Tahir Əkbər

TAHİR ƏKBƏR
Doğum tarixi	20 yanvar 1946(1946-01-20)
Doğum yeri	Bakı, Azərbaycan SSR, SSRİ
Vəfat tarixi	2 mart 2018(2018-03-02) (72 yaşında)
Vəfat yeri	Bakı, Azərbaycan
Fəaliyyəti	bəstəkar, müğənni, mühazirəçi
Fəaliyyət illəri	1969-cu ildən
Vikianbarda əlaqəli mediafayllar

Tahir Əkbər - Azərbaycanlı bəstəkar.

Həyatı

1946-cı il yanvarın 20-də anadan olub. Musiqiyə hədsiz həvəsi olduğundan 1960-cı ildə Dzerjinski adına musiqi məktəbinin fortepiano şöbəsinə daxil olub, 1965-ci ildə isə oranı bitirib.

Həmin ildə Həmzə Həkimzadə Niyazi adına Daşkənd musiqi nəzəriyyəsi şöbəsinə daxil olub, 1969-cu ildə də musiqişünas kimi təhsilini başa vurub. Tahir Əkbər 1970-ci ildə Muxtar Əşrəfi adına Dəşkənd Dövlət Konservatoriyasının bəstəkarlıq şöbəsinə qəbul olub. Burada tanınmış bəstəkar, professor Boris Zeydmanın sonuncu azərbaycanlı tələbəsi olub. 1985-ci ildən keçmiş SSRİ Bəstəkarlıq İttifaqının, hazırda isə Azərbaycan Bəstəkarlar Birliyinin üzvüdür. Tahir Əkbər müxtəlif janrlarda - xor musiqisi, simfonik və kamera əsərləri yaradıb. “Simfonik rənglər“, ilahiyyat mövzusunda yazdığı “Amin“ əsəri Azərbaycan professional musiqisində yeni janrlar hesab olunur.

Yaradıcılığı

Bəstəkarın bəstələdiyi onlarca mahnı, o cümlədən “Dərdin alım“, “Heç küsməyin yeridirmi?“, “Azərbaycan“, “Əzizim“, “Heyfim gəldi“, “Qalardım“, “Bir qız bir oğlanındır“, “Xəzəllərin rəqsi“ və başqa mahnılar görkəmli ifaçılarımız Şövkət Ələkbərova, Mirzə Babayev, Zeynəb Xanlarova və digər müğənnilər tərəfindən uğurla ifa olunub. Onun mahnıları nəinki Azərbaycan, hətta qardaş Türkiyə müğənnilərinin də ifalarında sevə-sevə səslənib. Buna misal olaraq Nəşə Karaböcəyi göstərə bilərik. Türkiyədə məşhur olan bu müğənni bəstəkarın “Heç küsməyin yeridirmi?“ mahnısını hər zaman repertuarına salıb. Tahir müəllimin “Amin“ mahnısı müğənni Brilyant Dadaşovanın ifasında Norveçdə Nobel mükafatının 100 illiyi ilə əlaqədar olaraq diskə salınıb və dünya xalqlarını sülhə çağıran bu disk Avropada yayılıb. Şanxayda keçirilən 8-ci Beynəlxalq Asiya müsabiqəsində Tahir Əkbərin “El oğlu, hay ver...“ əsəri 26 ölkədən finala çıxan qaliblərdən biri olub. Bu mahnı dünya azərbaycanlılarına ünvanlanan və onları həmrəyliyə çağıran əzəmətli bir əsərdir. Bunun davamı kimi Dünya Azərbaycanlılarının 2-ci qurultayı ərəfəsində ulu öndərimiz Heydər Əliyevin xatirəsinə həsr etdiyi “Həmrəylik“ himni xor və simfonik orkestrin ifasında səslənib. 2006-cı il noyabr ayının 9-da filarmoniyada Bəstəkarlar Birliyinin təqdimatı və Azərbaycan Mədəniyyət Nazirliyinin sərəncamı ilə Tahir Əkbərin 60 illik yubileyi təntənəli surətdə keçirildi.

• "Olan olar".
• Vokal və orkestr üçün kompozisiya. Söz. H. Arif (1990);
• "Azəri" - klarnet və instrumental ansambl üçün rəqs (1999)
• "Yarat" - vokal, xor və orkestr üçün poema-kompozisiya (2000)
• 1990-1999-cu illərdə 30-dan artıq mahnı bəstələnib-

Mükafatları

• Azərbaycan Respublikasının Əməkdar İncəsənət Xadimi — 14.09.2012

Filmoqrafiya

1. Zəlimxan dastanı (film, 2007)

Xarici keçidlər

• "Musiqi Xəzinəsi" verilişi - Tahir Əkbər (2012)
• Nəzakət Məmmədova - Heç küsməyin yeridirmi?
• Güllü Muradova - Qərarsız mən oldum
• Əlikram Bayramov - Xəzəllərin rəqsi
• Vaqif - Aşiq olmuşam - sözlər: Rəna Mirzəyeva
• Nərgiz Mehdiyeva - Nə istəyirsən?
• Şəhla Həmidova - Gül olaydım ömrünə
• Əlikram Bayramov Xəzəllərin Rəqsi
• Bəstəkar Tahir Əkbərin 70 illik yubileyi qeyd olundu