Azadlıq Radiosu

"Azadlıq" radiosu (Radio Free Europe/Radio Liberty (RFE/RL)) — ABŞ Konqresinin maliyyələşdirdiyi qeyri-kommersiya təşkilatıdır.Radio Free Europe/Radio Liberty tərəfindən 1950-ci ildə qurulmuş və John Foster Dulles,rəhbərliyindəki qurum CIA tərəfindən Anti-Kommunizm təbliğat etmək məqsədiylə xüsusilə Soyuq Müharibə dövründə sıx şəkildə istifadə edilmişdir. O, Şərqi və Cənub-Şərqi Avropa, Qafqaz, Mərkəzi Asiya, Yaxın Şərq ölkələrinə yayımlanır. 35 milyondan çox insan hər gün "Azadlıq" radiosunun verilişlərini dinləyir.

Tarixi

1995-ci ildə Çexiya prezidenti Vatslav Havelin dəvətilə «Azadlıq» radiosu Münhendən Praqaya köçüb. «Azadlıq» radiosu Çexoslovakiya Federal Parlamentinin əvvəlki binasında yerləşən yayım mərkəzindən hər həftə 1000 saatdan çox veriliş yayımlayır.

«Azadlıq» radiosunun 23 redaksiyası vardır. Onlar 28 dildə verilişlər hazırlayırlar. Radio dünyanın müxtəlif yerlərindən aktual reportajlar hazırlayan 1400-dən çox ştatdankənar müxbirlə əməkdaşlıq edir.

«Azadlıq» radiosu aşağıdakı dillərdə verilişlər yayır: avar, Azərbaycan, alban, ərəb, başqırd, Belarus, Bosniya, erməni, gürcü, dari, qazax, qırğız, Krım-tatar, kürd, makedon, moldovan, fars, puştu, rus, rumın, serb, tacik, tatar, türkmən, özbək, Ukrayna.

Eston, latış, Litva, polyak, slovak, macar və çex xidmətləri öz missiyalarını başa vurub, yayımlarını dayandırıblar.

Azərbaycanca

"Azadlıq" radiosunun Azərbaycan xidmətinin ilk verilişi 1953-cü ildə Almaniyadan, Münhen şəhərindən efirə çıxıb. 2004-cü ildən «Azadlıq» radiosunun Bakıda da bürosu rəsmi fəaliyyət göstərir.

Mənbə

• "HAQQIMIZDA" (az.). azadliq.org. İstifadə tarixi: 2014-05-15.

Həmçinin bax

• Əbdürrəhman bəy Fətəlibəyli

• Radio Free Europe/Radio Liberty

Xarici keçidlər

• Rəsmi saytı
• Azərbaycanca rəsmi saytı  (az.)  (rus.)