Vladimir Fekete
Vladimir Fekete | |
|---|---|
 | |
| Orijinal adı | Vladimír Fekete |
| Kilsə | Roma Katolik Kilsəsi |
| Təyin edilib | 5 noyabr 2009 (Missiya rəhbəri kimi) 4 avqust 2011 (Prefekt kimi) |
| Sələf | Yan Çapla |
| Təyinatlar | |
| Təyinat | 30 yanvar 1983 |
| Təqdis | 11 fevral 2018 Paul Riçard Qallager tərəfindən |
| Rütbə | Yepiskop |
| Şəxsi məlumatlar | |
| Doğum | Bratislava, Çexoslovakiya |
| Yaşadığı yer | Bakı,  Azərbaycan |
| Təhsili | Komenski Universiteti |
| Şüar | Da Mihi Animas |
 | |
Vladimir Fekete (slovak. Vladimír Fekete, 11 avqust 1955, Bratislava) — Roma-Katolik Kilsəsinin Azərbaycandakı ordinarisi.[1]
Həyat və fəaliyyəti
[redaktə | vikimətni redaktə et]Vladimir Fekete 1955-ci ilde Bratislava yaxınlığındakı Xorvatski Qrob kəndində doğulub. 1979-cu ildə Bratislavada Komenski Universitetinin təbiət elmləri bitirib. 1981-ci ilde Don Boskonun Saleziyanları cəmiyyətinə gizlincə qoşuldu və 30 iyun 1983-cü ildə Berlində Volfqant Veyder tərəfindən keşiş kimi təqdis olundu. 1990-ci ildə Slovakiyada kommunist rejiminin süqutuna qədər geoloq kimi çalışıb. 1989-cu ildən sonra Levoçada Saleziyalı katolik tələbələrin cəmiyyətində direktor olub. 1993-1999-cı illərdə Slovak Saleziyanların vikarı kimi fəaliyyət göstərib. 1999-cı ildə Lüblin Katolik Universitetində teoloji dərəcəsini alıb. 1999-2005-ci illərdə Slovak Saleziyanların rəhbərliyinə geri qayıdıb. 2006-cı ildə Romada Papa yanında Saleziyan Universitetindəki didaktik təhsilini bitirib. 2006-2009-cu illərdə Saleziyan tələbələrin ustadı kimi fəaliyyət göstərib.
Bakıdakı fəaliyyəti
[redaktə | vikimətni redaktə et]5 noyabr 2009-cu ildə Papa XVI Benedikt tərəfindən Katolik kilsəsinin Bakıdakı missiyasına baş keşiş kimi təyin edilib. 4 avqust 2011-ci il tarixindən etibarən Azərbaycan Həvari Prefektinin rəhbəri kimi çalışır.[2] 2 oktyabr 2016-cı ildə Papa Fransiski Bakıda Müqəddəs Bakirə Məryəmin Məsum Hamiləliyi kilsəsində qarşılayıb. 8 dekabr 2017-ci ildə rütbəsi yepiskopluğa qaldırıldı.[3] 11 sentyabr 2018-ci ildə təqdisetmə mərasimi keçirildi və Vatikanın xarici dövlətlərlə əlaqələr üzrə katibi arxiyepiskop Paul Riçard Gallager tərəfindən yepiskop kimi təsdiqləndi.
Gerbi
[redaktə | vikimətni redaktə et]Vladimir Feketenin gerbi Marek Sobola tərəfindən hazırlanmışdır.[4]
| Gerb | Mənası |
|---|---|
|
|
İstinadlar
[redaktə | vikimətni redaktə et]- ↑ "Bishop Vladimír Fekete, S.D.B." 2022-08-12 tarixində arxivləşdirilib. İstifadə tarixi: 2019-03-09.
- ↑ "Slovakiyalı Salesiyan Vladimir Fekete Azərbaycandakı kilsə missiyasına rəhbərlik edir". 2021-10-28 tarixində arxivləşdirilib. İstifadə tarixi: 2019-03-09.
- ↑ Azərbaycan Katolik Kilsəsinin ordinarinə yepiskop rütbəsi verildi[ölü keçid]
- ↑ "Mons. Vladimír Fekete SDB – titulárny biskup municipijský". 2021-10-17 tarixində arxivləşdirilib. İstifadə tarixi: 2019-03-09.