bütün qüvvə və həvəslə işləyən yerli insanlardan güc tələb edirdi. Belə ki, 1883-cü ildə "Rus musiqi cəmiyyəti" şöbəsinin Voronejda yaradılmasında zəhməti olanlar sırasında xüsusilə pianoçu Vitold Rostropoviçin də böyük rolu olmuşdur. 1880-ci illərin ortalarından başlayaraq Rostropoviç musiqi əsərlərinin müəllifi və redaktoru kimi məşhurlaşır. Rostropoviç 1913-cü il sentyabr ayının 25-də qəflətən vəfat edir.[1] Voronejdəki Voznesenski qəbiristanlığında dəfn olunub.[2] Məzarı bugünə qədər gəlib çatmayıb.

İstinadlar[redaktə | əsas redaktə]

  1. 1 2 "ROSTROPOVIÇLƏRIN NƏSL ŞƏCƏRƏSI". Musigi-dunya.az. 10 Aprel 2017 tarixində orijinalından arxivləşdirilib.
  2. "Ростропович Леопольд Витольдович — виолончелист, профессор Бакинской консерватории". Наш Баку — история Баку и бакинцев. 2012-04-13. 2012-05-16 tarixində orijinalından arxivləşdirilib. İstifadə tarixi: 2012-04-20.

Həmçinin bax[redaktə | əsas redaktə]