Volfqanq Amadey Motsartın heykəli (Vyana)

Vikipediya, azad ensiklopediya
Jump to navigation Jump to search
Volfqanq Amadeus Motsartın heykəli (Vyana)
Mozart-Denkmal
Abidənin ümumi görünüşü
Abidənin ümumi görünüşü
Ölkə  Avstriya
Yerləşir Vyana
Heykəltəraşlar Karl Köniq, Viktor Tilqner
Tarixi 21 aprel 1896
Material Mərmər
Vikianbarın loqosu Vikianbarda əlaqəli mediafayllar

Volfqanq Amadey Motsartın heykəli (Vyana) - 1953-cü ildən Avstriyanın Vyana şəhərindəki İnnere Ştadt (Daxili Şəhər) bölgəsindəki Burqqarten qəsəbəsində yerləşən bir abidədir. Bəstəkar Volfqanq Amadey Motsarta (1756–1791) həsr edilmişdir.

7,5 metr hündürlüyündə olan bu heykəl, memar Karl Köniq (1841–1915) və heykəltəraş Viktor Tilqner (1844–1896) tərəfindən hazırlanmış və Albertinaplatz-da (Albertinaplatz Vyananın 1-ci rayonunda, Daxili Şəhərdə (İnnere Ştadt) yerləşir.) 21 aprel 1896-da açılış mərasimi keçirilib. Mərasim memar Tilqnerin ölümündən sonra keçirilib.

Təsviri[redaktə | mənbəni redaktə et]

Heykəl Vinşqaudan, daha doğrusu Cənubi Tiroldan gətirilən Laas mərmərindən, təməl pillələri isə qaranlıq dioritdən hazırlanmışdır. Heykəldə musiqi stendi olan bəstəkar Motsart var. Ətrafı naxışlar, maskalar və çələnglər ilə bəzədilib və heykəəl Stertsinqdən gətirilən kobud mərmərdən hazırlanmış yarım dairəvi ballustrade içərisindədir. Ön tərəfdə bir relyef verilib və bu Motsartın "Don Covanni" operasının iki səhnəsinə aiddir. Luis Karmontellenin dizaynı əsasında heykəlin arxa tərəfində barelyef yerləşdirilib və burada altı yaşlı Motsartı atası Leopold və bacısı Nannerl ilə birlikdə musiqi ifa etmdiyi səhnə canlandırılıb.

Tarixi[redaktə | mənbəni redaktə et]

Heykəlin açılışından 77 il əvvəl Motsart abidəsi üçün vəsait toplanmışdır. Lakin abidənin dizaynını və yerini seçmək problemli idi. Bir neçə təklifə görə abidə üçün yer təklifləri arasında Rathauspark, Ştadtpark və Albertinaplatz daxil edildi. Abidənin dizaynını seçmək üçün iki sənət müsabiqəsi təşkil edildi. Tilqnerin dizaynı peşəkar münsiflər heyətinin seçimində ikinci oldu, lakin Motsart Abidə Komitəsi tərəfindən Edmund fon Hellmerin layihəsi üzərində seçildi.

Abidə 1945-ci il martın 12-də Vyananın bombalanması nəticəsində zədələnmiş, bərpa olunmadan və 5 iyun 1953-cü ildə Burqqatendəki həqiqi yerində yerləşdirilmişdir. Bərpa zamanı abidəyə iki qum-əhəng kərpic sütunu əlavə edildi.

1992-ci ildə Vyana şəhəri abidənin bir nüsxəsini Tokio şəhərinə hədiyyə etdi.

İstinadlar[redaktə | mənbəni redaktə et]