Vladimir Maslaçenko

Vikipediya, açıq ensiklopediya
Jump to navigation Jump to search
Picto infobox character.png
Vladimir Maslaçenko
rus. Владимир Никитович Маслаченко
Fotoqrafiya

Doğum tarixi
5 mart 1936(1936-03-05)
Doğum yeri Vasylkivka, Dnepropetrovsk vilayəti, Ukrayna Sovet Sosialist Respublikası, SSRİ
Vəfat tarixi 28 noyabr 2010 (74 yaşında)
Vəfat yeri Moskva, Rusiya
Vətəndaşlıq Flag of the Soviet Union.svg SSRİ
Flag of Russia.svg Rusiya
Peşəsi futbolçu, jurnalistassociation football manager
VikiAnbarda Commons-logo.svg audio, foto və videofayllar

Vladimir Nikitoviç Maslaçenko (rus. Владимир Никитович Маслаченко) — məşhur sovet futbolçusu, milliyətcə ukraynalıdır. SSRİ əməkdar idman ustasıdır (1969). Qapıçı mövqeyində çıxış edib, 1950-ci illərin sonu 1960-cı illərin ilk yarısında SSRİ-nin ən yaxşı qapıçılarından biri olub. Futbolçu karyerasını başa vurduqdan sonra SSRİ-nin, sonralar isə Rusiyanın ən görkəmli idman şərhçilərindən birinə çevrilib. Moskva şəhərində yaşayırdı. Ailəli idi. Bir oğlu və iki qız nəvəsi var idi. Nəvəsi Yulya Maslaçenko hal-hazırda Rusiyanın NTV Sport (НТВ Спорт) televiziya kanalında idman jurnalisti kimi çalışır.

Futbol[redaktə | əsas redaktə]

1951-ci ildə "Stroitel"-in gəcnlər komandasına qəbul olunub. 1953-cü ildə Krivoy-Roqun "Spartak" komandasına keçib. 1955-ci ildə Dnepropetrovskun "Metallurq" klubuna dəvət olunub. 1956-cı ildə Moskva "Lokomotiv"-inə keçib və 1957-ci ildə bu komandanın heyətində SSRİ Kubokunun qalibi olub. 1962-cı ildə Vladimir Maslaçenko Moskvanın "Spartak" komandasına keçib və 1969-cu ilə qədər onun heyətində çıxış edib. 1966-cı ildən "Spartak"ın kapitanı olub.

Çıxış etdiyi illər ərzində Vladimir Maslaçenko SSRİ çempionatında 315 oyun keçirib ki, bunlardan 196-sı "Spartak"-ın (Moskva) heyətində olub. SSRİ çempionu (1962-ci il), SSRİ Kubokunun üçqat qalibi (1957, 1963 və 1965), SSRİ birinciliyinin üçqat gümüş mükafatçısı titullarına sahib olub.

1957-ci ildə SSRİ yığmasının heyətinə daxil edilib, 1958-ci ilin Dünya çempionatında və 1962-ci il Dünya çempionatının seçmə oyunlarında və final mərhələsində milli komandanın qapısını qoruyub. Sovet yığmasının qalib gəldiyi 1960-cı il Avropa çempionatında yığmanın heyətində yer alıb. SSRİ yığma komandasının heyətində səkkiz rəsmi və iyirmi yoldaşlıq matçında iştirak edib.

100-dən çox rəsmi oyunda qapısından top buraxmayan qapıçılardan ibarət "Lev Yaşin klubu"nun üzvü olub. 1961-ci ildə "İlin qapıçısı" adına layiq görülüb.

SSRİ əməkdar idman ustasıdır (1969).

Televiziya[redaktə | əsas redaktə]

1970-ci ildə karyerasını bitirdikdən sonra o idman jurnalistikası sahəsində çalışmağa başlayıb. Şərh etdiyi ən məşhur oyunlar 1988-ci il Olimpiya oyunlarının finalı SSRİ - Braziliya, 1998-1999 mövsümü Çempionlar liqasının finalı Mançester Yunayted - Bavariya, 2004-2005 mövsümü Çempionlar liqasının finalı Milan - Liverpuldur. V.Maslaçenkonun bu oyunlardakı şərhi Rusiyada futbol şərhçiliyinin klassikası hesab edilir. Ölümünə qədər "NTV-Plyus Futbol" telekanalında şərhçi işləyirdi. Son şərh etdiyi oyun 14 noyabr 2010-cu ildə İtaliya çempionatı Seria A-nın 12-ci turu çərçivəsində oynanılmış İnter - Milan derbisidir.

Vəfatı[redaktə | əsas redaktə]

Vladimir Nikitoviç Maslaçenko 28 noyabr 2010-cu il tarixdə ürək çatışmazlığından vəfat edib. Onun xatirəsi 2010-cu il Rusiya çempionatının 30-cu turunun bütün oyunlarının başlamasından əvvəl bir dəqiqəlik sükutla yad edilib.

Mənbə[redaktə | əsas redaktə]