Voroşilov atıcısı (film)
| Voroşilov atıcısı | |
|---|---|
| rus. Ворошиловский стрелок | |
| Janr | cinayət filmi[1], dram filmi, triller filmi |
| Əsas mövzu | qisas[d] |
| Rejissor | |
| Prodüserlər | Yevgeni Golynsky, Igor Tolstunov |
| Ssenari müəllifləri |
Aleksandr Borodyanskiy Stanislav Govorukhin Yuri Polyakov Viktor Pronin |
| Baş rollarda |
Mixail Ulyanov Anna Sinyakina Aleksandr Porohovşçikov |
| Bəstəkar | Vladimir Dashkevich |
| İlk baxış tarixi | 1999 |
| Müddət | 95 dəq. |
| Ölkə | |
| Dil | rus dili |
| Rəng | rəngli |
| IMDb | ID0200267 |
Voroşilov atıcısı (rus. Ворошиловский стрелок, Rom: Voroshilovskiy strelok) — 1999-cu ildə rejissor Stanislav Qovoruxin tərəfindən çəkilmiş olan Rusiya istehsalı olan Vigilante janrında dram filmidir.
Süjet xətti[redaktə | mənbəni redaktə et]
İkinci Dünya müharibəsi veteranı olan İvan Afonin nəvəsi Katya ilə birlikdə yaşayır. Yaxınlıqdakı mənzildə yaşayan üç nəfər gənc (Vadim Paşutin, yerli iş adamı Boris Çuhanov və tələbə İqor Zvorıgin) çərşənbə günlərini özləri üçün cinsi həzz günü kimi təyin edirlər və həmin günləri özlərinə fahişə tutaraq vaxt öldürürlər. Çərşənbə günlərinin birində özlərinə fahişə tapa bilməyəndə təsadüfən yoldan keçən bir qızdan istifadə etmək qərarına gəlirlər. Onlar Katyanı ad günü bəhanəsi ilə öz mənzillərinə aparıb onu orada zorlayırlar. Əvvəlcə cinayətkarlar həbs edilirlər; lakin, Vadimin atası Nikolay polisdə yüksək vəzifəli bir şəxsdir və o öz nüfuzundan istifadə edərək oğluna və dostlarına qarşı irəli sürülmüş olan ittihamları ləğv etməyə nail olur.
Cinayətkarların ədalətdən qaçmasından qəzəblənən İvan daçasını satır və əldə etdiyi pulla qanunsuz silah satıcısından səsboğucu ilə təchiz edilmiş olan bir ədəd SVD snayper tüfəngi alır. Silahı satıcının gözləri qarşısında sınaqdan keçirdərək, bütün test hədəflərini mükəmməl bir formada vurur və satıcının heyranlığını qazanır.
Qonşusu səfərə çıxanda tutuquşusuna baxması üçün mənzilinin açarlarını İvana verir. Mənzili gəzən İvan bu mənzilin birbaşa cinayətkarların mənzilinin qarşısında olduğunu və buradan cinayətkarları izləməyin daha rahat olduğunu aşkarlayır. Oradan öz ədalətini həyata keçirməyə başlayır. Cinayətkarları öldürməmək üçün ehtiyatlı davranaraq yalnız onları şikəst edir. Əvvəlcə o, köpüklü şərab şüşəsi ilə Zvorıginin cinsi orqanını vurur. Daha sonra isə o, yanacaq çənini vuraraq Çuxanovun yeni maşınının partladır: Çuhanov sağ qalsa da, bədəninin aşağı yarısı ciddi bir formada yanır.
Nikolay hər iki qəzanın arxasında İvanın dayandığını başa düşərək İvanın həm evində, həm də ikinci mənzildə axtarış aparılması əmrini verir. Lakin polisin axtarışları zamanı heç bir iz tapmaq mümkün olmur (yerli polis əməkdaşı olan Aleksey tüfəngi bir gün əvvəl taparaq öz evində gizlətmişdi). Polislərin heç bir şey tapa bilməməsinə baxmayaa Nikolay yenə də İvanı hədələyərək oğlunun başına bir şey gələrsə, bunun ağır nəticələrinin olacağını bildirir. Lakin İvan onun sözünü kəsərək deyir ki, artıq nəsə olub. Bundan sonra Nikolay evə tələsir və paranoyak olmuş olan oğlu Vadim tərəfindən vurularaq yaralanır və Vadim günlərlə davam edən qorxudan sonra ağlını itirir.
Filmin sonunda isə polis əməkdaşı olan Aleksey İvana tüfəngini xəlvətcə götürdüyünü və qeyri-rəsmi şəkildə onun silahını müsadirə etdiyini bildirir. Evdə isə artıq mahnılar oxumağa başlayan Katya sağalmağa başlayır və bunu görən İvanın xoşbəxtlik göz yaşları onu müşayiət edir.
Aktyorlar[redaktə | mənbəni redaktə et]
- Mihail Ulyanov - İvan Fyodoroviç Afonin
- Anna Sinyakina - Katya Afonina
- Aleksandr Porohovşçikov - Nikolay Petroviç Paşutin
- Vladislav Galkin - Aleksey Podberyozkin
- İrina Rozanova - Olga İvanovna Afonina, Katyanın anası
- İlya Drevnov - Vadim Paşutin
- Aleksey Makarov - Boris Çuhanov
- Marat Başarov - İgor Zvorygin
- Karen Muradyan - David «Dodik»
- Sergey Aprelsky - Silah satıcısı #2
- Aleksey Şevçenkov - Silah satıcısı #2
- Oleg Komarov
- Sergey Garmaş - Komissar Kaşaev
- Vitaly Logvinovsky - Domino oynayan
- Vladimir Semago - Müfəttiş Şevelyov
- Georgy Martirosyan - Prokuror