Vulf Dorn
| Vulf Dorn | |
|---|---|
| alm. Wulf Dorn | |
| Doğum tarixi | 20 aprel 1969 (54 yaş) |
| Doğum yeri |
|
| Fəaliyyəti | psixiatr, tərcüməçi, yazıçı |
| Fəaliyyət illəri | 2009-indiyə kimi |
| Əsərlərinin dili | almanca |
| Janr | Psixoloji triller |
| Tanınmış əsəri | |
| wulfdorn.com | |
Vulf Dorn (20 aprel 1969, İhenhauzen[d], Bavariya) — müasir dövr alman yazıçısı olan Vulf Dorn əsərləri hazırda təkcə Avropada yox, bütün dünyada ən çox oxunan müəlliflərdən biridir. Vulf Dorn 2009-cu ildə yazdığı ilk romanı "Psixiatr"la məşhurlaşıb. Debüt əsəri ona böyük şöhrət qazandırıb. Müəllif bu əsəri sayəsində Almaniyanın psixoloji triller janrında yazan ən populyar romançıları siyahısına düşüb. Daha sonralar qələmə aldığı "Şizofrenik", "Xain ürəyim", "Oyunbaz", "Fobiya" kimi romanları ilə qısa müddətdə bütün dünyada geniş oxucu kütləsi toplayan yazıçının əsərləri 10-dan çox dilə tərcümə olunub. Həyatının 20 ilini psixiatriya klinikasında fəaliyyətə həsr etmiş Vulf Dorn hazırda yalnız ədəbi yaradıcılıqla məşğuldur.[1]
Həyatı[redaktə | mənbəni redaktə et]
Vulf Dorn 20 aprel 1969-cu ildə Almaniyada anadan olmuşdur. Tam zamanlı yazıçı olmazdan əvvəl psixiatrik terapevt və klinik tədqiqatçı kimi çalışmışdır. İyirmi il ərzində o, psixi pozğunluğu olan insanlara peşə reabilitasiyası və iş üzrə məşqçi kimi dəstək olmuşdur.
Yaradıcılığı[redaktə | mənbəni redaktə et]
Vulf Dorn Jan Forstner, Mark Behrendt, Doro Beck, Simon Strode, Robert Winter və bir çox başqa personajlar yaradıb. Onun psixoloji triller romanları beynəlxalq bestsellerlərə çevrilmişdir və ona çoxsaylı mükafatlar, o cümlədən Ən Yaxşı Beynəlxalq Roman nominasiyasında Fransa Prix Polar mükafatı qazandırdı. Vulf Dorn on iki yaşından qısa hekayələr yazmağa başlayıb və on altı yaşında yerli qəzetdə ilk nəşrini etmişdir. Sonrakı illərdə onun hekayələri qəzet, jurnal və antologiyalarda dərc olunub. 2009-cu ilin oktyabrında onun debüt trilleri "Psixiatr" dərhal uğur qazanmış; psixiatr Ellen Rotun heyranedici hekayəsi çoxsaylı dillərə tərcümə edilmiş və bütün dünyada bir milyondan çox nüsxə satılmışdır. Bu günə qədər Vulf Dornun kitabları Argentina, Braziliya, Çili, Kolumbiya, Fransa, Almaniya, İtaliya, Meksika, İspaniya, Türkiyə və Uruqvayda bestsellerlər siyahısına düşüb. Vulf Dorn yazıları ilə yanaşı David Bowie, Mario Puzo, David Lynch, Frencis Ford Coppola və Jack the Ripperin mətnlərini alman dilinə tərcümə etmişdir.[2]
Romanları[redaktə | mənbəni redaktə et]
- 2009: Psixiatr. Triller. Yay Kitab (2018), ISBN 978–9952310016
- 2010: Şizofrenik. Triller. Yay Kitab (2017), ISBN 978–9952520972
- 2011: Oyunbaz. Triller. Yay Kitab (2018), ISBN 978–9952310351
- 2012: (Xain ürəyim) Mein böses Herz. Thriller. cbt, München 2012, ISBN 978-3-570-16095-4
- 2013: Fobiya. Triller. Yay Kitab (2021), ISBN 9786053438168
- 2017: Die Kinder. Thriller. Heyne Verlag, München 2017, ISBN 978-3-453-27094-7[3]
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ Vulf Dorn. Psixiatr. Yay Kitab. 2018. ISBN 978-9952310016.
- ↑ "Biography". www.wulfdorn.com. 2022-06-16 tarixində arxivləşdirilib.
- ↑ "Novels". www.wulfdorn.com.